استفسار عن اسعار المواتير

[hazemawad]

رسيت علي اني هاعمر الماكينه
وتم انزال الماكينه وفرطها بالمسمار علي الارض
وبعد ارسال الاجزاء المطلوب خرطها تلي الخراط افادني الخراط بان الكرنك مشروخ غي الركبة التي في منتصف الكرنك وبالفعل نزلت كبت واحد استعمال ٠٢٠ب ٢٥٠جنيه!!! مع طانبورة التكييف والباور ب ١٥٠باجمالي ٤٠٠جنيه من واحد في القوميه اسمه احمد اسماعيل في اول القوميه بعد نزلة الدائري الي الشمال ولاقيته بعد ما دوخني واحد اسمه محمد امين وقالي عندي كرنك زيرو ب ٦٠٠جنيه ولكنه تهرب مني بحركه سيئه جدا من تاجر بيحترم زبونه!
المهم جبت طلابات العمره مع شوية رفايع زي القاعدتين بتوع الماتور وطقم كهربا وشوية جاجات كده مش فاكر تفصيلتها ودفعت ٣١٥٠جنيه.
لغاية هنا مافيش مشكله ......
اللي انا بقي عايز اسئل فيه دلوقت:
هوه البستنم بتاع الماكينه ال١١٥فيه علي وواطي في تاجه طب لو انا حبيت اعلي نسبة انضغاط وركبت بستم عدل هايحصل حاجه؟
وايه الفرق بين الماكينه ال١٢٣و ال١٠٢وال١١٥مع العلم تاني بان الماكينه بيضاء موديل ١٩٨٠وعربيه ٢٣٠.....
معلش افيدوني في فهم اللبس ده يا اهل الخبره
بس بصراحه المكن الالماني ده سكه تانيه غير اللي انا عشت فيه قبل كده

[hazemawad]

ولا حد رد على السؤال بخصوص البستم .....
ما علينا....
المهم الخراط خلص شغله وركبت شمايز استاندرد واتعمل لها البورنج
الوش غيرت له صبابات ايطالى نطاف بالدلايل والاويل سيلات بتعاتها...
خرطت الكرنك 030 ....
كل التكلفه عند الخراط 1055 جنيه دفعت 900 جنيه وشاى الناس
الشمايز بشحطها والبورينج بتاعها اتكلفت من اللى دفعته 650 !!!
ولسه فاضل التجميع والتسقيط وكلفة جاز الغسيل و المصنعيه والبنزين والله المستعان
ولما اروق اقول لكم على تفريدة الاسعار والكلفة النهائيه

[yyy]

رسيت علي اني هاعمر الماكينه
وتم انزال الماكينه وفرطها بالمسمار علي الارض
وبعد ارسال الاجزاء المطلوب خرطها تلي الخراط افادني الخراط بان الكرنك مشروخ غي الركبة التي في منتصف الكرنك وبالفعل نزلت كبت واحد استعمال ٠٢٠ب ٢٥٠جنيه!!! مع طانبورة التكييف والباور ب ١٥٠باجمالي ٤٠٠جنيه من واحد في القوميه اسمه احمد اسماعيل في اول القوميه بعد نزلة الدائري الي الشمال ولاقيته بعد ما دوخني واحد اسمه محمد امين وقالي عندي كرنك زيرو ب ٦٠٠جنيه ولكنه تهرب مني بحركه سيئه جدا من تاجر بيحترم زبونه!
المهم جبت طلابات العمره مع شوية رفايع زي القاعدتين بتوع الماتور وطقم كهربا وشوية جاجات كده مش فاكر تفصيلتها ودفعت ٣١٥٠جنيه.
لغاية هنا مافيش مشكله ......
اللي انا بقي عايز اسئل فيه دلوقت:
هوه البستنم بتاع الماكينه ال١١٥فيه علي وواطي في تاجه طب لو انا حبيت اعلي نسبة انضغاط وركبت بستم عدل هايحصل حاجه؟

اه فى عالى وواطى الالمانى بيبقى الفرق بين المستويين تقريبا 1 ملى انما الامريكى بيبقى الفرق 4 ملى وبيبقى انظغاطه اقل ...انا كان راكب عندى بستم عدل والعربيه كانت شغاله عادى جدا
وايه الفرق بين الماكينه ال١٢٣و ال١٠٢وال١١٥مع العلم تاني بان الماكينه بيضاء موديل ١٩٨٠وعربيه ٢٣٠.....
معلش افيدوني في فهم اللبس ده يا اهل الخبره
المكنه البيضا هى ال 115 راكبه فى الحنزيره m115.951 والمعدلة بتبقىm115.954
ال 102 دى المكنه السودا من اول 81
بس بصراحه المكن الالماني ده سكه تانيه غير اللي انا عشت فيه قبل كده

[yyy]

ولا حد رد على السؤال بخصوص البستم .....
ما علينا....
المهم الخراط خلص شغله وركبت شمايز استاندرد واتعمل لها البورنج
الشمايز المانى ولا المخرطه اللى جايبهم
الوش غيرت له صبابات ايطالى نطاف بالدلايل والاويل سيلات بتعاتها...
خرطت الكرنك 030 ....
كل التكلفه عند الخراط 1055 جنيه دفعت 900 جنيه وشاى الناس
الشمايز بشحطها والبورينج بتاعها اتكلفت من اللى دفعته 650 !!!انا معرفش مصنعيتهم كام بس كده مش كتير
ولسه فاضل التجميع والتسقيط وكلفة جاز الغسيل و المصنعيه والبنزين والله المستعان
ولما اروق اقول لكم على تفريدة الاسعار والكلفة النهائيه

