E او c ؟

[Deshahcoka]

رجالة !

دلوقتي لما نقارن ال c كلاس الفيس ليفت و ال e كلاس الجديدة يعتبر سعرهم واحد!

المكنة انا شاف انوا انسب حاجة ال 250 عشان بتترخص 1800 زيها زي ال 180 بس بتدي 215 حصان مقارنة ب 150 حصان كأنك لادا ! لكن اعلى من كدة ال 300 و كدة مش مستاهلة الفرق يعني !

بالنسبة للكوبية برضه ال سي و ال اي يعتبرواا نفس السعر !

مين احسن ؟

انا فكرت في المرسيدس عشان سعرها بيمسك سعر عكس البي ام مع انها ممكن تكون اشيك بس سعرها برخص جامد :)

[Hesham94]

رايى بدال معاك تمن ال c250 هاتها وششششش

الزيرو افضل من المستعمل و انت متعرفش المستعمل كان فيه ايه!!

اما الزيرو انت عارف عربيتك فيها ايه و على علم

دا غير انها من احسن انتاجات مرسيدس فى الفئة c حتى الان و خصوصا ال 250

دا غير انه كانت الناس بتشتكى من ال w212 و بتقول ان ال w211 افضل منها

يعنى خليك فى المضمون واتكل على الله و مش حتندم ابدا

اختيار موفق

[amrico]

السلام عليكم
انا بصراحة واقع في الحيرة دي
انا عندي C 2008 اللي قبل الفيس ليفت وبصراحة كنت ناوي اغير واجيب الEالجديدة قبل مالشكل يتغير
بس محدش مشجعني على الE الشكل الأخير خالص
و لاحظ برضه ان ال c شكلها هايتغير 2014 تقريبا
وربنا يوفقك للي فيه الخير

[Deshahcoka]

ليه محدش بيشجع ال e الشكل الجديد الموجود حاليا يعني ؟

بس هما غيروا التابلوه و شوية حجات في ال c يبقى السنة الجاية حيغيروا الموديل بالكامل ؟ معتقدش و كمان بعد ما نزلوا الكوبية الي هيا نفس التابلوه و كدة يعني فاظني حيثبتوا الشكل ده شوية ! و هيا مش محتاجة ملهاش حل اساسا :)

[Batman372]

بعد التحيه ،
هو الحوار على ال c/w204 فيس ليفت و e/w212 - يعنى c و e اخر شكل ؟؟؟
لو كده :
- اساسا لا وجه للمقارنه بين C و E لانها تعتبر ظالمه لل C - و حتى فرق الاسعار (160 الف) ليس حتى قريب !! c250 ب 418 - e250 ب 578

- بدون ادنى شك طبعا ال e افضل من كل النواحى لو الموضوع مقارنه مع ال c - و اقل ميزه لل e هى كبر حجم قاعده العجلات wheel base يعنى حضرتك منعزل عن الخارج و اقل احساس بالشارع .....
- و حكايه ان ال e الشكل القديم w211 افضل ده خطأ و اى كلام فاضى - و ياريت الاثبات العملى على ذلك !! لانه كان بتقال ايضا وقت ظهور ال w211 ان w210 افضل منها - و ان الزلمكه افضل من العيون و هكذا - و تفسيرى لذلك ببساطه اننا شعب ظريف و بيحب يكلم و ابسط حاجه تلاقى الى بيقول المعلومه يقولك انا سمعت من فلان و هكذا ...... !!
- مرسيدس و كذلك بى-ام بيقعدوا فى السبع سنين دول يعملو حاجه اسمها ابداع او ابتكار innovation - يعنى كل مسمار فى الشكل الحديث مصصم لاداء افضل - غير انك شبه مستحيل تلاقى عيوب فى اى شيب جديد لان مثلا ال w212 يتم عليها تجارب قبل ظهورها رسميا ب 3 سنوات على الاقل فى كل انواع الطرق بمئات الالاف كيلومترات و هكذا ...

- بالنسبه لل c180 و موتورها 150 حصان فهو يعتبر اقوى موتور فى هذه الفئه 1600 سى سى و يعنى مش لادا :) و فرق الاسعار(100الف) بينها و c250 فهو بكل تاكيد لصالح ال c180 لذلك هى منتشره جدا من وقت استيرادها و مبيعات كبيره خصوصا فى الفيس ليفت.

تحياتى ...