ُe200 موديل 2004

[خالد دياب]

بسم الله الرحمن الرحيم

بعد التحيه كنت بسال عن مرسيدس E200موديل 2004 سعرها هيكون في حدود كام وايه عيوب العربيه وايه الفر ق بينها وبين الفئه c200 كمان في ناس نصحتني ابعد عن الالماني القديم وبيقولوا كله مشاكل والالماني بعد 6 سنين بيفتح بقه مصاريف بعكس الياباني اقل ثبات بس معمر اكتر واعتماديته افضل انا محتار بجد ياريت حد يجاوبيني بالتفصيل لو سمحتم

[خالد دياب]

عدد المشاهدات يا جماعه زاد عن 60 مشاهده ولسه بيزيد هو ليه محدش ايجابي ويرد باللي يقدر عليه انا سالت كذا سؤال معقوله اعضاء القسم كلهم ابيض محدش عارف حاجه يا جماعه شويه ايجابيه ولو في جروب مصري على الفيس للمرسيدس يا ريت حد يدلني عليه

[خالد دياب]

يا جماعه ممكن حد يقولي اسال فين لان الظاهر هنا محدش فاضي يجاوبني فين مشرف قسم مرسيدس

[خالد دياب]

والله حاجه تكسف بجد المنتدى مات خلاص 120 مشاهده ومحدش حاول حتى يساعد عليه العوض في المنتدى وفي الناس المحترمه اللي فيه شكرا على كل حال

[dramir1]

ربنا يكرمك وتلاقي حد يرد عليك ...لو اعرف عنها حاجه عنها كنت قولت لحضرتك...ممكن يكون مفيش ملاك للموديل دا بالذات معانا في المنتدي

[Eslam.Elrefaey]

ال e الموديل ده رينج 215-245 الف حسب حاجات كتير والعربية طبعا محترمة بس لازم اكيد تجيبها استعمال نضيف علشان مصاريفها غاليه

[Batman372]

E 200 مو ٢٠٠٤ - ٤ سلندر ١٨٠٠ - كومبريسور - ١٦٣ حصان
كود الموديل w211
تجميع مصرى
اكيد كعربيه مفيهاش اى مشاكل شرط الحاله الممتازه و عمل الصيانات فى مواعيدها و تركيب قطع غيار اصلى


C200 موديل كام ؟؟؟
لو ٢٠٠٤ هى نفس الموتور
كودها w203
تجميع مصرى
حجمها اصغر لانها فئه اقل من ال E

لمعرفه صورهم بالتفاصيل ابحث على جوجل الصور بالكود و السنه
لمعرفه رنج الاسعار ابحث على دوبيزل

تحياتى ...

[خالد دياب]

كنت بسال هل العربيه دي عمليه ولا في موديل يكون افضل في الاستعمال ومشاكله اقل

[Batman372]

كنت بسال هل العربيه دي عمليه ولا في موديل يكون افضل في الاستعمال ومشاكله اقل

ممتازه فى كل حاجه و مفيهاش اى مشاكل لو صاحبها محافظ عليها و صاينها ...
بسبب انها بقالها ١٠ سنوات ... عندك ورش كتير دشغالين فيها و عندهم اجهزه الكشف عليه
ايضا قطع غيارها متوافره فى محلات قطع غيار المرسيدس .. بعكس الجديد ...
و اعتماديه الى اقصى الحدود ... دائما اسأل الى امتلكها و ركبها ...
طبعا بما انها مرسيدس فتكاليفها اكيد حيبقى اغلى من كل اليابانى و الكورى .. و مش اى حد يقدر عليها ...
لكنها تعتبر معقوله جدا مقارنه بكل المرسيدس الجديد
تحياتى ...

[خالد دياب]

اول حاجه شكرا واجب لكل من الاخ dramir1 والاستاذ اسلام على مشاركتهم

[خالد دياب]

وطبعا الغالي الاستاذ الفاضل Batman372 مبدع كالعاده بس كنت ديما بسمع مصاريفها كتير المقصود بده ايه قطعه الغيار ولا الصيانه كمان كل ما اسال حد يقولي هات ياباني بيستحمل اكتر ومعمر وحمال اسيه يعني الياباني بيعيش اكتر وبيستحمل اكتر من المرسيدس مش عارف اكيد في حاجه انا مش فاهمها يا ريت حد يوضحهالي

[eng_elkhashen]

