مارايك بمرسيدس c180 2016

[Omar Sarray]

[justify]

السلام عليكم ورحمه الله وبركاته
[/justify]

انا حبيت اعمل الموضوع ده للمقارنات والنقشات وابداء الراى عن مرسيدس c180 2016 على حد علمى الشكل الجديد هيستمر لغايه سنه 2018 والله اعلم طبعا

الى اعرفه انها موتور 1600 سى سى على عزم الاقصى 250/4000 وقوه محرك 156/5300 حصان

والى اعرفه كمان انها مرشحه بنزين 95 وممكن تشتغل على بنزين 92 بس مش ديما لان البنزين تانك تعبئه البنزين فيه خاصيه anti lock حساس للبنزين لو بنزين 95 يديك اعلا قوه للعربيه والمرشحه طبعا من شركه مرسيدس ولو بنزين اقل او 92 بيعمل للعربيه تقليل قوه بنسبه 30 % وده رقم بحد زاته وراى كبير جدا يعنى ممكن المحرك ميمشيش غير 120 جصان او اقل على عزم اقل لان العربيه مجهزه بتيربو عالى جدا ولازم بنزين كويس وهوا 95 سعر العربيه بيبتدى من 465 الف لاقل فئه مرورا مره الكرام الى 580 اعلا فئه واحلا نسخه براى والراى ازواق ناس زى الشكل راى الفئه الثالثه c180 amg احلا فئه فى c180 جوده وقوه عاليه العربيه ممكن تقارن مثلا ب bmw 320i sport line مثلا شاركونا برايكم ومقارناتكم وارائكم لان بفكر فيها اوى بصراحه

[borio1704]

أنا هتكلم على الانطباع اللي جالي لما قعدت فيها هنا في معارض السيارات في السعودية...

الحقيقة العربية ما أبهرتنيش نهائي بالمقارنة مع عربيات فخمة تانية... بالعكس.. تكاد تكون أقل عربية لو جيت تقارنها بالعربيات اللي زيها...

أنا هنا بقارن بعربيات محددة... أودي.. لكزس.. BMW.. جاجوار... وكاديلاك.

والعربيات دي بالذات بيبقى الصالون هو أهم حاجة فيها لإنها في الأساس عربيات فخمة معمولة علشان تبقى قاعد فيها مبسوط على الآخر.


أول حاجة لفتت نظري هي التابلوه..



التابلوه بسيط أكتر من اللازم... والمنطقة الخشبية اللي فيه كبيرة جدا لدرجة إني حاسس إني قاعد في دولاب خشب.. بالإضافة إلى الشاشة الوسطانية اللي عاملة زي ما تكون تابلت فقير وملزوق على التابلوه...

ده غير إن الكراسي عموما ناشفة زيادة عن اللزوم (دي صفة عامة لكراسي مرسيدس)...


تعالى خذ نظرة على العربيات المنافسة ... وخلي بالك.. الصورة كمان مش بتنقل الإحساس الفعلي اللي بتحسه لما تقعد في العربية.

BMW 3



أودي A4



لكزس IS



جاجوار XE



كاديلاك ATS





في الحقيقة ما حبتهاش خالص.


...

[Omar Sarray]

اشكر تواصلك ورايك المبدع اخ بوريو حكايه كراسى ناشفه الى اعرفه انو كراسى مرسيدس فى معظم الفئات جلد نابا او ناما حاجه زى كده اعتقد c180 فيها باعلى فئه فقط ومساله طابلوه خشب هوا مش خشب انا ركبت فى مصر فئه c180 2016 amg وكان لون داخلى احمر كان جبار بمعنى الكلمه ولمه ركبت بى ام فئه 318i and 320i حسيت ان 320 شويه اعلا قدره من مرسيدس فى تابلوه العربيه بس كقوه كليا مرسيدس تغلب بفرق بسيط جدا وباقى العربيات الى زكرتهم معتقدش كلهم ينزلو مصر بنفس الامكانيات الى بره كل دوله وليها عربيات معينه وفئات معينه تدخل البلد الا بقى لو جبتها جمرك او اوردر من شركه من برا انا محتار بين bmw 320i sport line و mersedes c180 amg والاتنين اقوا من بعض عشان كده عملت اراء واقتراحاتكم وانت سباق الخير اخ بوريو واشكر تقريرك الوافى والمختصر تحياتى

[borio1704]

تابلوه الamg فعلا مش خشب... ده كاربون فايبر.

ولو بتدور على عربية رياضية فعلا.. يبقى bmw من غير ما تفكر.

المرسيدس بأشكالها الجديدة بقت أقرب لليخوت مش العربيات.


...

[م/أحمد عبد الفتاح]

المرسيدس الـ amg من امتع واحلى العربيات اللى ممكن تسوقها فى حياتك بس هى تميل للسيارة الرياضية شويتين :) - amg بتعدل حاجات كتير فى النسخة الاصلية للأحسن والأمتع بس سابت الخازوق زى ماهو (الشاشة) :)

[م/أحمد عبد الفتاح]

لو حاتركبها خارج مصر أنصحك بالـ amg ولو داخل مصر سيبك من الاتنين ( المرسيدس amg أو البى إم ) وخش على المرسيدس glk

[Omar Sarray]

مرسيدس glk غاليه ف مصر اوى انا بقول فى رينج ال 500 الف لا اكتر ولا اقل يعنى مين الافضل او الاحسن فى فئات السيدان

[AHMEDJUDDY]

Bmw x3

[Omar Sarray]

اخويه العزيز احمد جودى انا بقول فى رينج 500 او 550 الف مثلا لا اكتر ولا اقل اكتر مقدرش bmwx3 سعرها يبتدى من 615 الف فمقدرش اجيبها وانا من نوع محبش العالى يعنى احب سيدان او الكوبيه وتحياتى لردك اخويه العزيز وتحياتى لجميع الاخوه الافاضل الى جاوبونى بصوره واضحه

[devil_storm]

بلاش amg, لما سوقت ال c200 amg عفشتها كانت ناشفة جدا و تحس ان مفهاش عفشة عكس المعروف عن مرسيدس بنعومة العفشة و الراحة

[Omar Sarray]

اشكر النصايح والردود الجميله من حضراتكم وان شاء الله اكون شويه استفد منكم كام معلومه والله مستعان بس انا كانت عجبانى اوى c180 وحاليا سعرها غالى جدا جدا وكل ده يقولو عشان الدولار واسعر البترول

[Omar Sarray]

ياريت لو يكون فى تفاعل اكتر ف الموضوع

[Ahmed Turbo]

ياباشا انا راى احنا هنا فى مصر متركبش اى حاجة اداء رياضى يعنى مرسيدس Amg بلاش اركب Exclusive دى افخم نسخة فى فئة C class وعامة c-180 amg دى بس عليه كيت amg وكذلك السسبنشن او العقشه بتميل للرياضية بس المكنة واحدة واعتقد ان c180 مش تيربو دى تنفس طبيعى GDI تقرييا c200 هيى الى بتكون 1600 تيبرو تشارج Cla 180 هى الى بتنزل تيربو واسمع منى C180 Exclusive ممتازة بصراحة وبحب شكلها عن bmw الفئة التالتة و دى مسالة ازواق

[Ahmed Turbo]

لا معلش المحركات تيبرو فى كل الفئات بالنسبة ل c180

[Omar Sarray]

ال c180 كلها فيها 1600 تيربو كلو محرك واحد