( بالصور )للبيع مرسيدس 200 بحالة المصنع

[inspiron]

نوع السيارة :- مرسيدس 200
الموديل :- 1972
بلد المنشأ :- ألمانيا
المواصفات :- كاملة أوتوماتيك.
المحرك :- 2000 سي سي الموتور الأبيض بنزين.
حالة الموتور :- ( زيرو بمعني الكلمة والمعاينة خير دليل + ملوش صوت وهو داير تقريباً ).
حالة الفتيس :- ( نفس حالة الموتور )
حالة العفشة :- ( كل مسمار في العفشة جديد زيرو )
حالة الكاوتش :- ( 4 فرد ماشيين بالظبط 6000 كم )
حالة البطارية :- ( جديدة زيرو وفات من الضمان 3 شهور )
حالة الشكمان :- جديد بالكامل.
أعمال الصيانة :- تمت بالكامل.
حالة الصاج والدهان والصالون :- موضح بالصور التالية :-








































- كماليات السيارة ( اللي نازله بيها ) :-

4 زجاج كهربة - سنتر - باور - تكييف - صالون جلد بالكامل - إيريال كهربه - فوانيس شبورة - حليات نيكل بالصالون وجسم السيارة من الخارج - فتحة سقف - هوايات بالأبواب الأمامية.

- السيارة بها عدة صوت مكونة من كاسيت CD/MP3 بايونير تايلاندي + سماعات كينوود 600 وات + 2 تويتر.

التواصل علي رقم تليفون 01007702412

أحمد مجدي

[Dr_Mido]

بسم الله ماشاء الله حالتها ممتازه فعلا ربنا يوفقك فى بيعها

[inspiron]

بسم الله ماشاء الله حالتها ممتازه فعلا ربنا يوفقك فى بيعها

آمين يا رب العالمين..والله ربنا يعلم العربية دي حالتها إيه .. كل اللي أقدر أقوله إنها حالة المصنع بكل ما تحتويه الكلمة من معني..ألف شكر لرد حضرتك

[المنسي]

بصيت على تفاصيل الاعلان ومخدتش بالى ان حضرتك يا استاذ احمد صاحب الاعلان ... ربنا يوفقك فى البيع ان شاء الله وبسم الله ماشاء الله شكلها نظيفة جدا

[inspiron]

بصيت على تفاصيل الاعلان ومخدتش بالى ان حضرتك يا استاذ احمد صاحب الاعلان ... ربنا يوفقك فى البيع ان شاء الله وبسم الله ماشاء الله شكلها نظيفة جدا

يا ريس ربنا يباركلك..شوفت بقه الحاجات الحلوة اللي مخبيها عن المنتدي هههههههههه

[mohammed dodda]

تحفة فعلا بسم الله ما شاء الله..دى حضرتك مستوردها ولا كانت مرفوعة فى مصر ؟؟

[inspiron]

تحفة فعلا بسم الله ما شاء الله..دى حضرتك مستوردها ولا كانت مرفوعة فى مصر ؟؟

مستوردها من الكويت يا باشا..

[Lifz_Good]

سعر البيع كام يا أحمد باشا
علشان أكيد هتكون صفقة مع إنسان محترم زي حضرتك

[Eng_Mostafa_89]

بسم الله ماشاء الله عربية نضيفة جدا

[monamize4]

ما شاء الله عربيه جميله و واضح ان حالتها نضيفه ...... موفق ف البيع ان شاء الله

[Medo.Malek]

ما شاء الله ربنا يبارك
ممكن حضرتك تبعتلى السعر على الخاص ؟ :)
و العربية مرور اية ؟

[youssef_u]

بسم الله ما شاء الله ربنا يوفقك في البيع و فعلا حالتها ممتازة

[aw2100]

عريية تحفة!! طب ماتراسل شركة مرسيدس هم بيهتموا قوى بالعربيات الشاذة اللى زى دى وبيخدوها باسعار عالية قوى او ممكن تأجر العربية دى لمدينة الأنتاج الاعلامى بيصوروا بيها الأفلام القديمة !!

[MaZaGAngeE]

مطلوب كام يا باشا في التحفة الفنية دي

[inspiron]

سعر البيع كام يا أحمد باشا
علشان أكيد هتكون صفقة مع إنسان محترم زي حضرتك

الله يعزك يا فندم ده من ذوقك..السعر المطلوب 70 ألف جنيه..ومتغلاش عليك

بسم الله ماشاء الله عربية نضيفة جدا

ربنا يخليك يا باشا

ما شاء الله عربيه جميله و واضح ان حالتها نضيفه ...... موفق ف البيع ان شاء الله

ربنا يكرمك يا باشا

ما شاء الله ربنا يبارك
ممكن حضرتك تبعتلى السعر على الخاص ؟ :)
و العربية مرور اية ؟

السعر متاح للجميع يا فندم :) المطلوب 70 ألف جنيه إن شاء الله
والعربية مرور بين السرايات

بسم الله ما شاء الله ربنا يوفقك في البيع و فعلا حالتها ممتازة

آمين يا رب متشكر لحضرتك :)

عريية تحفة!! طب ماتراسل شركة مرسيدس هم بيهتموا قوى بالعربيات الشاذة اللى زى دى وبيخدوها باسعار عالية قوى او ممكن تأجر العربية دى لمدينة الأنتاج الاعلامى بيصوروا بيها الأفلام القديمة !!

أنا فكرت في موضوع مراسلة مرسيدس بس عاوز أعرف حد يدلني أوصلهم إزاي..بالنسبة لفكرة الإيجار مش هتنفع لأنها هتتبهدل وحرام دي عاوزة حد ركييييب.

مطلوب كام يا باشا في التحفة الفنية دي

70 ألف جنيه يا باشا إن شاء الله