انتشار مرسيدس c180 !!!!!!!

[dem0]

لا هو فعلا فى طفرة اليومين دول واقبال على العربيات
انا ساكن فى قرية فى الصعيد من 5 سنين بالظبط كان اللى عنده عربية تويتا كورولا بيقولوا عليه جايب عربية حالياً فى القرية اللى ساكن فيها وتعدادها قليل
تويتا برادوا واحده سولار وراد الخليج والتانيه بنزين العاديه
تويتا لاند كروز الموتور الصغير اعتقد اللى هو 6 سلندر
جيب ليبرتي 2004-2007
سبورتاج 2012
bmw316 2011-2012
bmw523 2012
مرسيدس c240
نيسان اكستريل
باسات
جراند شروكى
فى طفرة غير ان فى مصر عموما بدئت تظهر عربيات مكنش بنشوفها زي rang rover والبورش كايين الخ بقت منتشرة جدا

وربنا يوسعها ع الناس كلها

[Hunting_Eagle]

انا رأيي ان بعد ارتفاع أسعار العربيات الخرافي اللي حاصل ده و اللي لسه هيحصل احسن رينج للشراء تحت ال 100 ألف (عربية علي قد فلوسها) او فوق 250 ألف و السعر اللي ما بينهم كانك بترمي فلوسك في الارض في عربية سعرها الحقيقي نصف المعلن

فشيئ طبيعي ان المرسيدس تكستسح في رينج فوق ال 250 الف و 300 الف

[mhmhmh75]

انا نفسي في المرسيدس بس خايف من قطع الغيار والاستهبال بتاع التوكيل

[karim gamal]

فعلا يا فندم ده شىء ملاحظ جدا هذه الايام بس لو جيت تشوفها وتحسبها هتلاقي فعلا الناس ده عندها حق في شراء المرسيدس وال بي ام ،،، ازاي ،، النهارده اقل عربيه كوري فل اوبشن لودد تمنها ٢٠٠ الف جنيه سواء كيا هيونداي تويوتا هوندا ومع الاسف تلاقي الاوبشن مقاربه لاول فءه في المرسيدس وال البي ام مع فارق الرهيب في الثبات والراحه داخل السيارات الالماني فنقوم نعمل حاجتين يا اما الناس بتشتريها كاش مباشره يا اما اللي بيتعمل دلوقتي مع معظم الناس ان هوه يدفع ٢٠٠ الف مقدم ويقسط باقي تمن العربيه علي سنتين تلاته وتعتبر ضمن المصاريف واللي شغال في البنوك عارفين ده كويس وعارفين الاقبال علي المرسيدس والبي ام فركب عربيه الماني بنفس اللي كان هيدفعه في الكوري وقسط الباقي هيا فكره راءعه للي معاه مبلغ وعنده دخل ثابت كبيير ولو حسبتها فعلا هتلاقي ده الصح بدون اي مبالغه بتشتري عربيه تعيش معاك ٢٠ سنه بدون مبالغه ،، ففعلا تستاهل

[dr_hamada]

طيب بعد اذنكم انا لسه جديد في الc180 2002 وكنت عايز اعرف اي اسعار لقطع الغيار الاستهلاكية زي التيل والمساعدين والسيور واي حاجة تانيه تتتفضلوا بذكر اسعارها وممكن اشتريها منين وجزاكم الله خيرا .... د. أحمد خليفة