مشكله في c 350 2012

[kledlnaql]

السلام عليكم
انا لسه شاري سي 350 2012 قبلتني مشكله ان لما بكبس جامد العربيه بتقطع كأنها هتفصل بنزين
ولما روحت التوكيل غيرولي الطرمبتين والفلترين بتوع البنزين ب 10000 جنيه والمشكله متحلتش فقلولي ديه طرمبه البنزين ال High Pressure اللي في الماتور بعد اذنكوا انا مش عارف المشكله ايه هي
بصوا هي المشكله بتظهر لما ال ار بي ام يعدي حد معين
افيدوني لو سمحت

[Batman372]

طلمبه مرسيدس ال high pression حساسه للاوكتين ... غالبا محتاج تستعمل بنزين ٩٥ ...
جرب و شوف الفرق ...
تحياتى ...

[kledlnaql]

حضرتك ازاي العربيه تنك البنزين مكتوب min 91 هي العربيه مستعمله معرفش اللي قبلي كان بيحط 80 ولا ايه بس انا عايز اعرف هو ده العيب ولا هغيرها ومش هتطلع منها
وكمان معتقدش موديلات 2012 محتاجه تحط بنزين 95

[ashmawe]

معتقدش يا باشا ان المشكله دي ليها علاقه بالبنزين ال ٩٥ ممكن يكون عطل عادي ويحتاج الي الاصلاح فقط لان نحدش اشتكى من المواتير الكبيره دي بالنسبه لنسبه البنزين ال٩٥ متقلقش المهم حاول بس توصل للعيب وتصلحه ان شاء الله

[Deshahcoka]

باشا غالبا البوجيهات جايبه اخرها اتاكد كده و بعدين التوكيل ازاي لبسك طرمبات ب 10 بواكي و مفيش حل عنده انتا مفروض تتعارك معاهم دول توكيل مرسيسدس مش تونياه سزوكي !

[kledlnaql]

بس البوجيهات علي ما اعتقد يبقي هطول في الدواره او هتقطع فوق وتحت مش بس علي ال ار بي ام العالي

[hashish]

جرب استخدام محسن أوكتين (sonac) بيزود الأوكتين حتى 4 نقاط و بيحسن الأداء جدا. انا معايا c250 موديل 2010 و احيانا بيحصل معاها كده بس الوضع بيتحسن جدا مع محسن الاوكتين.

[م أحمد]

انا مش ملم بتفاصيل العربية

بس الاشعال فى العربيات عامل زى الشمعة لو نفخت فيها هوا زيادة تنطفى و لو قلت نسبة الهوا تنطفى

الخلاصة انك عندك مشكلة فى نظام الاشعال بسبب الزيادة المفاجأة فى البنزين فما بيتحرقش كويس ويحصل تقطيع (بوبينة - اسلاك - بوجيهات -...)

مش كدة و بس العربية كمان بتاكل بنزين

[MohamedGobran]

الموضوع ده يا باشا تقريبا زى ما التوكيل قال لحضرتك لان المشكله دى موجوده برضو فى البى ام ال 335 بسبب الطربمه ال high pressure و البنزين عندنا فى مصر ماشاء الله فله