ارجو المساعده

[Mhmd Ngdy]

السلام عليكم
انا عندي E 190 موديل 1993 وهي بسم لله مشاء لله ممتازه بس والدي خدها و قال لي هتلك واحده احدث
فايه رايكم احسن عربيه BENZ في حدود 100 الف يزيد او يقل قليلا بس تكون احسن من E190 في السحب و Acceleration
منتظر رودود الخبراء :)

[أبو عمار]

w202 c180 2000 the best choice in this price frame

[Mhmd Ngdy]

الف شكر يا ابو عمار
بس لو حضرتك ممكن تفدني في w202 ؟
هيه العربيه ديه ايه الفئات بتعتها؟
وانا بدور لقيت فيه اليجانس و الكلاسيك فانا مش عارف ايه معني كل واحده فيهم ومين احسن
و كمان ايه الكمليات اللي ادور عليها ؟
ومعلش لو تأيلت عليك

[akmm]

موفق فى الإختيار .

[أبو عمار]

كماليات الكلاسيك : مثبت سرعة و محدد سرعة جيربوكس ستيبترونيك زجاج كهرباء وحدة رفع و خفض مرايات كهرباء و فرش جلد و إيريال مدمج بالزجاج و 2 تكييف بكر و مخدع بالكنبة الخلفية و المفتاح الجديد

كماليات الإليجانس: تزيد على السابق فرش جلد طبيعى و جنوط سبور و فتحة سقف و تكييف تاتش و فوجات بالإكصدام

بالتوفيق

[Mhmd Ngdy]

الف شكر يا ابو عمار

[Mhmd Ngdy]

بما ان حضرتك معاك الw202فممكن تؤلي ايه مشاكلها؟؟
و ازاي اعرف ان العربيه اللي هشتريها حالتها حلوه ؟ هل اكشف عليها فالتوكيل ولا اوديها لميكانيكي انا اعرفه ؟؟
ولا اكبر دماغي و اخلي المييكانيكي يشوفلي واحده اصله بيتاجر فالمرسيدس ؟
واخيرا هي الw202 من 93 الي 2000 فيها اختلافات ولا زي بعض ؟
وشكرا مقدما :)

[Mhmd Ngdy]

ابو عماااار رحت فين :d

[أبو عمار]

بما ان حضرتك معاك الw202فممكن تؤلي ايه مشاكلها؟؟
و ازاي اعرف ان العربيه اللي هشتريها حالتها حلوه ؟ هل اكشف عليها فالتوكيل ولا اوديها لميكانيكي انا اعرفه ؟؟
ولا اكبر دماغي و اخلي المييكانيكي يشوفلي واحده اصله بيتاجر فالمرسيدس ؟
واخيرا هي الw202 من 93 الي 2000 فيها اختلافات ولا زي بعض ؟
وشكرا مقدما :)

الحمد لله العربية مافيهاش مشاكل شائعة و قطع غيارها متوفرة جديد و إستعمال و بالنسبة للكشف على العربية ضرورى تكشف عند مركز متخصص للمرسيدس كشف كمبيوتر للتأكد من الكيلومتر الصحيح و تاريخ الأعطال وكمان تبص على العفشة و سمكرة و دوكو و...... بتكلفة تقريبا 250 جنيه إنما التوكيل كشفه غالى
وبالنسبة للشراء ...ممكن تلاقى على كونتاكت كار أو الوسيط و بلاش موضوع التجار ده
و تحلى بالصبر و ماتستعجلش
وخليك فى موديل 2000 أفضلهم عشان الجيربوكس الجديد و الفيس ليفت

على فكرة لو لاقيت فى سكتك زلمكة موديل 93 حتى 95 و حالتها كويسة يبقى تمام التمام
برضه الـ E Class أفضل من الC
وربنا يوفقك

[Mhmd Ngdy]

تب معليش يا ابو عمار انا تعبك معايا
يعني ايه الفيس ليفت ؟
و ما هو جيربوكس الجديد ؟
تب لو افترضنا اني بصيت في ....... car وليقيت عربيه شكلها مش متهان و ماشيه قليل ورحت شفتها ازاي اعرف ان حلتها كويسه قبل ما اكشف عليها ؟
و اخيرا هي اللي حلتها كويسه مو 2000 تبقي في حدود 100 ولا 115 الف
وشكرا

[Mhmd Ngdy]

الزلمكة موديل 93 حتى 95 ايه مميزتها عن الموديل القديم و الموتور 8 صباب ولا 16

[mbx4e]

اعمل بحث على الجوجل على الويكبيدبا mb w 124