إعـــــــلان

Collapse

.

,
See more
See less

راسا من شتوتجارت المانيا تقرير مصور و انطباع مبدائي عن ال c 2015

Collapse
X
 
  • Filter
  • الوقت
  • Show
Clear All
new posts

  • راسا من شتوتجارت المانيا تقرير مصور و انطباع مبدائي عن ال c 2015

    السلام عليكم و رحمه الله و بركاته
    كنت في زياره لمدينه شتوتجارت في المانيا
    و زي ما هو معروف ان ده مركز شركه مرسيدس و هناك المتحف بتاعهم
    المتحف ده لوحده عايز موضوعين تلاته من اللي شفته حاجه وهم
    و لحسن الحظ ملحق بيه معرض للسيارات الجديده و كان موجود ال c class الجديده و كانت فرصه كويسه اني اركبها و افليها كويس
    و ده تقرير بكده و انطباعي عنها

    اسيبكم الاول مع الصور


    الشكل الخارجي





    لون تاني





    الفوانيس التحفه








    الانتريور

    لون اسود

























    اللون البيج (الاحلي كتييير)

















    و بكده تنتهي الصور

    نيجي بقي للمهم

    كشكل العربيه تحفه بصراحه و انا شفتها منتشره كتير في الشوارع حتي علي الرغم من انها صالون مش استيشن و هو النسخه المفضله هناك
    و العربيه للوهله الاولي تفتكرها s class
    الفوانيس و طريقه اضائتها رهيبه بصراحه و ابداع من مرسيدس
    بشكل عام العربيه عربيه شياكه و اناقه كعاده مرسيدس و بالمقارنه بالفئه ال 3 من bmw فهي اكتر نضوجا مقابل العنفوان و الرياضيه لل 3

    نفس المبدا ينطبق علي الانتريور
    العربيه فخمه و شيك جدا جدا
    و تحس ان التصميم انسيابي و متدفق
    عكس ال 3 اللي فيها زوايا حاده و منحنيات كتير
    الديكور الخشب اللي في نص الطبلون مدي العربيه فخامه عاليه سواء باللون الاسود او البني و ان كان البني مدي فخامه اكبر
    الدريكسيون ظريف و حجمه اصغر من العادي و مسكته تخينه كده و يملي الكف
    العدادات زي باقي موديلات المرسيدس مش شايف فيها اي جديد
    الكراسي كعاده مرسيدس قمه في الراحه و تنجيدها كثيف و الكرسي عموما تصميمه حلو
    الكنبه الخلفيه كذلك و لاحظت انها اضيق سنه بسيطه من ال 3 و فيها نفس العيب اللي في الموديل الحالي الا و هو ان في زي عتبه كده عند الباب (بمعني الارضيه نفسها اوطي من سفل الباب التحتاني) و دي بتضايق في الركوب و النزول
    لكن طبعا فرق كبير بينها و بين الشكل الحالي اللي مكنتش بعرف اركب فيه من ورا اصلا

    الكوماند سيستم و التتش باد ظراف و مختلفين شويتين عن النظام الحالي و احسن منه لكن لسه ال i drive الاقوي

    بشكل عام مرسيدس تفوقت علي نفسها مع العربيه الجديده
    و العربيه دي هتضايق الفئه 3 كتيير خصوصا في مصر
    و هتبقي هدف للي مش بيدور علي الاداء الرياضي

    في النهايه اتمني يكون التقرير عجبكم
    Sharief Mansy شريف منسي
    شكرا نايل موتورز
    [SIGPIC][/SIGPIC]
    Farewell my Cayenne, you were the best car i ever had and driven

  • #2
    و ده كده فيديو بسيط لطريقه عمل التتش باد

    [youtube]https://www.youtube.com/watch?v=uR8mnP0hTOo[/youtube]
    Sharief Mansy شريف منسي
    شكرا نايل موتورز
    [SIGPIC][/SIGPIC]
    Farewell my Cayenne, you were the best car i ever had and driven

    Comment


    • #3
      تسلم إيدك على الحصريات ياباشا
      [aldl]http://s17.postimg.org/ygne2hebj/F2000045710.jpg[/aldl]

      Comment


      • #4
        ايه الحلاوه دي تقرير جميل قبل ما العربيه تنزل كمان....تسلم ايدك ياباشا....
        بس فعلا اللي مش عجبني في المرسيدس الجديد ال A class وال C موضوع الشاشه اللي بره دي شكلها غبي اوي ومش محطوطه صح زي البي ام ولا هي بتخش جوه حتى زي الاودي مش عارف ايه الفكرة!!
        والف شكر على مجهودك....

