تجربة و تقييم المرسيدس 280

[mohamed ibiza]

السلام عليكم:)

النهاردة و بعد اكتر من 650 كيلو بالمرسيدس 280 قيمت و جربت و عرفت حاجات كتير من تفاصيلها و جيت لاخواتي هنا بالتقييم النهائي....

1-السيارة:مرسيدس 280 Sel
2-موديل:1984
3-الموتور:2800 سي سي 177 حصان 220 نيوتن عزم 2 عمود كامات حقن الكتروني للوقود(انجكشن)
4-نظام الدفع:خلفي (كارونة و 2 كبالن ورا) العربية علي 6 مقصات
5-الفتيس:اوتوماتك يحتوي علي عدة نقلات:
-p بارك
-n ممورة
-d درايف
-3 تستخدم النقلة 3 في المطالع بالذات لانها تعطي للسيارة عزم اعلي و قوة اكبر تلاقي نفسك بترجع لورا و نص العربي الادماني بيقوم لفوق:)
-2b اخر نقلة دي تعتبر غرز لما العربية تغرز تستخدم النقلة دي عشان تطلعها

التقييم بالنسبة للاداء و العفشة و الثبات و استهلاك البنزين داخل المدينة:

الاداء:
هتبع نظام جديد في تقييم ال280 كأداء بمعني اني هعمل شعار لكل سرعة و بتحس بأيه و انت علي السرعة دي...
20-40:
من سرعة 20 ل 40كم\ساعة يعني ما بين النقلة الاولي و الثانية العربية بتبقي هادية جدا و زيك زي اي عربية ماشية و لا تحس بفرق الا ان العربية تقيلة جدا جدا
شعار السرعة:سلانسيه سلانسيه
40-60:
من سرعة 40-60كم\ساعة العربية خطر تمشي بيها كده في الشوارع العادية لانها بتبقي مستعدة للجري و بتبقي عند 60كم\ساعة بداية التجميع السريع و لازم تبقي جاهز بالفرامل و تكون مركز لانك في لحظه لو مخدتش بالك و ماشي 60 في شارع زي شارع الهرم ممكن تلاقي بني أدم علي الكبوت:)
شعار السرعة:خف تعوم:)
60-80:
من سرعة 60-80كم\ساعة عند سرعة 60 بتحس ان العربية ابتدت التجميع السريع و عند سرعة 80 لو لما تمشي عليها تحس اكنك واقف علي جنب
شعار السرعة:هموت و اجري:):)

80-100كم\ساعة:
100 كم\ساعة بداية الاحساس انك بتجري بال280 و تلاقي نفسك بتعدي عربيات و عربيات بتعديك برضه لسه مش منطلق
شعار السرعة:رغبة جامحة في الانطلاق

100-120كم\ساعة:
120 كم\ساعة لو في عربية عادية كنت قلتلك ايه يعني 120 انما في ال 280 مش سرعة عادية و لو علي طريق سريع لازم تبقي جاهز بالفرامل لان احساسك و انت علي 120 العربية بتبقي سريعة و بتجري و بتعدي عربيات كتير جدا و مستعدة لانها تتصدر المركز الاول علي الطريق
شعار السرعة:ابعد عني احسنلك:boxing_smiley:

120-150:
150 كم\ساعة بصراحة الدائري مستحملش اكتر من كده سرعة لان العربية كانت طايرة بمعني الكلمة و محدش بيعديك و لو حد فكر يهظر و يشد معاك هيكون هو الخسران خسارة فادحة لان الموتور بحس فيه قوة و اندفاع و شراسة و مقدمة العربية بتخترق الهوا و الطريق بسرعة رهيبة و لو فاتح الشباك بقك هيطبق من الهوا:)

تقييم الاداء مع التكييف:
التكييف عبارة عن تلاجة في صورة تكييف تبريد رهيب دوس علي الزرار و اديله مروحة و سيبه 3 دقائق و بعدها دوس علي زرار الاوتوماتيك الابيض في المنتصف و سيب التكييف ياخد و يدي مع الموتور بيعلي و يوطي حسب الطريق و الموتور و التبريد ببقي تحفه مع الاوتوماتك و التكييف عشان ابقي محايد في التقييم بيأثر علي الاداء تحت ال 100كم\ساعة بتحس ان العربية مخنوقة و مش سريعة زي العادي بتاعها انما بعد ال100 التأثير بيقل اوي اوي من 100-120 و تقريبا بينعدم بعد 120كم\ساعة..

الثبات:
العربية وزنها 1900 كيلو و قاعدة العجلات عريضة جدا جدا و مقاس الكاوتش انا غلطت وقلت مقاس غلط في الموضوع القديم كنت قلت 195 تقريبا لا مقاسات الفرد 205\55 جانط14 سبور اصلي
ثبات العربية مهما قلت مش هقدر اوصفه سواء الثبات في السرعات علي طريق عادي او الثبات في الغرز الاتنين ثباتهم رائع كنت متوقع قبل التجربة ان العربية مش هتبقي ماسكة نفسها كده في الغرز يعني هتعوم سنة لكن انا اتصدمت لما والدي خد بيها غرزة علي 120 و العربية ولا كأنها اتحركت من مكانها فعلا عشق المصريين لام نجمه مجاش من فراغ:)


استهلاك البنزين:
كنت متوقع اكتر من كده لكن الحمد لله الاستهلاك مطلعش بالشراهة اللي انا كنت متصورها اولا العربية فولتها خدت 77 لتر و كسور!! انا كنت فاكرها 70 لتر
-استهلاك البنزين انا بستعمل بنزين90 بتستهلك 28 لتر بنزين تقريبا في مسافة 250 كيلو داخل المدينة والبركة في الانجكشن:) و للعلم السرعة و انا بقيس استهلاك البنزين لم تتعدي 120كم\ساعة و مرات محدودة تقريبا 3 مرات لمدة 10 دقائق من المريوطية باخد الدائري انزل البحر الاعظم و بس...

