عاجل وهااااااام مساعده في شراء مرسيدس e200 1984 وفي توفر قطع غيارها

[motors force]

السلام عليكم ورحمة الله
انا عضو جديد وانا سعيد جداااااا اني في مثل هذا المنتدي الرائع وعضو ضمن اعضائه الكرام
عندي مساعده من الاعضاء محبي المرسيدس الافاضل بلييييييييييييييييييييز
انا معايه فلوس في حدود 50 الف جنيه وممكن اكثر بقليل
وبفكر اشتري مرسيدس E200 1984
بس في ناس خوفتني منها عشان قطع الغيار غااااااااليه ومش موجوده
وهتقرفني في التصليح
لان دي اول مره اشتري عربيه بصرااااحه
يا ريت التوضيح من حيث قطع الغيار بالذاااااات ...اسعارها وهل متوفره ام لاااااااااا ؟؟؟؟
وانا بفكر لما اجبها احولها لغاز عشان البنزين ...ما راي الاعضاء الافاضل ؟؟؟؟؟؟؟؟؟

مع العلم اني احب ركوب المرسيدس جدااااااااااااااا
بس خايف من عدم توافر قطع الغيار

شكرااااااااااااااا جزيلااااااااا علي سعة صدركم

[motors force]

عاجل وهااااااااام يا ريت حد يساعدني في قرار شراء مرسيدس e200 1984 لاني خائف من عدم توفر قطع غيارها في السوق

[saddam]

صديقي المواطن قطع الغيار متوفرة بشدة وأسعار العربية من 32 ألف وحتى 50 ألف حالات شاذة وفيه ناس بتجيب تعبانة مثلا ب 20 وتصرف عليها شد ب 20 من أول وجديد وتنزل الشارع تبقه عجبة
عربية جميلة ومحترمة لكن أنا مش بحبها بحب اللي أقدم منها واللي أحدث منها بس هي عربية سريعة جدا ومتينة أما قطع الغيار فموجودة بكثرة في بورسعيد والوكالة والحرفيين في مواتير ليها
موضوع تقلبها غاز فبلاش متهينش العربية دي مرسيدس
هي والعياذ بالله بتستحمل بنزين 80 عادي بس منصحش بيه أي مشكلة تقابلك فيها وحتى لو حبيت تبيعها أو تشدها أو تصلحها ففاقوس بيتقاتلوا عليها ومرة بعيني بحكم سفري الشهري لفاقوس شفت عربية إتباعت ب 65 ألف بس طبعا دي كانت مرفوعة بتاع 20 سنة هي مش بلاعة بنزين هي بتعمل 170 كيلو في الصفيحة العشرين لتر
بالتوفيق

ودمتم للنضال

[motors force]

اخي العزيز ...
شكرااااااااا جزيلا علي المساعده
بس انا عندي سؤال لو تكرمت
حضرتك قلت ليه بلاش احول المرسيدس الي غاز
ده عشان لما اجي ابعها تجبلي سعر كويس ؟؟ ولا تحولها الي غاز بياثر علي المحرك
انا كنت قرات علي النت ان تحويل السياره الي غاز يؤثر علي العمر الافتراضي للمحرك ؟؟؟

ولو موضوع اعادة البيع مش مشكله اوي بالنسباله
ارجو التوضيج .........
وشكراااااااااااا جزيلااااااااااااااااااااااااااااااا مره اخري علي المساعده

[saddam]

صديقي المواطن
بص لو ناوي تحط 80 فإنت من النوع اللي بيهين عربيته فتقدر تقلبها غاز عادي عشان هم اﻹثنين أعداء المحرك أما لو بتحط 92 فهي مش مصممة تقلبها غاز وحتشم فيها ريحة وممكن تعمل عمرة.كل سنتين ومش حتديك أداء رياضي مظبوط ولازم تسخن.كتير الصبح وحتاخد مكان من الشنطة كبير عشان اﻷنبوبة وكمان وزن إضافي أنا شايف تسيبها بنزين وهي فرقها عن العربيات الصغيرة مش أكتر من 20% وفي اﻵخر شوف المناسب ليك ودمتم للنضال

[motors force]

طيب حضرتك تشور عليه باي موديل بالظبط في المرسيدس القديم ؟؟؟؟؟؟؟ علي قد فلوسي
وشكرااااااا علي المساعده

[saddam]

طيب حضرتك تشور عليه باي موديل بالظبط في المرسيدس القديم ؟؟؟؟؟؟؟ علي قد فلوسي
وشكرااااااا علي المساعده