        Comment


        • #5
          انا عكسك تماما المرسيدس من عام ٢٠٠٥ - ٢٠١٤ الجزء الخلفى للسيارة قبييح جدا s class
          من عام ٢٠٠٧ - ٢٠١٤ الجزء الخلفى للسيارة قبييح جدا c class
          من عام ٢٠١٠ - ٢٠١٣ الجزء الخلفى للسيارة قبييح جدا e class
          تحس مفيش تناسق عملين زى فردة الجزمة منفوخة من قدام و رفييعة من ورا زي العربية البورش كاريرا بردو من ورا كدا فى منتهى القبح

          Comment


          • #6
            تقرير رائع لعربية رائعة
            الف شكر :)
            [CENTER][SIGPIC][/SIGPIC][/CENTER]

            Comment


            • #7
              المشاركة الأصلية كتبت بواسطة hosam_optrawy مشاهدة المشاركة
              تسلم إيدك على الحصريات ياباشا
              العفو يا كبير

              المشاركة الأصلية كتبت بواسطة corolladestroyer مشاهدة المشاركة
              ايه الحلاوه دي تقرير جميل قبل ما العربيه تنزل كمان....تسلم ايدك ياباشا....
              بس فعلا اللي مش عجبني في المرسيدس الجديد ال a class وال c موضوع الشاشه اللي بره دي شكلها غبي اوي ومش محطوطه صح زي البي ام ولا هي بتخش جوه حتى زي الاودي مش عارف ايه الفكرة!!
              والف شكر على مجهودك....
              العفو يا باشا
              و موضوع الشاشه ده تريند تصميمي جديد و الكل ماشي وراه

              المشاركة الأصلية كتبت بواسطة rockycar مشاهدة المشاركة
              انا عكسك تماما المرسيدس من عام ٢٠٠٥ - ٢٠١٤ الجزء الخلفى للسيارة قبييح جدا s class
              من عام ٢٠٠٧ - ٢٠١٤ الجزء الخلفى للسيارة قبييح جدا c class
              من عام ٢٠١٠ - ٢٠١٣ الجزء الخلفى للسيارة قبييح جدا e class
              تحس مفيش تناسق عملين زى فردة الجزمة منفوخة من قدام و رفييعة من ورا زي العربية البورش كاريرا بردو من ورا كدا فى منتهى القبح

              امممممم هو الشكل في الاول و الاخر ده ازواق
              و انا مقدرش اقول علي اي تصميم من تصميمات مرسيدس انه شديد القبح بصراحه

              المشاركة الأصلية كتبت بواسطة nadernabil مشاهدة المشاركة
              تقرير رائع لعربية رائعة
              الف شكر :)
              العفو يا زعيم
              Sharief Mansy شريف منسي
              شكرا نايل موتورز
              [SIGPIC][/SIGPIC]
              Farewell my Cayenne, you were the best car i ever had and driven

              Comment


              • #8
                تسلم ايدك ياباشا ومتشكرين جدااا انك افتكرتنا بالصور وانت هناك :)

                طبعا التقرير ممتاز بس انا لسه جعان :d

                قول كمان ياشريف بيه وكلمنا أكتر عن العربية ومقارنة كده مع عربيتك

                وكلمنا شوية عن المتحف وزيارتك للعملاق الالمانى :)

                ده بعد إذنك طبعا ^^
                [CENTER][sor2]http://www10.0zz0.com/2011/02/23/13/799582098.gif[/sor2][/CENTER]
                [CENTER][SIZE=3][B]ورايــــــا[/B][/SIZE][/CENTER]

                Comment


                • #9
                  شكراً جزيلاً بارك الله فيك
                  [CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
                  [/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]

                  Comment


                  • #10
                    المشاركة الأصلية كتبت بواسطة M7amD_7amDy مشاهدة المشاركة
                    تسلم ايدك ياباشا ومتشكرين جدااا انك افتكرتنا بالصور وانت هناك :)

