مرسيدس 200 موديل 1982 لسة زيرووووووو --نصائح--

[hazem_8868]

يا جماعة انا قدامي عربية مرسيدس 200 موديل 1982 معدلة 2000 سي سي الموتور الكبير معملتش 200 كيلو مرفوعة من سنة 1982 و الكاربيراتير فتحة واحدة .
هي بس هتحتاج 4 فرد كاوتش و بطارية و طقم سيور كامل " يعني سيرفيس كامل "
و العربية كاملة مانيوال .
برجاء نصيحة بالسعر من الخبراء .
و هل ممكن أعمل السيرفيس ده في التوكيل ؟؟
و لو مينفعش أعمل السيرفيس دا فين ؟؟
و أي نصايح محدش يبخل بيها لو سمحتوا ..
و أنا متأكد ان العربية زيرو و كل الكماليات تعمل بكفاءة

[م.محمد علاء]

بسم الله ماشاء الله...ماشيه 200 كم؟!؟!؟!؟
على العموم هي هتعوز سيرفيس كامل..كل السيور الكاوتش في المكنه..
و كل الفلاتر..
بس خلي بالك..هيكون فيه كام حاجه كده هتلاقيها معاك بعدين.زي المارش و الدينامو والحاجات اللي أكييييييييييييييييد الركنه والرطوبه بوظتهم.
و فيه شوية كاوتشات هتلاقيهم نشفوا وشققوا.
سؤال بس من باب الفضول..هي فضلت مركونه 28 سنه ليه؟!
و الاهم..صاحبها طالب منك كام؟!

[akmm]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ومتابع .

[hazem_8868]

ايه يا وحوش فين الردود

[samyyousef]

موضوع مثير للفضول
بالتوفيق ان شاء الله في اتخاذ القرار......و رجاء افادتنا بعد اتخاذ القرار

[i_Am_Legend]

28سنة مركووونة...دي اكبر مني!!..

[HISHAM80]

بلاش طريقه حفظها كانت زاي يعني بمعني لو نظام التبريد كان مليان مياه ٩٠٪ عندك corrosion cylinder head ده غير كل الكاوتش عايز يتغير الظاهر مفيش منه مشاكل بس عندك كاوتشات نظام الفرامل الهيروليك شامل علبه الدركسيون كاوتشات العفشه نظام التبريد بالكامل ردياتير طلمبه ماء......

[bmw3m007]

طمنا يا باشا عملت اييييييييه

[hazem_8868]

لسة معملتش .. أنا مستني ردود الناس علشان اخد القرار

[dr.hazem]

انا طبعا مش مقتنع ان العربية مرفوعة كل الوقت ده...
ولو اقتنعت فاكيد مش هقتنع بالعداد العجيب ده....
تحياتي

Sent from my SE Arc S using Forum Runner

[amrelsaqqa]

بفرض ان العربية فعلا بالحالة دى والعداد حقيقي ، فالعربية ازاى اتركنت المدة دى كلها ؟ وليه اصلا !!!!
هل مفيهاش برومة ؟

وبعدين الموضوع مش فرد كاوتش وبطارية بس

ده كل ما هو كاوتش او جلد في العربية هيتغير


عندك طقم جلد صباب للموتور وكل الجوانات ( تاكيهات ، وش سلندر ، كارتيرة )
طقم سيور بالكامل
اكيد الكربراتير جواناته باظت وهيحتاج شغل
كل اويلسيلات الفرامل و طاقية السيرفو
كل جلب العفشة وكل ما هو كاوتش في العفشة هيتغير ، واكيد هتحتاج على الاقل تغيير مساعدين
خراطيم البنزين وتنك البنزين
طبعا كاوتش الابواب والشنطة هتلاقيهم في الضياع


كل ده بفرض ان الموتور تمام ومكنش فيه اي اثار لمياه التبريد والشاسيه والصاج مافيش فيهم برومة ( مستحيل )

[Moratoz]

والواحد كان فرحان ان العربيه مش ماشيه غير ٢٠٠ ك ومرفوعه ٢٨ سنه دا كدة كل حاجة محتاجة تتغير

[walidzakzok]

ابعد عنها دي تلاقي الرطوبة مبهدلة اساسيتها

[MBhead]

ممكن اي عربية تترفع لمدة طويلة 20 او 30 سنة و تفضل ب حالتها بشرط اللي رافعها يرفعها صح يملي كل الزيوت و التنك و يشيل البطارية و يركنها في جراج و مكان مفهوش رطوبة و تفضل بكاوتشها و غالبا حضرتك لازم تتوقع تغير بعض القطع
و مفيش شئ مستحيل انا شفت اكتر من عربية بنفس الظروف و زيرو فعلا ..حضرتك تجاهل الرقم اللي في العداد و افحص العربية بدقة و بالذات التفاصيل الدقيقة زي الحوض و استكيرات الشركة موجودة كاملة و واضحة بيبقي في استكرات علي فلتر الزيوت و في حتت ضيقة و افحص المسامير بتلمع لسه و الافيزات اللي بيضيع معظمها مع الاستخدام و اتنقل للصالون ..التابلوه بيلمع و لا مطفي ناعم و لا مدرج .. الخشب لسه فيه لمعته و الكراسي و النواكل بتلمع لسه و لا و كاوتش الابواب و تحت العربية الcoat الاصلي اللي عند العتب و مكان الكوريك و المسامير اللي في العفشة الخ الخ كل التفاضيل الصغيرة دي توضح العربية فعلا كانت استخدمت كتير و لا كيلووات معدودة فعلا ...بما ان حضرتك متاكد ان العربية زيرو ..عشان تدور لها طريقة ..اولا حضرتك لازم تبص تحتها علي تسريب زيت تحت الفتيس او الموتور او الكارونه او تسريب مياه تبريد لان محتمل الاويل سيلات تضرب من الركنة ..حضرتك الاول تنزل الزيت القديم الزيت و البنزين و تغسل الكارتيره و الكابراتير و تركب كل شي مكانه و تملي بنزين و تشل البوجيهات القديمة و تنزل في كل سلندر زيت atf لان البساتم ممكن تكون محشورة لو دار الموتور حتتفرتك و سيب الزيت فترة ركب بطارية و دور كذه مرة و افصل (من غير بوجيهات) او لف الكرنك لما يدور نزل الزيت و حط زيت جديد و فلتر جديد و بوجيهات جديدة و دور .سبها تسخن شوية و شوف امبير الزيت و الكلام دا ..بعد كده حضرتك تغير كل الزيوت الباقية و تشوف اذا في اي حاجة عايز تتغير و انشاء الله خير
اتمني لحضرتك التوفيق

[mohammed dodda]

30 سنة مرفوعة!!! ممشيتش فى عهد مبارك هههههههههههههه