c180 موديل 2000 w202 ممكن حد يفيدنا

[meshoo_mk]

كنت محتاج اعرف مزايا وعيوب مرسيدس c180 موديل 2000 و يا ريت اسعار قطع الغيار.
يا ريت رأيكم في العربية دي بوجه عام .. يعني مثلا ثبات لغاية كام , مريحة في السفر , هل لها عيوب شائعة ؟
عشان انا ملاحظ ان مش مواضيع كتير بتتكلم عنها او تقرير حتي.
و اتمني رجاله قسم مرسيدس يتجاوبوا معانا شويه عشان القسم قرب ينام.

[ahmedalaahosny]

الاخبار بصفه عامه ... ممتازه .. ثبات .. جرى ... مناوره ... كل اللى انت عايزه ... انا مسوقتش العربيه كتير لانها عربيه والدى و عربيته خط احمر .. ممنوع الاقتراب :)

يعيبها شىء واحد انها ضيقه شويه صغيره من ورا

و قطع غيارها الحمد لله لحد دلوقتى مجبناش ليها قطع غيار

و لو قارنتها مع الاوكتافيا ... مش فارقه كتير عنها .. لكن ممكن تتفوق عنها فى الثبات مع ان برضو ثبات الاوكتافيا خرافى بمعنى الكلمه

اهم حاجه بس يا باشا انك تشترى عربيه نظيفه اوى اوى .. لان المرسيدس بشكل خاص و العربيات كلها بشكل عام لو مستعمله و حالتها مش كويسه هتتعبك جامد اوى ... متتسرعش و مبروك مقدما

[meshoo_mk]

طب بالنسبة لقطع الغيار

[ahmedalaahosny]

مش حضرتك برده اللي كنت سالت عن ال sel موديل الثمانينات صح؟؟
بالنسبه لقطع الغيار فهي متوافره استيراد اما السيور والفلاتر موجوده جديد بس خلي بالك العربية دي تختلف عن ال sel بان العربية دي محتاجة مركز متخصص صيانة مرسيدس والا هيعك وده امره سهل في مركز المهندس سيد اللي كنت قلتلك عليه ف موضوع الsel او المهندس احمد عثمان
المهم انك تحاول تجيب حالة نضيفة جدا بحيث مايبقاش فيها مصاريف غير السيرفس والكاوتش ونقل الملكية وشكرا وبرده خلي بالك العربية دي تقيله ف البيع حضرتك عارف ان الفئة eدي اللي مطلوبه جدا ف السوق والباقي بظروفها بس ف المقابل فتيس ستبترونيك ومثبت سرعه ومحدد سرعه تكنولوجيا ماتحسش انها تسعينات خالص بس لو عايز رايي انا شايف انك لو تقدر تجيب الزلموكه يبقي افضل لانها مطلوبه واوسع من الw202 بالنسبه لاتساع الكنبه الخلفية وانتشار اكتر فاكيد قطع غيار اكتر وبرده لاني قليل اما بشوف w202 سليمه غالبا بيبقي شكلها متهان واكصداماتها مكسره مش عارف هل ده اهمال من صاحبها ولا قطع غيارها الخارجية قليله حاول برده لو جاد ف شراء العربية دي تسال اي حدبتاع مرسيدس استيراد عن قطع غيارها الخارجية من اكصدامات ومرايات وفوانيس وخلافه

[ahmedalaahosny]

بس على فكره فى حاﻻت نضيفه على كونتكت كار بس اسعار استهبال يعنى واحده راشه ب 82 وواحده زى الزيرو ب 132 الف والمتوسط مابينهم 115 الف ده سيادتك بال 100 الف دوول تجيب زلموكه تحفه واسمها ف الاخر زلموكه

[meshoo_mk]

ايوا يا باشا انا بتاع ال sel بس ان غيرت رأيي بعد ما جربت السي و لقيتها مناسبة اكتر ليا اهو مرسيدس و في نفس الوقت حديثة
ممكن بس تقولي مثال علي اسعار قطع الغيار يعني تيل فانوس اكصدام مرايات كده يعني

[ahmedalaahosny]

بصراحه ماعنديش خلفيه عن الاسعار بس فى عضو معانا هنا كان معاه واحده موديل 2000 اسمه ابو عمار ابعتله ع الخاص اللى حضرتك عايزه وهو مش هيبخل عليك بالرد

[ahmedalaahosny]

ايه راي سيادتك ف الزلموكه ؟؟

[meshoo_mk]

انا جربت الزلموكة و السي حسيت ان عزل السي احسن و ان التابلوه احدث و كمان استهلاك البنزين هيبقي اقل و الاتنين في نفس رينج السعر ان ماكانش كمان الزلموكة هتبقي اغلي شوية لو موديل 94 عشان الموتور 111 مع العلم ان الموتور ده هو اللي موجود في السي بس 1800 و حتي حجم الصالون محسيتش فيه بفرق كبير لان الزلموكه مش واسعة زي العيون مثلا.
ان شوفت 7 عربيات سي 180 و كشفت علي 3 منهم بس للاسف بيطلع الكلام اللي بيتقال غير الواقع خالص .. اللي شاسيه معووج و اللي موتور ضعيف و المشكله ان في ناس بتبالغ في الاسعار جامد.
اديني بدور