[hazemawad]

الشمايز المخرطه اللى جايباهم والخراط حلفلى باغلظ الايمان انه جايب الاربعة شمايز غاليين عليه وواقفين عليه ب 450 جنيه وبعد كل المكن اللى اشتغل عليه خد على الشميز الواحد مصنعيه 50 جنيه ...
معلش مش فاهم حضرتك مستغلى ال 650 جنيه على الشمايز ولا كده كويسين فى سعرهم؟

[hazemawad]

[COLOR="blue"]اه فى عالى وواطى الالمانى بيبقى الفرق بين المستويين تقريبا 1 ملى انما الامريكى بيبقى الفرق 4 ملى وبيبقى انضغاطه اقل ...انا كان راكب عندى بستم عدل والعربيه كانت شغاله عادى جدا [/COLOR]
بصراحه الحمد لله انا شوفت الاتنين عندى فى الماكينه لما فكتها العالى والواطى ويمكن ده اللى شرخ الكرنك لفرق العزوم عليه....
بس الخراط قالى ان التكييف كده هايتعب الماكينه بالبسبم العدل ..! هل يا ترى كلامه صح؟

المكنه البيضا هى ال 115 راكبه فى الحنزيره m115.951 والمعدلة بتبقىm115.954
ال 102 دى المكنه السودا من اول 81
انا عندى كود الماتور 954-115 ....
وانا دعبست حبه كده على الجوجل فا فهمت ان الماكينه ال 115 نازله فى المعدل لحد ما قبل سبتمبر 1980 ...
والماكينه ال 102 من سبتمبر 1980 ....
واللى شوفته من كتالوج ال 102 انها انجكشن
فواضح ان ل 102 نظامها مختلف عن ال 115
بس انت عندك حق فى حاجه : الالمانى غير فى كل حاجه
وعلى الرغم من قدم الماكينه اللى معايا بس انا انبهرت فعلا من الدقه والقدره على الاحتمال والاستمراريه فى العمل على الرغم من ان كل الظواهر قدامى بتقول ان دورة التبريد كانت مسدوده والماكينه ماشيه مولعه والبساتم اللى كانت راكبه مش قد بعضها فى المقاس والشميز معتب ب مللى وزياده بس الباشا اللى كان راكب كان دايما على سفر طويل و اللى زعله منها فقط خلفة الكاتينه بعد ما كسر مخدة الشداد بس ...
مين بقى من المكن اللى انتو عارفينه يقدر يستحمل كده فى الدنيا كلها
فعلا الالمان اسياد العالم على مطلقه فى الميكانيكا..

[yyy]

الشمايز المخرطه اللى جايباهم والخراط حلفلى باغلظ الايمان انه جايب الاربعة شمايز غاليين عليه وواقفين عليه ب 450 جنيه وبعد كل المكن اللى اشتغل عليه خد على الشميز الواحد مصنعيه 50 جنيه ...
معلش مش فاهم حضرتك مستغلى ال 650 جنيه على الشمايز ولا كده كويسين فى سعرهم؟

لا انا بحسب واخد مصنعيه بس 650 .. بس ليه غيرت شمايز طالما مغير بساتم ولا كانت عدت مقاس الخرط

[hazemawad]

الباش مهندز اللى قبلى فارم ام العربيه و مش مخلى فيها !!!
انا مش عارف كانت مستحملاه ازاى ودايره
فكان لابد ارد الى الاستاندارد تانى

[yyy]

الباش مهندز اللى قبلى فارم ام العربيه و مش مخلى فيها !!!
انا مش عارف كانت مستحملاه ازاى ودايره
فكان لابد ارد الى الاستاندارد تانى

ايه اخر الاخبار ؟

[hazemawad]

الحمد لله لميت الماتور حته واحده ودورته على الارض لفتره بسيطه مع العلم انى سايب التاكيهات مفتوحه يمكن لمقاس 100 بس ان شاء الله هاظبطهم بعد التسقيط.......
ومليت الديسك وغيرت بلية الدرك وربنا ييسر فى السيبيه والبلانك ونزله فى الحوض وتبدء رحلة التليين ....
الله الميسر

[Colin Chapman]

من كلام سعادتك ان العمره تكلف تقريبا فوق الاربعه والبلوكه بالتغذيه تكلف الاربعه....... يبقي الشوت بلوك يكسب مع برضه اعتبار بختك يابو بخيت في البطيخه المقفوله الشورت

[hazemawad]

معلش ياريت تفهمنى معنى انك تعيد كلامى تانى

[Kareem.farag]

اومال اسعار ال w126 ايه ال 3000 وال 2800 و ال 5000

[حسام زكى]

الشورت بلوك من 4000 الى 5000

[Ahmed s]

شكلي هاخد نفس العلقه الي انت اخدتها ☺ .... تنصحني بأيه بعد الي حصلك