صديقي المواطن الحبيب فلوسك تجيب العربية المعدل اللي إنت عاوزها وزيادة تمشي بيها نفسك وتقدر تبيعها بسرعة إنما فيه مزاج تاني بقه للمرسيدس بس ده يحتاج وقت وفلوس وصبر وخبرة ومش حينفع أول مرة في حياتك تركب عربية تقعد تشتغل فيها
يعني فيه مثلا العربيات المرسيدس الكلاسك من 55 إلى 69 كل ده كلاسك ال 180 وال 190 وال 219 وال 220 وال 250 وال 200 دي مثلا تتجاب عربية 180 تعبانة موديل 58 أو 60 بمبلغ تافه مثلا 10 آلاف وتقعد تشدها على الفبريكة وتعدل لها بس تكييف وبور وسيستم صوت ونواكل وسمكري وبوهيجي ألوان غريبة وشوية شاشات وطقم كاوتش وجنوط عريض نيكل حتصرف عليها بتاع 35 ألف بس لما تخلص مصر كلها بتتفرج عليك ولما تخلص لو قلت 80 ألف حتلاقي حد يقلك إشتريت بس مش تتباع بسرعة وعلى فكرة أنا دلوأتي حاليا عندي هنا في مصر 4 مرسيدس وبره كان عندي كتير من أول ال 180 موديل 58 ولغاية الشبح 500 وكمان الغواصة والرئاسية ال 300 بس دول بره والرئاسية ال 280 وغيرها كتير وأنا دلوأتي الأربعة بتوعي كلهم في التطوير والتعديل وحده قصيتها عشان أعملها ستريتج ووحده عدلت شكلها قريب من كاديلاك 59 بتاعت عبد الناصر ووحده بشدها فبريكة أنتيكة ووحدة بشدها فبريكة مع تعديل إكصدامات ومرايات جانبية

عامة صديقي المواطن إختيارك صح رغم إني مبحبهاش لسبب ممكن يزعل مني ناس بس هي عربية بتتباع بسرعة وجراية وسريعة وتجيب ال 200 وال 220 مستريح ويركب لها الجنوط الرئاسية ولما تشدها تبان حلوة

أنا أنصح تلاقي وحده تعبانة ب 20 ألف وتشدها أو تشتري وحده نظيفة ب 40 ألف وتصرف عليها بتاع 3 آلاف شوف إنت عاوز إيه

ودمتم للنضال بس على فكرة لو أول عربية حتركبها مرسيدس حيبقه صعب تستطعم عربية تانية بعديها
وبالتوفيق

[motors force]

شكرا اخي العزيز علي التوضيح
وجزاك الله عنا كل خير

[gonet]

صديقي المواطن الحبيب فلوسك تجيب العربية المعدل اللي إنت عاوزها وزيادة تمشي بيها نفسك وتقدر تبيعها بسرعة إنما فيه مزاج تاني بقه للمرسيدس بس ده يحتاج وقت وفلوس وصبر وخبرة ومش حينفع أول مرة في حياتك تركب عربية تقعد تشتغل فيها
يعني فيه مثلا العربيات المرسيدس الكلاسك من 55 إلى 69 كل ده كلاسك ال 180 وال 190 وال 219 وال 220 وال 250 وال 200 دي مثلا تتجاب عربية 180 تعبانة موديل 58 أو 60 بمبلغ تافه مثلا 10 آلاف وتقعد تشدها على الفبريكة وتعدل لها بس تكييف وبور وسيستم صوت ونواكل وسمكري وبوهيجي ألوان غريبة وشوية شاشات وطقم كاوتش وجنوط عريض نيكل حتصرف عليها بتاع 35 ألف بس لما تخلص مصر كلها بتتفرج عليك ولما تخلص لو قلت 80 ألف حتلاقي حد يقلك إشتريت بس مش تتباع بسرعة وعلى فكرة أنا دلوأتي حاليا عندي هنا في مصر 4 مرسيدس وبره كان عندي كتير من أول ال 180 موديل 58 ولغاية الشبح 500 وكمان الغواصة والرئاسية ال 300 بس دول بره والرئاسية ال 280 وغيرها كتير وأنا دلوأتي الأربعة بتوعي كلهم في التطوير والتعديل وحده قصيتها عشان أعملها ستريتج ووحده عدلت شكلها قريب من كاديلاك 59 بتاعت عبد الناصر ووحده بشدها فبريكة أنتيكة ووحدة بشدها فبريكة مع تعديل إكصدامات ومرايات جانبية

عامة صديقي المواطن إختيارك صح رغم إني مبحبهاش لسبب ممكن يزعل مني ناس بس هي عربية بتتباع بسرعة وجراية وسريعة وتجيب ال 200 وال 220 مستريح ويركب لها الجنوط الرئاسية ولما تشدها تبان حلوة

أنا أنصح تلاقي وحده تعبانة ب 20 ألف وتشدها أو تشتري وحده نظيفة ب 40 ألف وتصرف عليها بتاع 3 آلاف شوف إنت عاوز إيه