السلام عليكم اخي الكريم
انا امتلك مرسيدس e200 موديل 1993 بس في السعودية
انا من المتعصبين للمرسيدس و متابع لمشاكلها بس في دول الخليج فهتكلم بناءا علي مشاكلهم
اولا اللي يقول ان الياباني معمر عن المرسيدس انا هجاوب بسؤال هات عربية يباني موديل 70 و هات مرسيدس نفس الموديل و شوف الفرق انا المرسيدي اللي معايا بشد بيها قصاد كرولا 2010 و مبيعرفش يسد قصادي و عربيات تانيه اعلي منها في السي سي و كانت اعلي سرعة بيها 230كم اه والله طبعا هي اخرها 240 بس و ثبات ما شاء الله كاني مش ماشي
ثانيا و اهم حاجة اذا كانت المرسيدس نظيفة فهي افضل من أي عربية تانيه مهما كان موديلها
ولو فيها مشاكل هتكرهك في نفسكم لو موديل 2016
بالنسبة لمشاكل الموديل ده طبعا علي اللي شفته في السعودية في حساس للجير بيعطل و بيغيروه لموديل 2009 لانه اخر موديل من الشكل ده و مفهوش مشاكل
في المساعدات لو هي هيدرولك او كهرباء بيبقي فيها مشاكل
ويا ريت اكون افدتك شويه

[خالد دياب]

احترامي ليك اخي بس نقطتين عايز اوضحهم لحضرتك معيار الحكم على العربيه مش الشد وطلعت منه والكلام ده عايز تحكم على عربيتين هات عربيتين وشوف في الخمس سنين صرفت عليها كام كمان في نقطه مهمه المرسيد حلوه وثبات بس مش بتاعت بهدله ومشاوير وكده من الاخر مش بتاعت بهدله الياباني طلع عينه بستحمل بالنسبه لحضرتك ان في الخليخ طبعا عندكم هوندا سيفك وهوندا اوكورد قصه تانيه وحكايه والليكزس الفخامه من مستوى المرسيدس والخليجه بيفضلوها من المرسيدس ولو تسمع الخليجه بيقولوا على المرسيدس بيقولوا عربيات صرف ما هي كرف يعني عربيات بتصرف ومش بتاعت بهدله طبعا الكلام ده يستثنا منه الزلموكه والحجات القديمه اللي مرسيدس عندنا النهارده بتبيع على حسها الجديد انما من بدايه العيون والعربيات دي بدا يظهر فيها مشاكل تزعل وفي السعوديه بيقولوا اشتريها من الوكاله ولما ضنها يخلص بيعها علشان مع الاسف مصاريفها تزعل ملحوظه عندنا في مصر وقفنا عند الزلوكه والعيون انما منعرفشي الفياجرا واليخت والكلام ده والناس عندنا بتجيب المرسيدس القديم مش بس علشان رخيص كمان علشان مبيزعلشي زي الجديد

[eng_elkhashen]

تمام كلامك يا باشا بس مقارنتي هل في عربية ياباني موديل التسعينات بتعمل بكفائة المرسيدس نفس الموديل او اقل
من ناحية الصرف في أي عربية طالما محافظ عليها مش هتصرف غير الاساسيات و المرسيدس قطعها معمره عن غيرها و زود شويه في السعر مقابل الرفاهية اللي هتخدها
من ناحية انها صرف مش كرف لان المرسيدس كله حساسات و كمبيوتر عايز اهتمام و محافظه و هما معاهم فلوس و العربيات رخيصة فبيبهدلها عمرك شفت حد يسوق مانول اول شئ يعشق الغيار رقم 2 و بعدين يطلع يجيب اخر الغيار لحد ما العربية تقول ارحمني و بعدين يبدل الغيار علي رقم 5 علي طول و بعدين يمشي علي كده مطب حفره هدي سرع هي شغاله اتوماتك ما بيغيرش من علي الخامس و بس لك انت تتخيل انك بتنزل من مطب و بتسحب بالعربية علي الخامس
تاني حاجة مفيش ميكانيكية بيفهموا يعني عربية فيها مشكلة تروح الورشة يقول لك الدفرنس مش عارف اسمه ايه في مصر اللي هو مربوط مع العجل ورا خربان و العربية اصل عكوسات (كبالن)
معلش طولت عليك
فمن اللي قولته انك هات عربية ياباني و اعمل فيها كده و هات المرسيدس اكيد تصليح الياباني اسهل و ارخص لاكن المرسيدس هات كل العيله يصرفو معاك عشان ترجعها تاني
فمن الاخر لو المرسيدس فيها مشكله كبيرة هتصرف و مش هتخلص مصاريف
خلي بالك الزلموكه و العيون التكنولوجيا و الحساسات فيها اقل فاعطلها اسهل و بتستحمل البهدلة
و أي استفسار انا تحت امرك

المرسيدس و الاوربي عامتا مكيفه ضعيف مش زي الياباني و الكوري ممكن بداء يتحسن من اول العيون
الفياجرا مش بتاعة زحما

ولما نيجي نشتري ياباني بيوصونا تكون مش معدية 100 الف كيلو و المرسيدس متكونش معدية 300 الف

[خالد دياب]

متفق معاك وبالتوفيق ربنا يسترها على الجميع ركوبه حلوه بس اللي يقدر على مصارفها بالتوفيق يا غالي