عايز اشتري زلمكة بس عندي اسئلة كتييير

[zizophone]

السلام عليكم و رحمة الله
انا كنت عايز اشتري عربية و كنت بفكر اشتري زيرو او كسر زيرو علشان انا مليش في شغل الميكانيكية و الصنايعية و مش فاضي للكلام ده , انا عايز عربية اعملها صيانة اتابعها و احافظ عليها و خلاص. و عمال افكر بقالي حوالي 6 شهور.. المشكلة اني محتاج العربية ضروري و مش قادر اخد قرار .
انا كنت قررت اجيب لانسر 1600 بس مش قادر علشان مبحبهاش , بس ده كان احسن اختيار عملي قدامي. الفكرة برضو اني بحب العربيات الكبيرة و سنة الفخامة و الرفاهية اللي في العربية.
وبعدين كنت راكب مع واحد صاحبي عربيته (زلمكة 95)و برتاح فيها جدا .. و قريب كنت سالتة عن سعر العربيه دلوقتي و قاللي من 110 الى 120 الف .. فا الموضوع لعب في دماغي و العربيه جميله بس المشكله انها قديمة و كنت خايف من المشاكل و الكلام ده ,, و لما سالت قالولي بدل العربيه حاله نضيفة يبقى مفيش مشاكل و مش هتقرفك في الصيانة و التصليح و الكلام ده.
فا انا بفكر جديا اشتري العربية دي بس عايز اسال هل هلاقي حاله نضيفة في حدود 110 الف ,, و الحاله النضيفه دي تبقى عامله كام الف كيلو. و الصيانة العادية تكلف كام و طبعا مش هسال عن الثبات و الراحه عشان محدش يضحك عليا بس عايز اسال عن التسارع بتاعها و ده يهمني عن انها بتقفل كام كيلو في الساعه (يعني العربيه هتلحقني لما اعوز اطلع من حد و الكلام ده؟) . و كمان البنزين , صاحبي قالي انها لتعما 280 الى 300 كيلو في الصفيحه ؟؟ و لو عايز اشتري اروح فين و لمين ,, و قطع الغيار.
و اخيرا هل في عربيه نفس الفئة او اعلى شوية و اقل في سنة الموديل ممكن تبقى احسن و تبقى متوفرة و قطع غيار .. و تكون برضو اوتوماتيك.
انا اسف اني طولت عليكو بس انا حاطت امل كبير اني هلاقي هنا احسن مساعدة علشان انا بثق في المنتدى ده.
و شكرا

[MEDO80]

اعتقد انها اغلي من المبلغ الي حضرتك بتقولة بفرق محترم

[zizophone]

لا يا باشا . انا شوفت في السوق اسعار زي اللي انا بقول عليها و سالت ناس بيفهمو في المرسيدس و برضو قالولي 110 الى 120 الف. علشان من شهر تقريبا الزلموكة سعرها نزل شوية مش عارف ليه ,, يمكن علشان البنزين و الكلام ده , و موضوع ال 25 سنه اللي عملوه للاجره فالناس خايفة يتعمل في الملاكي

[KHALED AYMAN]

بص يا باشا هى سعرها فعلا زى منت قولت بس انا بفضل انك تشترى زيرو لانه مفيش احسن منه الزلمكه طبعا محدش يقدر يقول فيها كلمه بس برده دى بقالها 25 سنه اكيد ليها اعطال اكتر من الزيرو

[waleedrahmy]

الجديد جديد ..........

[zizophone]

اولا ,, شكرا على الردود
لكن بغض النظر عن الزيرو .. مفيش حد يساعدني في الاسلة دي

[MEDO80]

بصراحة انا معجب جدا بتوقيع حضرتك

[zizophone]

انا اسف و الله بس انا داخل باسم واحد صاحبي و مش انا اللي حاتط الصورة دي.. و معرفش اشيلها ازاي حتى :k10:

[MEDO80]

لو حتشيلها
بس تسالة صورة مين بالضبط و بعدين ابقي شيلها
متنساش تبقي تقولي

[Ahmed Hassan]

العربيه طبعا حلوه في السفر... لكن لو قصدك على الشد جوه البلد... متتوقعش كتير منها... يعني اول و تاني... معظم العربيات الحديثه الـ 1600 هتقطعك... بس لما تجيب تالت الدنيا هتتغير تماما :)

استهلاك البنزين اللي صاحبك قالك عليه ده متفائل شويتين تلاته!!! العربيه استهلاكها اكتر من كده كتير... خصوصا جوه البلد حتى لو كانت 200 مش 230

[zizophone]

شكرا يا جماعه على الردود , و انا خلاص صرفت نظر عن العربية دي .. يمكن ان شاء الله في ظروف احسن و تبقى زيرو .
و على فكره . يا اخ ميدو دي صورة ريهام عبدالغفور في برنامج اكل كانت عاملاه في رمضان

[cooleye]

بص ياباشا انا كان معايا زلموكه موديل 1991
العربيه ممتازه جدا جدا فخامه وثبات وسرعه كماليات مش موجوده في عربيات كتير من الزيرو زي التكييف تتش ومثبت السرعه وفتحه سثف وفرش جلد وكراسي كهرباء ومخادع كهرباء ودريكسيون وستاره كهرباء وabsوحاجات كتير
بس كان يعيبها اولا:ارتفاع اسعار قطع الغيار وزي مالاعضاء قالوا العربيه بقالها 25 سنه يعني في حاجات كتير بتستهلك وكلها مصاريف
ثانيا:استهلاك بنزين عالي جدا حوالي 140-160كم في الصفيحه
والتكييف معقول بس تكييف اي عربيه ياباني افضل بكتير

لو عايز حاجهفي رينج السعر ده وفخامه وكماليات شوف البي ام 318iموديلات 99 و2000

[zizophone]

شكرا يا باشا , انا فعلا اقتنعت ان عربيه زي دي مش هتنفع معايا دلوقتي , و اللي يخليني افكر فيها ممكن يخليني افكر في 318 و ربنا يسهل ان شاء الله