ودمتم للنضال بس على فكرة لو أول عربية حتركبها مرسيدس حيبقه صعب تستطعم عربية تانية بعديها
وبالتوفيق

استااااااااااااااااااذ ما يتقلش عليك غير كدة

[saddam]

استااااااااااااااااااذ ما يتقلش عليك غير كدة

شكرا يا صديقي المواطن ده من ذوقك وكرم أخلاقك
ودمتم للنضال والكفاح المسلح وعندك كيلو كفتة من غير عظم للمواطن وزود الجمبري

[motors force]

شكرااااااااااااا اخي علي كل هذه النصائح الغاليه
وباذن الله هفكر في كلام حضرتك

بس انا عندي استفسار ... اسعار المرسديس القديمه النظيفه بتعدي 50 الف بكتير
انا اصدي بالنضيفه يعني فتحة سقف وتكييف وجنوط وكل الكماليات
انا بشوف الاسعار من علي النت
هل الاسعار دي مبالغ فيها ولا ايه ؟؟؟؟؟؟؟؟
وشكراااااااااااا للمره الاخري علي النصائح

[saddam]

شكرااااااااااااا اخي علي كل هذه النصائح الغاليه
وباذن الله هفكر في كلام حضرتك

بس انا عندي استفسار ... اسعار المرسديس القديمه النظيفه بتعدي 50 الف بكتير
انا اصدي بالنضيفه يعني فتحة سقف وتكييف وجنوط وكل الكماليات
انا بشوف الاسعار من علي النت
هل الاسعار دي مبالغ فيها ولا ايه ؟؟؟؟؟؟؟؟
وشكراااااااااااا للمره الاخري علي النصائح

صديقي المواطن
من خلال خبرتي الوطنية العربية الوحيدة سعرها عالنت أكذوبة هي المرسيدس المستعمل أنا من شهرين شاري خنزيرة 200 ب 8 آلاف جنيه وحضرف عليها 29 ألف وحرجعها أعلى من الفبريكة وأوتوماتيك وتكييف وبور وجنوط وعوازل ومرايات سيفيك وتفصيل باكيتات وإكصدامات طبعا لف النت كله عمرك متلاقي خنزيرة.جوه ال15 ألف التعبانة أوي جدا خالص آخر حاجة ودمتم.للنضال

[dr_omzy]

السلام عليكم ورحمة الله
انا عضو جديد وانا سعيد جداااااا اني في مثل هذا المنتدي الرائع وعضو ضمن اعضائه الكرام
عندي مساعده من الاعضاء محبي المرسيدس الافاضل بلييييييييييييييييييييز
انا معايه فلوس في حدود 50 الف جنيه وممكن اكثر بقليل
وبفكر اشتري مرسيدس E200 1984
بس في ناس خوفتني منها عشان قطع الغيار غااااااااليه ومش موجوده
مفيش الكلام ده خالص قطع غيارها موجودة ومتوفرة بغباء في كل مكان وبالنسبة للاسعار هي اكيد اغلى من الكوري بس مش اسعار ناااااار ولا اي حاجة غير انك بتجيب الحاجة مرة واحدة في العمر غير طبعا الحاجات الاستهلاكية زي التيل والطنابير والحاجات دي المهم لو عاوز تعرف اسعار حاجة محددة عرفني وانا احاول افتكر جبتها بكام
وهتقرفني في التصليح
مش هتقرفك ولا حاجة لو بتصلحها عند ميكانيكي مرسيدس وهي عموما مش من العربيات المعقدة ميكانيكيا ولا كهربائيا
لان دي اول مره اشتري عربيه بصرااااحه
لو اشتريت e200 w123 نضيييييفة فعلا وتكيف مظبوط وعفشة مظبوطة وموتور حالته تمام مش هتفكر تركب عربية تانية غير مرسيدس
يا ريت التوضيح من حيث قطع الغيار بالذاااااات ...اسعارها وهل متوفره ام لاااااااااا ؟؟؟؟
وانا بفكر لما اجبها احولها لغاز عشان البنزين ...ما راي الاعضاء الافاضل ؟؟؟؟؟؟؟؟؟
مش هقدر افيدك في الغاز بس هو ليه يعني استمتع بالعربية على اصلها على فكرة هي ممكن تمشي بال 80 بس مش هتلاقي سحب وهتحتاج تنضف الكالربراتير كتير ده اذا هتجيبها كاربراتير طبعا لو انجيكشن بلاااش 80

مع العلم اني احب ركوب المرسيدس جدااااااااااااااا
بس خايف من عدم توافر قطع الغيار

شكرااااااااااااااا جزيلااااااااا علي سعة صدركم

بالتوفيق