[ahmedalaahosny]

صراحه ربنا معاك الفكره بس ان الزلموكه كانتشار وكده سهل تقع على واحده نضيفه وبيتى ولو ماعجبكش التمن مش مهم فى غيرها انما ال c180 النضيف قليل وفى فعلا مبالغه جامده ف الاسعار يعنى بالتمن ده لو مش فارقه معايا اجيب كورولا موديل حديث بال 100 الف وسيادتك عارف الكورولا اسمها ف السوق ماسك سعر اعاده بيع فظيع وتكيف رائع وتابلوه حديث برده

[أبو عمار]

مش حضرتك برده اللي كنت سالت عن ال sel موديل الثمانينات صح؟؟
بالنسبه لقطع الغيار فهي متوافره استيراد اما السيور والفلاتر موجوده جديد بس خلي بالك العربية دي تختلف عن ال sel بان العربية دي محتاجة مركز متخصص صيانة مرسيدس والا هيعك وده امره سهل في مركز المهندس سيد اللي كنت قلتلك عليه ف موضوع الsel او المهندس احمد عثمان
المهم انك تحاول تجيب حالة نضيفة جدا بحيث مايبقاش فيها مصاريف غير السيرفس والكاوتش ونقل الملكية وشكرا وبرده خلي بالك العربية دي تقيله ف البيع حضرتك عارف ان الفئة eدي اللي مطلوبه جدا ف السوق والباقي بظروفها بس ف المقابل فتيس ستبترونيك ومثبت سرعه ومحدد سرعه تكنولوجيا ماتحسش انها تسعينات خالص بس لو عايز رايي انا شايف انك لو تقدر تجيب الزلموكه يبقي افضل لانها مطلوبه واوسع من الw202 بالنسبه لاتساع الكنبه الخلفية وانتشار اكتر فاكيد قطع غيار اكتر وبرده لاني قليل اما بشوف w202 سليمه غالبا بيبقي شكلها متهان واكصداماتها مكسره مش عارف هل ده اهمال من صاحبها ولا قطع غيارها الخارجية قليله حاول برده لو جاد ف شراء العربية دي تسال اي حدبتاع مرسيدس استيراد عن قطع غيارها الخارجية من اكصدامات ومرايات وفوانيس وخلافه

+1

[أبو عمار]

بصراحه ماعنديش خلفيه عن الاسعار بس فى عضو معانا هنا كان معاه واحده موديل 2000 اسمه ابو عمار ابعتله ع الخاص اللى حضرتك عايزه وهو مش هيبخل عليك بالرد

الأسعار معقولة جدا مثلا فانوس خلفى 300 جنيه كامل باللمبات
مراية كهرباء كاملة 500 جنيه ده إستعمال
جبت فوانيس بدل الفوانيس المصفرة deepo أمامى تقريبا كان ب350 جنيه

أسعار و لا الصينى و حاجة محترمة
و الترخيص السنة دى دافع 400 جنيه تقريبا عشان تجميع محلى
و الصيانة حاجة إكسلانس على الآخر و إنت واقف جنب ال 211 و 212 و 204
ههههههه آه و الله متعة
غير كده الراجل ده فاهم مرسيدس كويس

[bayantt]

بعض اسعار قطع الغيار
اتنين فانوس اشارة امامی deepo 120 جنيه
2 مساعد خلفي 900
طلمبة بنزين مرسيدس اصلي 1300
2 مراية جنب كاملين استعمال 780

[meshoo_mk]

طمنتوني ... الاسعار معقوله جدا
طيب بما ان حضراتكم معاكم العربية تنصحوني بايه و انا بكشف عليها . و يا ريت تقييمكم للعربيه بشكل عام من ناحية الثبات و العفشة

[bayantt]

طمنتوني ... الاسعار معقوله جدا
طيب بما ان حضراتكم معاكم العربية تنصحوني بايه و انا بكشف عليها . و يا ريت تقييمكم للعربيه بشكل عام من ناحية الثبات و العفشة

العربية عموماً ممتازة كقوة وعزل وثبات، هي بقالها معايا 6 شهور مشيت فيهم 15000 كم كلهم سفر بعد ما اشتريتها عملت لها صيانة كاملة غيرت 4 مساعدين وكاوتش وتيل امامي وخلفي وطلمبة بنزين وبوجيهات وسير وفلتر بنزين ونثريات تانية.

اهم حاجة قبل ما تشتری تتاكد ان الصيانات السابقة معمولة فی مواعيدها ولا لأ
اكشف علي التكيف عشان من العيوب الشائعة فالعربية دی التكييف

حتى الآن لم تواجهنی ای مشكلة في تواجد قطع الغيار إلا حاجات بسيطة جداً زی الطبة البلاستيك اللي فال عتب