زلموكة ولا جيتا ولا باسات ولا فيكترا سي

[theman]

سلام عليكم انا حاليا معايا 90000 وممكن اوصلهم 105000 عايز اعرف هل السعر ده يجيب مرسيدس 200 زلموكة موديلات من 86 لحد 92 وايه رايكم في الزلموكة كعربية هل هي افضل اختيار انا عايز عربية قوية وبتاعة سفر وشقي ومرمطة وايه اخبار صيانتها وقطع غيارها انا بصراحة كنت بقارن بين الجيتا والباسات والفيكترا سي بس في ناس قالتلي المرسيدس حاجة تانية خالص ايه احسن عربية مرسيدس الاقيها بالسعر ده هل الزلموكة احسن اختيار ولا في انواع تاني اصل انا مش خبير اوي في انواع المرسيدس انا قولت اخد راي خبراء المرسيدس في نايل موتورز

[A7medelfe2y]

السعر دا يجيب زلموكه كويسه
لسه جايبنها من شهرين موديل 1992 لواحد قريبي ب110 بس فعلا حاله شاذه
بس انا ارشحلك جيتا افضل
علي الاقل هتكون موديل عالي وعربيه محترمه بس الجيتا متتركبش اقل من 125 او 130 عشان تبقي حاله

[samyyousef]

لو استقريت على الزلموكة....يقال ان موديل 1994 افضلهم

[eng_elkhashen]

السلام عليكم انا معايا زلمكه e200 موديل 93 ماشيه 340الف في السعودية
صراحة اللي مركبش مرسيدس مركبش عربيات ثبات قوه لا تقارن
انا بسافر عليها شهريا مره او مرتين مسافة 500 كيلو رايح و زيهم جاي
و سافرت بيها قبل كده مسافة 800 رايح وزيهم جاي 3 مرات علي فترات بعيده
ثبتها لا يفرق علي سرعة مهما مشيت تحس انك مش ماشي انا جربتها بنفسي
استهلاك البنزين عندي طالما ما عديتش سرعة 120 و طريق مفتوح التنك حوالي 55 لتر يمشيني اكتر من 750كيلو بدون مكيف 700 او اقل بالمكيف
المشكلة انك لو ركبتها مش هتقدر تغيرها الا باحدث منها ادمان