مرسيدس شبح vs كابرس

[hamada_dodo]

السلام عليكم

عنوان الموضوع غريب طبعا لأن مفيش مقارنة طبعا بين الكابرس والشبح
لكن في واحد جارنا جاي من السعودية معاه هناك كابرس صابونة (الشكل من 1991 : 1996)
و عامل تحدي ان عربيته احسن من الشبح في الثبات والتسارع والكماليات
احنا عايزنكوا تساعدونا يا رجالة عشان نعرف الواد ده يعني ايه شبح بجد

[amrelsaqqa]

ده واحد بيهزر ما تطولش معاه اصلا

[ahmad--ezzat]

الكابريس دي شديده جدا فعلا

بس المرسيدس افضل طبعا واعلي منها

[Omar Mahmoud]

مهما كانت الكابريس حلوة و جميلة و رائعة
المرسيدس افضل منها بمراحل و الكابريس لا تقارن بها

[Adnfalcon]

دا شكله بيهزر طبعا
انا لو مكانك هقوله اه طبعا الكابرس احسن من الفيراري كمان !

[hamada_dodo]

انا بقول كده والله يا جماعة بس الكابرس داخلة في دماغه اويييييييييييييييييييييي
عايز اقنعه ان الشبح احسن بس مش عارف

[S O P H O S]

مفيش مقارنة يا باشا
الموضوع محسوم

[J A G U A R]

قوله تعالى قصادى ع السكه

[MaZaGAngeE]

دي مش مقارنة خالص دي .................
المقارتة بتكون على اساس مساحة الركوب , قوة الموتور , العفشة , التسارع , ..........
كده نستفيد .........
لكن عشان انتوا مش حابين الكابريس تبقى تكتك و المرسيدس مكوك فضاء !!!!

انتوا كده ظلمتوا العربيتين
و على فكرة على الطريق الكابريس تاكل المرسيدس في لمسة دزاسة البنزين و في السرعة القصوى كمان تاكلها

[Anaslbda]

الكابرس عليها نعومة طارة .. خرافة بمعنى الكلمة.. لا تقوللي باور مرسيدس ولا بتاع.

[eng.m7md.ali]

على فكرة الكابريس عربية تحفة بغض النظر عن الموديل .. كل موديلاتها تحفة

على فكرة بردو الكابريس تتفوق في التسارع والراحة والعفشة والاعتمادية والتكييف لكن ثبات دي هيبقى المرسيدس احسن عشان الثبات الامريكي غبي بالنسبة للالماني

[pioneerahmed]

معلش سؤال فرعي هي الشبح دي موديل اية؟

[eng.m7md.ali]

معلش سؤال فرعي هي الشبح دي موديل اية؟

S class تقريباً من 91 - 96

[pioneerahmed]

لا الشبح بادئة من التمانينات

[eng.m7md.ali]

لا الشبح بادئة من التمانينات

Mercedes-Benz S-Class - Wikipedia, the free encyclopedia


الشبح هيا موديل w140 .. من سنة 91 - 98 على حسب كلام ويكبيديا