c180 2014 بتكركر

[zegna]

ازيكو يا جماعة

عندي العربية لسة جايبها المهم انها بتكركر علي السرعات الواطية علي الاول وهيا لسة طالعة مع اني بمون 92 من امارات مصر احسن بنزينة في ميكانيكي قالي حطلها اوكتين بوست لان ممكن الموتور يضيع فيها مع مرور الوقت
حد صادفتو المشكلة دي هيا كدة لازم 95 ولا اية؟

[automea]

جرب 95 وشوف ايه النتيجة لو مكركرتش يبقى امشي عليه لو كركرت يبقى العيب مش في الاوكتان .

[automea]

الكركرة طبعا بتاثر على المحرك و الكفائة

[Adnfalcon]

مفروض يكركر لو الموتور تربو
او البنزين 92 زفت
جرب حط 95

[zegna]

هههههههههههههههههههه هوة كلة يقولي 95 دة انا كتبت المشكلة عشان محدش يقولي 95 دة اللتر ب 6 جنية يا جدعان مطبعا لو مونت 95 الكركرة هتروح بس انا عاوز اعرف حلول تانية واشمعنا عربيتي انا بزات هيا اللي بتكركر مكل ال c اللي في مصر بيتمون 92 ولا في اي مشاكل

[automea]

مهو لو مش عيب اوكتان هيبقى في التبريد الخاص بالسطوانات

[amrsabet]

حضرتك متحطوش بنزين من امارات مصر أقسم بالله كل مره احط منها وانا مسافر الساحل العربيه بتتخنق و بتجيب 160 بالعافيه وبطلت احط منها خلي التنك يفضي وحط 95 مره واحده بس وبعدين ارجع حط 92 من بنزينه تكون محترمه و ما تغيرهاش انا شخصيا بحط بنزين من واحده فقط هي موبيل العروبة فقط

[Batman372]

انتظر لما التنك يفضى و حط ٩٢ من محطه تانيه ... غالبا العيب فى ٩٢ بتاع محطه الامارات ...
تحياتى ...

[Batman372]

حضرتك متحطوش بنزين من امارات مصر أقسم بالله كل مره احط منها وانا مسافر الساحل العربيه بتتخنق و بتجيب 160 بالعافيه وبطلت احط منها خلي التنك يفضي وحط 95 مره واحده بس وبعدين ارجع حط 92 من بنزينه تكون محترمه و ما تغيرهاش انا شخصيا بحط بنزين من واحده فقط هي موبيل العروبة فقط

كلامك سليم ...
انا حصل معايا الكلام ده فى e60 مره ... التوكيل كان بينصح ب ٢٠ لتر ٩٥ ... و ارجع ل ٩٢ عادى جدا ... الكركره بتروح و الموتور بيفوق ... لكن وقتها ال ٩٥ كان ب ٢٧٥ !!
الظاهر ان ٩٢ بيختلف من محطه لاخرى ...
تحياتى ...

[zegna]

مش عارف يا جماعة الغريبة اول مجبت العربية مكنش في الصوت دة وكونت بمون من امارات مصر برضو هجرب اغير البنزينة

[ENG.MaRk]

غالبا بتكركر من الحسد .... العين فلقت الحجر :d

[zegna]

غالبا بتكركر من الحسد .... العين فلقت الحجر :d

هههههههههههههههههههههههه مانا شاكك في كدة بزات في واحد صاحبي ناقرني في كل حاجة وباصصلي فيها وبيقولي انت واخدها كاملة

[amro0000]

لاحول ولا قوة الا بلله عربية زيرو ومرسيدس وبتكركر لالا انشاء الله تتصلح وربنا يكفيك شر العين وربنا يديك علي قد نيتك يارب وانشاء الله المشكله تتصلح بأأأذن الله بلتوفيق

[zegna]

لاحول ولا قوة الا بلله عربية زيرو ومرسيدس وبتكركر لالا إن شاء الله تتصلح وربنا يكفيك شر العين وربنا يديك علي قد نيتك يارب وإن شاء الله المشكله تتصلح بأأأذن الله بلتوفيق

ههههههههههههههههههههههه بلاش دعوة علي اد نيتي دي ياباشا انت كدة بتدعي عليا

[Fadi Ezzat]

لو المشكلة مش فى البنزين غاليا بيبقى حساس pressure