اية رايكم في الزلموكة e200 l موديل 88

[sayed2sa]

ادي اول مشاركة ليا داخل هذا المنتدي
حبيت اسال السادة الافاضل راكبي المرسيدس
انا معايا مرسيدس موديل 88 اية رايكم في العربية دية
انا عندي مشكلة بسيطة حاسس ان استهلاك البنزين بتاعها عالي
وكمان كنت عاوز اعرف اصلح فين العداد بناع العربية عشان مش شغال
عداد الكيلو متر
شكرا

[abou-yahia]

http://www.nilemotors.net/Nile/140935-a.html#post3872551082

[sayed2sa]

شكرا يا جميل
مفيش حد عاوز يفيدني بالنسبه لاستهلاك البنزين

[Sameh samy]

بص يا باشا الزلموكة ليها مميزات وليها عيوب
مميزاتها
عربية وشيك وثابتة جدا وحمارة شغل ومافيش جديد يستحمل زيها وصاجها حديد
عيوبها بالنسبة للعربيات الجديدة
غول بنزين
تكييف مالوش لازمة
تسارع وسحب اقل من عربية 1600 لان العربية وزنها تقيل
ضريبة عالية وقطع غيار بتغلي دايما في الاستيراد لانها بدات تقل في السوق وقطع الغيار الجديدة اتضربت

[Sameh samy]

بالنسبة للعداد في واحد في الدقي استاز عدادات ناصية البنزينة اللي تحت كوبري الدقي والشارع سد هتلاقية علي شمالك دة ممتاز انما لو حاسس ان حالة العدادت نص نص اشتريهم استيراد

[ahmedalaahosny]

بص يا باشا الزلموكة ليها مميزات وليها عيوب
مميزاتها
عربية وشيك وثابتة جدا وحمارة شغل ومافيش جديد يستحمل زيها وصاجها حديد
عيوبها بالنسبة للعربيات الجديدة
غول بنزين
تكييف مالوش لازمة
تسارع وسحب اقل من عربية 1600 لان العربية وزنها تقيل
ضريبة عالية وقطع غيار بتغلي دايما في الاستيراد لانها بدات تقل في السوق وقطع الغيار الجديدة اتضربت

اتفق معاك ف المميزات لكن ف العيوب انت غلطان جامد بص يا باشا لو انت كاربراتير ومظبوطة صح وإبرة الكاربراتير hc الاصليه العربية مش هتقل عن 200 كيلو على الصفيحة مع التكييف تعملها 190 كيلو على الصفيحة اما لو رشاشات ودى بتبدأ من اواخر 90 وحضرتك طالع بقى دى بتوفر جامد عن كدا لو الرشاشات مظبوطة ظبطت كمبيوتر صح
بس العربيه كتكيف تحفه واركب وجرب وتعالى بعدها قولى راي سيادتك ايه اه التمساحه تكيفها سئ جدا انما الزلموكه تحفه وعربيه برسيتج وثبات عالى ف الملفات وسحب فظيع وخاصه لة اوتوماتيك الكيك داون يلزق اى حد ف الكرسي المهم رجلك ووضع الكرسى وان العربيه تكون مظبوطه وبرده جرب وتعالى قولى رايك
اما قطع الغيار موجوده واسعارها مش غاليه للدرجه وفى بعض حاجات الزلموكه ارخص من الالنترا الجديده كمان والعربيه منتشره وماسكه سعر ف السوق فطبيعى ان قطع غيارها موجوده ودرجات يعنى صينى وتركى والمانى

[artofa]

العربيه معايا قول اوبشن رائعه يمكن سحبها او تسارعها بطئى شويه ولكن عند اخذ سرعتها رهيبه استهلام الينزين عالي شويه اه بس اعتقد انها عاوزه تتظبط لانها تعمل معي120ك في 20 لتر

[Sameh samy]

