مرسيدس S 280

[م.احمد زكريا]

صباح الفل على جميع الإخوة أصحاب النجمة

سؤال لأصحاب الخبرة , واحد صاحبي قدامه عربية مرسيدس S 280 موديل 1984
فيها كل الي تتمناه (زجاج وتكيف وباور واتوماتيك ومريات كهرباء وكراسي كهرباء.......)
ومعروضة عليه ب 60 الف

يا ترى ايه ظروف قطع الغيار والصيانة

والسعر مناسب ولا لأ؟؟؟

والف شكر ليكم

[mohamed ibiza]

60 الف في 280 يا ريت تقولي اذا كانت دي ولا لا

لو هي اللي في الصورة دي يبقي تاخدها و تطلع علي احمد عبيد في المنيب و تكشف عليها هناك احمد عبيد ده وحش المرسيدس في مصر معلم بجد يعني مفيش حد بيفهم في المرسيدس اده كل الموديلات من اول ما الشركة ابتدت لحد 2008 كمان



لو هي اللي في الصورة يبقي السعر قليل دي بتاعتنا اللي في الصورة علي فكرة و جايبالي 82 الف دلوقتي و ممكن اكتر لان الحالة حلوة و كبس الموتور علي انما 60 الف دي تستدعي الكشف

[speed4speed]

60 الف في 280 يا ريت تقولي اذا كانت دي ولا لا

لو هي اللي في الصورة دي يبقي تاخدها و تطلع علي احمد عبيد في المنيب و تكشف عليها هناك احمد عبيد ده وحش المرسيدس في مصر معلم بجد يعني مفيش حد بيفهم في المرسيدس اده كل الموديلات من اول ما الشركة ابتدت لحد 2008 كمان

ياريت حضرتك تقلى 280 استهلاكها قد ايه فى الوقود؟؟
و كاربرتير ولا انجكشن ؟؟
ولو حطيت بنزين 80 حيزعل المكنه ولا لاء ؟

[tarek_yusry]

مش حيزعلها خاااااااالص صدقني والف مبروووك

[memo_p910]

عربيه محترمه حقيقي احسن من الجديد

[amrbakly]

ايوة بس انت عارف انها ستة سلندر 3000 سي سي

يعني غووووووووووووول بنزين حتي لو بنزين 80 حتبقي في البنزينة كل يومين تلاتة لو انت بتاع مشاويير