إستشارة ضرورية بخصوص w211 !

[propagaanda]

السلام عليكم يا رجالة المرسيدس ...
أنا معايا w210 e200Kموديل 2001 كلاسيك ..... عربيتي عاملة 70 الف كيلو

العربية معروضة عليا للبدل مع عربية w211 e240 موديل 2003 بس صراحة فابريقة بمعنى كلمة فابريقة
مفيهاش حاجة من جوة وبرة ولا حتى لمبة محروقة و صيانتها في التوكيل ... كمالياتها جميع الكماليات اتوماتيك و مثبت سرعه و سي دي 6 اسطوانات و كراسى كهرباء و ستارة كهرباء لون فيرانى وفرش رمادى
و صراحة العربية فرق شاسع بينها و بين اللي معايا و عاملة 107 ألف كيلو

السؤال يكمن في السعر .... مطلوب 70 ألف جنيه زيادة على عربيتي
هل ده سعر مناسب و كده يبقى مضحوك عليا؟؟
ولكم جزيل الشكر

[أبو عمار]

يعنى كده بتلعب فى رينج 220 ألف جنيه
ممم أعتقد إنه سعر معقول جدا
لو حالتها زى ما بتقول إكشف عليها فى التوكيل و تابع صيانتها و عدادها و توكل على الله

[Batman372]

الفرق مفروض يكون كالاتى :
- فرق موديل من w210 الى w211 حوالى 20 الف
- و كل سنه اجدد بحوالى 15 الف
يعنى الفرق يكون فى رنج 55 الف جم ... و لكن اذا كانت فعلا فابريقه حاول على سعر وسط ...
و لكن عربيتك كم اقل لذلك انصحك عند التحديث باعلى البحث عن كم اقل منك ...
....