                    طبعا التقرير ممتاز بس انا لسه جعان :d

                    قول كمان ياشريف بيه وكلمنا أكتر عن العربية ومقارنة كده مع عربيتك

                    وكلمنا شوية عن المتحف وزيارتك للعملاق الالمانى :)

                    ده بعد إذنك طبعا ^^
                    العفو يا باشا
                    و حدد لي عايز تعرف ايه اكتر و انا ان شاء الله افيدك

                    لكن بشكل عام و علي الرغم من ان العربيه منافس لل 3 بس انا شايف ان كل واحده فيهم بتخاطب فئه مختلفه الي حد كبير

                    في راي ال c بصراحه بقت رسمي عربيه ناس كبيره شويه و تخلت تمام عن الشعور الرياضي لصالح ال cla و بقت زي ما بيقولوا ناضجه اكتر
                    بينما ال 3 لسه عربيه الشباب الطايش و المجنون و اللي عايز يحرق و يامرك و يدرفت و هكذا
                    طبعا العربيتين قادرتين انهم يعملوا الدور بتوع بعض
                    بس تحس المرسيدس لايقه اكتر علي الفخامه و الدلع
                    بينما ال 3 لايف عليها الشقاوه و اللعب

                    اما المتحف نفسه فده الكلام عليه يطول
                    و انا مصور صور كتيير قوي رفعها هياخد وقت طويل
                    ده غير اني مش عايز احرق التجربه لاي حد ممكن يروح
                    و بصراحه هو تجربه لا تنسي انصح بيها اي حد

                    المشاركة الأصلية كتبت بواسطة mo7a_mo7a مشاهدة المشاركة
                    شكراً جزيلاً بارك الله فيك
                    العفو يا زعيم
                    Sharief Mansy شريف منسي
                    شكرا نايل موتورز
                    [SIGPIC][/SIGPIC]
                    Farewell my Cayenne, you were the best car i ever had and driven

                    Comment


                    • #11
                      المشاركة الأصلية كتبت بواسطة horas3000 مشاهدة المشاركة
                      العفو يا باشا
                      و حدد لي عايز تعرف ايه اكتر و انا ان شاء الله افيدك

                      لكن بشكل عام و علي الرغم من ان العربيه منافس لل 3 بس انا شايف ان كل واحده فيهم بتخاطب فئه مختلفه الي حد كبير

                      في راي ال c بصراحه بقت رسمي عربيه ناس كبيره شويه و تخلت تمام عن الشعور الرياضي لصالح ال cla و بقت زي ما بيقولوا ناضجه اكتر
                      بينما ال 3 لسه عربيه الشباب الطايش و المجنون و اللي عايز يحرق و يامرك و يدرفت و هكذا
                      طبعا العربيتين قادرتين انهم يعملوا الدور بتوع بعض
                      بس تحس المرسيدس لايقه اكتر علي الفخامه و الدلع
                      بينما ال 3 لايف عليها الشقاوه و اللعب

                      اما المتحف نفسه فده الكلام عليه يطول
                      و انا مصور صور كتيير قوي رفعها هياخد وقت طويل
                      ده غير اني مش عايز احرق التجربه لاي حد ممكن يروح
                      و بصراحه هو تجربه لا تنسي انصح بيها اي حد
                      تمام التمام :)

                      هو مفيش حاجة معينة عايز أعرفها بس تقدر تقول حابب اعرف معلومات عن الوحش الجديد ده :)

                      وطبعا كلامك مظبوط والمرسيدس طول عمرها بتخاطب ناس معينة وكبيرة سنا

                      طب نقدر نقول ان موتور ال c أقوى من ال 3 ولا العكس؟ وكذلك الفتيس والعفشة ؟؟!

                      وشوفت ايه فى ال c وعجبك ومش موجودة فى ال 3 وايه موجود فى ال 3 ومش موجود فى ال c :)

                      انا ملاحظ ان الساعة الأنالوج اللى فى نص التابلوه مش موجودة فى كل الفئات كذلك السماعات ال B&O مشوفتهاش برده !