اتفق معاك ف المميزات لكن ف العيوب انت غلطان جامد بص يا باشا لو انت كاربراتير ومظبوطة صح وإبرة الكاربراتير hc الاصليه العربية مش هتقل عن 200 كيلو على الصفيحة مع التكييف تعملها 190 كيلو على الصفيحة اما لو رشاشات ودى بتبدأ من اواخر 90 وحضرتك طالع بقى دى بتوفر جامد عن كدا لو الرشاشات مظبوطة ظبطت كمبيوتر صح
بس العربيه كتكيف تحفه واركب وجرب وتعالى بعدها قولى راي سيادتك ايه اه التمساحه تكيفها سئ جدا انما الزلموكه تحفه وعربيه برسيتج وثبات عالى ف الملفات وسحب فظيع وخاصه لة اوتوماتيك الكيك داون يلزق اى حد ف الكرسي المهم رجلك ووضع الكرسى وان العربيه تكون مظبوطه وبرده جرب وتعالى قولى رايك
اما قطع الغيار موجوده واسعارها مش غاليه للدرجه وفى بعض حاجات الزلموكه ارخص من الالنترا الجديده كمان والعربيه منتشره وماسكه سعر ف السوق فطبيعى ان قطع غيارها موجوده ودرجات يعنى صينى وتركى والمانى

علي فكرة عربية والدي زلموكة موديل 90
معاك طبعا في الثبات ودة كلام انا قلتو بس معتقدش انها تشد تحت المية مع اي عربية 1600 محترمة خالص
التكييف حلو والعربية واخدة سرعتها انما جرب تقف في الزحمة في القاهرة هتلاقي التكييف قلب مروحة
حاسس انك موش من القاهرة ومعتقدش ان فية مرسيدس تجيب 200 كيلو في الصفيحة نهائي وياريت حد تاني يرد علينا لان العربية عندنا 230
انا معايا كرولا 2015 واهي 1600 وبركب بتاعة ابوية واهي 230 موش 200 لا التويوتا من غير كيكات هاتطير من الزلموكة اة المرسيدس اجمد بس إي موش حرب

[ahmedalaahosny]

بالفعل عربيه زى دى تجميعها تحت الميه اكيد مش هنقول ضعيف انما بطئ الى حد ما بس برده ماينفعش اقارنه بالكوروﻻ موديل السنه دى فئه ودى فئه تانيه خالص ودى تكنولوجى من سنه حاجه وتمنين ودى 2015 فبالتالى المقارنه صعبه
اغلب العربيات ان مكنش كلها تكيفها بيقلب مروحه ف الزحمه وخاصه الاوروبى بشكل عام وده برده بيرجع لحاله المروحه والكمبريسور وعوازل مواسير التكيف والغاء دايره التكيف السخن او عدمه وحاجات تانيه كتير زى نظافه التلاجه والسربنتينه
انا بالفعل مش من ساكنى القاهرة انا من المنصورة بس انا كنت اقصد ان معدل الاستهلاك ده ع الطريق مش ف الزحمه ﻻن الزحمه بالنسبه ﻻى عربيه استهلاك عالى للبنزين ومااعتقدش ان فى حد يدخل بالزلموكه ف زحمه خالص ياراجل كفايه الحجم ازاى تتحشر وسط التكسيات والتكاتك والميكروباصات !!
اخيرا اتشرفت بمعرفه سيادتك بس احب الفت نظر سيادتك ان المرسيدس عموما ف السحب عربيه تقيله ف السحب استحاله تقارن بالكوروﻻ ﻻ ف الاداء وﻻ التكيف وﻻ الكماليات ياراجل ده كفايه الاوتوبارك اللى عندك ف الكوروﻻ حاجه فظيعه ربنا يباركلك فيها

[sayed2sa]

شكرا يا باشا انا فعلا في واحد وصفلي بتاع العدادت اللي في الدقي وهروحلو ان شاء الله
شكرا يا جميل وفعلا الناس هنا في المنتدي ممتازة وخلوقة جدا

[sayed2sa]

اتفق معاك في ان تسارع الكورولا اكتر من المرسيدس
ولكن دا وانت لسه واقف اما للو الاتنين مسكو طريق اعنقد ان المرسيدس تكسب بجدارة
انا بقول الكلام دة عن تجربة انا كان معايا كورولا 2001 ممتازة طبعا بس كان اخري بيها 170 وطبعا انا شخصيا بكون قلقان
اما المرسيدس 170 دية العربية ثبات رهيب علي الطريق بجد وممكن ازود عن كده وانا مطمن
عموما
هيا اراء وبحترم رايك جدا وشكرا للمشاركة
بس كمان انا معاك قي ان التكييف وانت واقف كانو شغال مروحة وتكييف الكورولا حكاية بصراحة الكلام دة من كهربائي تكيف امبارح بتاع مرسيدس