الحمد لله ربنا وفقنا في الاختيار و طولت رقبتي ادام والدي لاني انا اللي مظبط العربية دي من الاول خالص و انا اقنعته بيها و الحمد لله علي الاختيار و ربنا يكرمنا فيها اتمني التقييم يعجبكم:):)

[mohamed2002]

شكرا علي التقييم الممتاز ,عقبال ال c180

[Mzeid]

ياااااااااااااهههههههه أخيراَ ال 280 تنفست الصعداء و أفصحت عن مكنونات صدرها و طلعت كل اللي جواها ..
مبروك يا محمد على أم نجمة ..

بس الحتة دي عجبتني

لو مخدتش بالك و ماشي 60 في شارع زي شارع الهرم ممكن تلاقي بني آدم على الكبوت :)

[Mzeid]

بس مستنيين صور لها من الخارج و الداخل ..
و بعدين سؤال أنت إزاي أقنعت والدك أنه يجيب مرسيدس أن والدي عمال أتحايل عليه هتلك عربية جديدة أبداَ و لا هو هنا و يقولي لأ البلد دي متستاهلش عربية جديدة خالص ..
:):)

[mohamed ibiza]

ياااااااااااااهههههههه أخيراَ ال 280 تنفست الصعداء و أفصحت عن مكنونات صدرها و طلعت كل اللي جواها ..
مبروك يا محمد على أم نجمة ..

بس الحتة دي عجبتني

اي خدعة يا camaro الله يبارك فيك يا باشا:):)

علي فكرة طالما عجبتك الكبوت يساع 4 افراد من عند النجمة لحد الازاز و من الرفرف للرفرف يساع 6 افراد ههههههههه يعني بياخد من الحبايب كتير :arghh:

[mohamed ibiza]

بس مستنيين صور لها من الخارج و الداخل ..
و بعدين سؤال أنت إزاي أقنعت والدك أنه يجيب مرسيدس أن والدي عمال أتحايل عليه هتلك عربية جديدة أبداَ و لا هو هنا و يقولي لأ البلد دي متستاهلش عربية جديدة خالص ..
:):)

من عينيه يا camaro بس استني عليا شوية في الصور الداخلية عشان العربية عيبها الوحيد ان ناقصها من جوا شوية زراير بس مخليين ممن جوا الشكل مش لطيف هنزل اجيبهم و هرفع الصور و هنزلك صور من برا من كل النواحي و افتحلك فتحة السقف كمان :):) بس العربية خدت بوسه في الرفرف عربية زبالة حديد خبطتها بس عادي عضمها ناشف تترد علي البارد

اما موضوع اقنعت والدي ازاي ده بقي عشان كان هو عنده الحافز اصلا انه يجيب و علي فكرة كان هيجيب توليدو 2006 من معرض سيات في رمسيس كانت اخر واحدة و انا اللي خليته يجيب ال280 بدالها قلتله دي هندفع كاش و نريح دماغنا التوليدو قسط و بتاع و كمان المرسيدس مرسيدس برضه حتي لو انا بعشق سيات بس لازم نعترف ان الكبير كبير:):):) و ظبطناها و قضيت الحمد لله:)

[fahd_628]

شكرا على التقييم الجميل دة

[hazem_khidr]

جميل يا محمد
يا ريت بقي تقولي شعولك و انت راكب كده علي الكرسي
و في آآآآآآآآآآآآخر الكبود خاااااااااالص علي بعد
تبص تلاقي نجمه شتوتجارت تزين منتصف الكابود.
بجد ايه احساسك
اكيد احساس رائع لا يقاوم:)

[mohamed ibiza]

ايه ده يا حازم انت بتبقي اعد معايا و انا منشكح و انا ببص علي النجمة اللي متسنترة في نص الكبوت كده هههه:) فعلا احساس رائع بيديني احساس غريب كده بالقوة :)

[cobraa2008]

هههههههههههههههههههههههه
انا شفت العلامة هههههههههههههههههههههههه
(( نجمه شتوتجارت تزين منتصف الكابود))
انا اول واحد يشوفها على طبيعتها ههههههههههههههه
يلى عقبالكم وربنا يخلهالك يا محمد

[mohamed ibiza]

هههههههههههههههههههههههه
انا شفت العلامة هههههههههههههههههههههههه
(( نجمه شتوتجارت تزين منتصف الكابود))
انا اول واحد يشوفها على طبيعتها ههههههههههههههه
يلى عقبالكم وربنا يخلهالك يا محمد

كوبرا اول واحد يشوفها فعلا شاف الابيزا و ال280 مع بعض حظك يا كوبرا:):)

عيشو شاف الابيزا و ركبها بس مشافش ال 280 :):) قولي كمان يا كوبرا ربنا يخليلي ابيزتي حبيبتي :):):embarrassed2:

[cobraa2008]

اه ربنا يخلهملك اوووي ويخللينا اللي عندنا

[mohamed ibiza]

اه ربنا يخلهملك اوووي ويخللينا اللي عندنا

يا رب :):)

[شاهين - بنز]

أشكرك على التقييم وأنا ركبت المرسيدس 560 موديل 87 في السعودية وبجد كان متورها تحفة بمعنى الكلمة طياااااااااارة

[HISHAM80]

Mabrooooooooooook ya Mohamed