                      واخر سؤال بقه (السؤال التاريخى الأزلى)

                      لو رجع بيك الزمن والعربيتين دول قدامك هتختار ال c ولا ال 3

                      بخصوص المتحف بقه احرق ياباشا ولا يهمك وعقدنا شوية
                      [CENTER][sor2]http://www10.0zz0.com/2011/02/23/13/799582098.gif[/sor2][/CENTER]
                      [CENTER][SIZE=3][B]ورايــــــا[/B][/SIZE][/CENTER]

                      Comment


                      • #12

                        Comment


                        • #13
                          المشاركة الأصلية كتبت بواسطة M7amD_7amDy مشاهدة المشاركة
                          تمام التمام :)

                          هو مفيش حاجة معينة عايز أعرفها بس تقدر تقول حابب اعرف معلومات عن الوحش الجديد ده :)

                          وطبعا كلامك مظبوط والمرسيدس طول عمرها بتخاطب ناس معينة وكبيرة سنا

                          طب نقدر نقول ان موتور ال c أقوى من ال 3 ولا العكس؟ وكذلك الفتيس والعفشة ؟؟!

                          وشوفت ايه فى ال c وعجبك ومش موجودة فى ال 3 وايه موجود فى ال 3 ومش موجود فى ال c :)

                          انا ملاحظ ان الساعة الأنالوج اللى فى نص التابلوه مش موجودة فى كل الفئات كذلك السماعات ال B&O مشوفتهاش برده !

                          واخر سؤال بقه (السؤال التاريخى الأزلى)

                          لو رجع بيك الزمن والعربيتين دول قدامك هتختار ال c ولا ال 3

                          بخصوص المتحف بقه احرق ياباشا ولا يهمك وعقدنا شوية
                          هو من غير سواقه صعب احكم 100%
                          بس الكلام ده انطباع اولي كده

                          هو علي الورق ال c اقوي بس بما انها نفس مواتير الموديل الحالي فاعتقد ال 3 تكسب برضه و الفضل يعود للفتيس العالمي ال zf8
                          العفشه اكيد اكيد المرسيدس اريح
                          الفتيس لا مقارنه ال zf8 يسحق ال 7g tronic plus

                          من ناحيه شفت ايه مشفتش ايه فدي مقدرش احكم فيها لحد ما اشوف ال c اللي هتنزل هنا هتبقي عامله ازاي
                          بس مبدايا التاتش باد (المفروض هتنزل في ال 3 برضه) و الفوانيس الليد اكتر حاجه لفتوا نظري غير كده الاتنين زي بعض

                          و مركزتش في الساعه و السماعات و عموما دي ترجع فيها للتوكيل

                          اما بقي السؤال الازلي
                          فبعد ما جربت ال 3 لو ال c الجديده كانت موجوده و كان الفرق بينها و بين ال 3 في حدود ال 25 الف غالبا كنت هشتريها هي بصراحه
                          و ده ببساطه عشان انا في مصر لا اكتر و لا اقل و ال c هنا في مصر تحديدا خيار اوقع
                          بس بالمقارنه مع القديمه ال 3 كانت احسن طبعا

                          اما المتحف بقي فده هيبقي صعب و الموضوع مش هيبقي الا صور بس لان الشرح مش فاكره و الاعتماد بيكون علي الجهاز الصوتي اللي بتاخده و انت داخل بس هشوف كده لان رفع الصور هياخد وقت كبير قوي


                          المشاركة الأصلية كتبت بواسطة inspiron مشاهدة المشاركة
                          هههههههه اي خدعه يا كبير
                          Sharief Mansy شريف منسي
                          شكرا نايل موتورز
                          [SIGPIC][/SIGPIC]
                          Farewell my Cayenne, you were the best car i ever had and driven

                          Comment


                          • #14
                            اوووووووووووف
                            بس سوال سغنتت
                            هى الشبكه فى العربيه السوداء غير الى فى الجراى
                            ده ازاى بقا
                            كولو بالحنيه بيفك مع تجيات جمعيه حنينها قبل متحلبها

                            Comment


                            • #15
                              المشاركة الأصلية كتبت بواسطة minicooper20 مشاهدة المشاركة
                              اوووووووووووف
                              بس سوال سغنتت
                              هى الشبكه فى العربيه السوداء غير الى فى الجراى
                              ده ازاى بقا
                              حسب الفئه
                              غالبا الجراي انفنجارد او كلاسيك
                              و الكحلي سبورت

                              الشكل الحالي كده



                              Sharief Mansy شريف منسي
                              شكرا نايل موتورز
                              [SIGPIC][/SIGPIC]
                              Farewell my Cayenne, you were the best car i ever had and driven

                              Comment

                              Working...
                              X