الشمامة

[Ashraf_Ibrahim]

ازيكم يا شباب
اخباركم ايه؟!
كنت حابب استفسر عن المرسيدس الشمامة -ام فانوس طويل دي :D -
العربية دي ايه ظروفها وموديلاتها من كام لكام وسعرها كام وياريت مواصفاتها
ولو فيه مرسيدس تانية في نفس الرينج بتاعها تقريبا يا ريت تعرفوني عليها برده
في انتظار ردودكم

[inspiron]

معايا واحدة تحفة نادرة :)
2000 سي سي أوتوماتيك بنزين
فتحة سقف
صالون جلد بالكامل
تكييف
4 زجاج كهربة
فوانيس شبورة
عفشة مجددة زيرو بالكامل
بطارية جديدة
4 فرد كوتش جديد مكملش 1000 كيلو
حاليا هي في سنتر تجديد سيارات برشها بوية ألماني سكينز :)

مش عارف والله أبيعها ولا أخليها لأني بحبها جدا :)

عموما أنا في مرحلة التفكير هشوف وأرد عليك إن شاء الله

[MBhead]

الشمامة دي اللي هيا انهي موديل w115 و لا w111 يعني عشان الاسماء دي كل واحد بيقول حاجة مختلفة

[Ashraf_Ibrahim]

والله انا ما عارف هي انهي موديل فيهم بالظبط!
كل معلوماتي عنها ان فانوسها طويل !
دي اقصى معلوماتي عنها
وطلعت اتوماتيك دا شيء رائع ما شاء الله

زميلنا اللي معاه العربية طيب لو فكرت تبيعها تبيعها على كام ان شاء الله ؟!

[MBhead]

اكيد دي يا فندم !

دي يا سيدي الفاضل اسمها W115.114 مواتيرها من 2000 سي سي ل 2800 الاوتوماتيك دا مش شئ ثوري هيا موديل قديم لكن فيها كل شي ازاز كهربا و سنتر و تكييف و فتحة سقف ك و باور في منها انجكشن عادي و عفشة خلفي هيدروليك (علي حسب الموديل و الاوبشن ) دي مرسيدس - بنز ... هيا من سنة 68 لسنة 76 عربية ممتازة جدا علي العموم ...اظن 40 حاليا الف تجيب واحده نضيفة للغاية ممكن ب 15 الف حضرتك تجيب واحده تعبانة شوية

[MOSHAKS]

اعتقد كمان فى منها مواتير ديزل دايما بشوف منها على الصحراوى بتاعت شمال سينا الطويلة اوى ديه وماشاء الله بتجرى جرى رهيب. العربيات ديه عربيات محترمة واسعة وفعلا فيها كماليات من عقود مش موجوده فى عربيات زيرو حاليا واللى بيعشق العربيات ديه محافظة الشرقية تلاقى فيها اشكال والوان وناس متخصصة فى فى صيانتها وقطع غيارها

[Ashraf_Ibrahim]

اكيد دي يا فندم !

دي يا سيدي الفاضل اسمها w115.114 مواتيرها من 2000 سي سي ل 2800 الاوتوماتيك دا مش شئ ثوري هيا موديل قديم لكن فيها كل شي ازاز كهربا و سنتر و تكييف و فتحة سقف ك و باور في منها انجكشن عادي و عفشة خلفي هيدروليك (علي حسب الموديل و الاوبشن ) دي مرسيدس - بنز ... هيا من سنة 68 لسنة 76 عربية ممتازة جدا علي العموم ...اظن 40 حاليا الف تجيب واحده نضيفة للغاية ممكن ب 15 الف حضرتك تجيب واحده تعبانة شوية

هي الرائعة دي فعلا
طب ام 15 دي تبقا حالتها ايه واللا ظروفها ايه؟!
العربية دي كلها اوتو مفيهاش مانيوال صح؟!
كام حصان هي وموديلاتها من كام لكام؟!

اعتقد كمان فى منها مواتير ديزل دايما بشوف منها على الصحراوى بتاعت شمال سينا الطويلة اوى ديه وماشاء الله بتجرى جرى رهيب. العربيات ديه عربيات محترمة واسعة وفعلا فيها كماليات من عقود مش موجوده فى عربيات زيرو حاليا واللى بيعشق العربيات ديه محافظة الشرقية تلاقى فيها اشكال والوان وناس متخصصة فى فى صيانتها وقطع غيارها

قد يكون بس مش عارف مبفضلش الديزل اوي واللا ايه رأي حضراتكم؟!

[MBhead]

اعتقد كمان فى منها مواتير ديزل دايما بشوف منها على الصحراوى بتاعت شمال سينا الطويلة اوى ديه وماشاء الله بتجرى جرى رهيب. العربيات ديه عربيات محترمة واسعة وفعلا فيها كماليات من عقود مش موجوده فى عربيات زيرو حاليا واللى بيعشق العربيات ديه محافظة الشرقية تلاقى فيها اشكال والوان وناس متخصصة فى فى صيانتها وقطع غيارها

تمام في ديزل منها الطويلة دي الليموزين هيا موجودة في العريش بكثرة في منهم بنزين 6 سلندر و في دبزل ..الشرقية عموما بلد المرسيدس معظم الموديلات القديمة قطع غيارها كلها موجوده هناك و الصنايعيه محترفين جدا في المرسيدس و في ايضا من الشكل دا كوبيه لكن نادرة جدا

[MBhead]

هي الرائعة دي فعلا
طب ام 15 دي تبقا حالتها ايه واللا ظروفها ايه؟!
العربية دي كلها اوتو مفيهاش مانيوال صح؟!
كام حصان هي وموديلاتها من كام لكام؟!

في منها مونيوال و في اوتوماتيك في منها 4 سلندر و في 6 سلندر ....ال200 بتبقي 2000 سي سي دي 98 حصان ..لحد ال280 بتبقي 185 حصان اللي بتبقي ب 15 الف مثلا اكيد عايزة مصاريف كتير احسن و اريح حضرتك تجيب واحده نضيفة اما الموديلات انا كاتبه لحضرتك فوق