عايز أشد العربية حد عنده معلومة عن فاقوس

[cobraa]

اخوانا الاعزاء
انا باذن الله عايز اشد العربية حد يعرف حد من فاقوس هنا سمعت انها بيت المرسيدس و البيجو من حيث الصنايعية و قطع الغيار
العربية w123 1984
ياريت حد يفيدنا لانى مش مستمتع بيها بحالتها كدا
و شكرا ليكم

[mr_sameh]

انا اعرف انهم متخصصين في المرسيدس لما كنت بنزل هناك كنت بشوف ورش كتير شغاله في المرسيدس

[sapaiky]

انا من فاقوس و فعلا هي بيت المرسيدس و انا كمان ساكن في شارع المحلات

[cobraa]

اولا كل سنة وانتم طيبين
ثانيا شكرا ليكم اخيرا حد عبرنى ورد فى المنتدى
ثالثا لو حد فيكم يعرف حد بعينه يكون امين و شاطر يدلنى عليه
شكرا ليكم

[sapaiky]

و حضرتك طيب_انزل عند كوبري الوحدة و اسأل فين احمد ابو سالم هيدلوك عليه و لما توصل له قولله انا جايلك من طرف د/أحمد أيمن و هو هيديك انضف حاجة عنده_المفروض إني ساكن في وش محله مباشرة بس انا مقيم في مدينة نصر

[cobraa]

الف شكر ليك دكتور أحمد و ربنا يجزيك خيرا و باذن الله لما انزل هروح عليه

[sapaiky]

لا شكر علي واجب يا فندم احنا تحت الامر في الخير دايما_ربنا يوفقك

[sherifatar]

بيت المرسيدس والبيجو هي المنصورة
مع احترامي لكل المحافظات

[sapaiky]

كلام معاليك علي عيني و راسي_بس ده مايمنعش إن فاقوس في المرسيدس مافيش زيها و خصوصا القديم_في فاقوس عربيات مرسيدس لا انا ولا حضرتك و لا اي حد يعرف مودلها إيه

[sherifatar]

معلش بس الصنعة صنايعية المنصورة لا يعلي عليهم معلش انا بيجيلي ناس من محافظات كتير علشان شغل السمكرة والبوهية وكمان عندنا مركز اسمة بلقاس هم ملوك البيجو والمرسيدس والمحافظات كلها بلا استشناء بيشتغلوا وبيشتروا قطع الغيار من المنطقة دي انا راشش عربية عيون صاحبها من سوهاج وجية علشان نعملهالة في المنصورة

[sapaiky]

يا فندم كلامك صحيح_احنا بنتكلم عن مرسيدس موديل ستينات و سبعينات شغالة مواصلات و مش واحدة ولا اتنين ده عدد من الخطوط لاماكن مختلفة و محدش_تخيل معاليك الباقي

[cobraa]

انا بصراحة اللى اعرفه ان اكتر بلد مشهورة بشد المرسيدس هى فاقوس واللى اعرفه ان المنصورة او ميت غمر مشهورة بالتويتا بالاخص انما المرسيدس مش عارف
طيب المكان فين فى المنصورة ميت غمر ولا بلقاس و لا ايه بالظبط و لو تعرف حد قولى عليه انزل هناك اشوف الدنيا فيها ايه انا كتير بسافر على الطريق هناك
و شكرا جزيلا

[cobraa]

بالمناسبة العربية قديمة 200 معدل موديل 84

[sherifatar]

تعالي شرفني انا بشد عربية زلموكة ممكن تيجي تشوفها
رقمي 01091801808

[svneleven]

بالمناسبة العربية قديمة 200 معدل موديل 84

طب العربية ديه ايه نظامها و تعمل كام فلوس لو حاجة نضيفة و أخبار قطع غيارعا موجودة و الا لأ و غالية و الا ايه.
معلش اسالة كتير لأن أخويا بيفكر يشتري واحدة.