s600 model 1995

[mezoali]

السلام عليكم ورحمة الله وبركاته
لو سمحتم يا اهل الخبرة محتاج معلومات عن العربيه دي وسعرها كام دلوقت لو حتي من موديل 94 ل 99
وصيانتها هتكون فين و ضربيتها لو حد يعرف واكون شاكر جدا لتعاونكم

[Amr_650]

انت عارف العربية دى موجودة فى السعودية بكام ! .. بتبتدى من 8000 ريال و لو موديل جديد 1999 مش بتعدى ال20 لو نظيفة جدااا .. يعنى ارخص من فيرنا و دبابة ..شفت مصر حلوة ازاى .

يعنى تكلفة صيانتها اعلى من سعرها .

[mezoali]

انا عاوز معلومات عنها لان هبيع x3 وعاوز اشتريها فمحتاج اي معلومة عنها

[Amr_650]

انت عايز تبيع x3 بى ام موديل 2006 اعتقد و انت طالع و ترجع 8 سنين على الاقل ورا ! .. قرار مش حكيم نهائى من وجهه نظرى ..

غير كدة انت بتتكلم فى ماتور 12 سلندر 6000 سى سى و عفشه اير ماتيك على ما اتذكر + العربية كبيرة هتحتاج صيانات دايما + بنزين مش طبيعى اكيد .. طيب و لية وجع الدماغ ! . غير كدة فخامة قديمة بردو .. و تكنولوجى قديمة مهما كانت .. يا ريس احنا فى 2016 .. دة انا بفكر ابيع ال E39 و اجيب باسات 2010 او جيتا 2012 حتى :)) .. عايز اعدى ال 2010 بقى

[mezoali]

العربيه شفتها قويه جدا مش قويه دي جبااااااااااااااااااااااااااااااااااااااااارة وخاصة ال amg ال x3 فعليا متقارنهاش لا تقدر تجاريها حتي ال x3 اللي معايا 2009 الصراحة شفت فديوا للعربيه ال amg بجد خيال خيالي متنفعش حتي يتقال عنها خيال علمي بسم الله ماشاء الله

[ahmedbasto]

ال600 قليلة جدا فى مصر اللى موجود معظمه 320 وال500 نادرة غير كدة صيانتها متعبة استهلاكها عالى جدا راجع نفسك لو ناوى يبقى هات حاجة اعلى زى الفياجرا بس أعمل حاسبك انها هتتعبك علشان الأرتفاع والصيانات واحيانا الأستهلاك

[mezoali]

ايون بس اعطال قليله ومكنة قوية جداااااااااااا وتسارع رهيب واستهلاك 16 لتر في ال 100 كيلو

[خالد دياب]

هي مكنه قويه بس مين قال اعطال قليله

[mezoali]

موضوع ان اعطالها قليله ده سمعتها من ناس بس انا حاطط الموضوع للمناقشه حابب اعرف كل شئ عن العربيه دي ولو مع حد الاصدار ده وعاوز يبيعها بس متكنش الكوبيه يتواصل معايا

[el_baron]

عن تجربة شخصية لسنوات s320 جاحده ...يبقا 600 عاملة أيه ؟!!!!!!!!!!!!!!!!!!!!!
أما موضوع أعطال ده شيء غريب !!!! كعادة المرسيدس أعطال مافيش مقارنة بأي عربية تانيه طالما بتعمل الصيانه في مواعيدها وبتغير زيوت وفلاتر وسيور في مواعيدها
أتوكل علي الله يا فندم لو أستهلاك البنزين والضريبة موش مشكلة بالنسبة لحضرتك

[شاهين - بنز]

ال إس 600 عمري مشفتها ملاكي نهائيا لو نفسك فيها يبقى حلك الوحيد تجيبها جمرك وهي تعملها بالمصري لو حالة ن نضيفة ثلاثين ألف جنيه
قصدي بالسعر ده لو جمرك طبعا

[mazdamido]

قصد حضرتك ايه بالظبط بالجمرك لوط من مزاد يعنى ولا ايه
ياريت لو تفيدنا لان انا كمان نفسى فى واحده