C250 vs c280

[ashmawe]

الساده الافاضل خبراء النجمه ارجو لمن لديه المعلومه ان يفيدني عن رنج اسعار السياره ال c250 موديل ٢٠١٠ وكذلك السياره ال c280 موديل ٢٠٠٨ مع الاخذ في الاعتبار ان العداد مش كثير يعني حوالي ٦٠ او ٧٠ الف كيلو والحاله الجيده طبعا
واخيرا ايهما افضل من حيث اداء الموتور وسعر اعاده البيع والصيانه وشكرا مقدما لمن سيهتم بالرد

[aboaya]

السلام عليكم
بالنسبه لل C250 موتور 1800 سي سي اما C280 موتور 3000 سي سي 6 سلندر طبعا فرق استهلاك بنزين + فرق سعر الترخيص ( ضريبه ترفبهيه بالنسبه لل c280 حوال 4500 جنيه مقارنه 1000 جنيه لل c250 )
سعر c280 موديل 2008 حوالي 260 الف للحاله النظيفه وطبعا انت وشطارتك اما لل C250 موديل 2010 حوال 320 الف طبعا بفرض ان الاستهلاك حوالي 60 - 70 الف كم ( تأكد ان العداد مش ملعوب فيه لانه بيتلعب فيه بالكمبيوتر وممكن يقلل ال كم الحاجه الوحيده اللي بتكشف الاستهلاك الحقيقي الفتيس ) الفحص بالتوكيل حوالي 2000 جنيه واي معلومه تحت امرك طبعا لل C250 تكنولوجيا احدث

[ashmawe]

الف الف شكر يا معالي الباشا بس اعتقد الاسعار اقل من كده بالنسبه للc250 يعني ممكن تكون ب ٢٨٠ او ٢٩٠ تقريبا وده السعر الي سمعته من التجار

[ashmawe]

طب بالنسبه للعب في العداد لو العربيه مش بتعمل صيانه في التوكيل بصفه دوريه عشان تثبت عدادها على الكمبيوتر في الشركه والعداد اتلعب فيه ممكن التوكيل يكتشف التلاعب ده لما يحط ابعربيه على الكمبيوتر عنده ولا لازم يكون تسلسل الصيانات عنده من الاول؟

[aboaya]

بالنسبه للاسعار طبعا متقدرش تحكمها قوي لان كل فئه وليها سعرها يعني الكلاسيك غير الافنجراد طبعا وطبعا حسب حاله العربيه اما بالنسبه لل كم طبعا التوكيل بيعرف اذا كان العداد ملعوب فيه ولا لأ
المهم خليك حذر في الشراء وبالتوفيق ان شاء الله

[HSultan]

وصلت لسعر 290 موديل 2010 والكيلومتر 36000Km راشه إكصدامين ورفرفين ولو كنت أشطر من كدة كان جايز أوصل لـ 280

[aboaya]

بالتوفيق ان شاء الله