الحقوووووونى لاهالى الاسكندرية

[Hesham94]

السلام عليكم

انا معايا w123 230 والعربية عايزة تصليح وعايزة تترش

ومش عارف حد نضيف اروح عنده

ياريت ياجماعة اللى من الاسكندرية يقولى على حد نضيف وميكونش حرامى فى اسعارة علشان انا سمعت اسعار خزعبليه
اللهم اجعله فى ميزان حسناتكم

[Hesham94]

ياقووووم الحقونى
عايز اشد العربية ومعرفش حد
ياريت اللى يعرف حد نضيف يقول عليه وربنا يجعله فى ميزان حسناته

[أبو عمار]

أنا شغال مع مركز قنديل لخدمة مرسيدس بشارع محمد نجيب سيدى بشر (المهندس شريف راجل محترم و فاهم و بيشتغل بنفسه فى العربية)
أما شغل السمكرة و الدوكو ففى المنطقة التالتة بالحرفيين برتاح جدا لشغل مصطفى السمكرى و حوده فنى الدهان و هما شغالين مع بعض ، الورشة تدخل ليها بعد بنزينة إمارات مصر و بعدين أول شمال هتلاقى الورشة ما فيش غيرها هناك و أى حاجة أنا فى الخدمة

[Hesham94]

أنا شغال مع مركز قنديل لخدمة مرسيدس بشارع محمد نجيب سيدى بشر (المهندس شريف راجل محترم و فاهم و بيشتغل بنفسه فى العربية)
أما شغل السمكرة و الدوكو ففى المنطقة التالتة بالحرفيين برتاح جدا لشغل مصطفى السمكرى و حوده فنى الدهان و هما شغالين مع بعض ، الورشة تدخل ليها بعد بنزينة إمارات مصر و بعدين أول شمال هتلاقى الورشة ما فيش غيرها هناك و أى حاجة أنا فى الخدمة

تمام ياباشا و مركز قنديل دا اسعارة معقولة ولا شاطح فوق ؟
وياريت عنوانه علشان انا من المنشية

ومعلش بردو فين منطة الحرفيين؟

انا روحت عند البرادعى فى شارع فؤاد قاللى رقم خزعبلى !!!!

ياريت دا لو فعلا افضل من البرادعى تقوللى على عنوانه او رقم تليفونه او اى حاجة :b4_444:

وطبعا مشكوووووور مشكوووووووور جدا والله ياباشا

[hamaad]

منطقة الحرفين فى الاسكندرية وانت ماشى فى شارع قناة السويس و رايح كارفور حتلاقى كبارى حتخش من تحت الكوبرى شمال حتلاقى مرور محرم بك حتمشى طوالى حتلاقى الموقف حتمشى حتلاقى بنزينة الامارات حتخش شمال من عنده حتلاقى منطقة الحرفيين مبروك على السلامة يا باشا واما قنديل وانت رايح سوق السيارات فى سيدى بشر حتلاقى قبل السوق حتلاقى شارع محمد نجيب مشهور جدا فى سيدى بشر

[Hesham94]

منطقة الحرفين فى الاسكندرية وانت ماشى فى شارع قناة السويس و رايح كارفور حتلاقى كبارى حتخش من تحت الكوبرى شمال حتلاقى مرور محرم بك حتمشى طوالى حتلاقى الموقف حتمشى حتلاقى بنزينة الامارات حتخش شمال من عنده حتلاقى منطقة الحرفيين مبروك على السلامة يا باشا واما قنديل وانت رايح سوق السيارات فى سيدى بشر حتلاقى قبل السوق حتلاقى شارع محمد نجيب مشهور جدا فى سيدى بشر

ههههههه

والله ما فى اجدع منك ياباشا
انا متشكر جدااا والله وكان الله فى عونك ما دمت فى عون اخيك
جزاك الله خيرا