إعـــــــلان

Collapse

.

,
See more
See less

اشتريت مرسيدس 230 مو78 من سنة وبعتها والمشترى عاوز يرجعها

Collapse
X
 
  • Filter
  • الوقت
  • Show
Clear All
new posts

  • اشتريت مرسيدس 230 مو78 من سنة وبعتها والمشترى عاوز يرجعها

    يا جماعه...انا اشتريت مرسيدس 230 مو78 من سنه وشوية وكان فيها رخصه سنة...دلوقتي ببيع العربية دي المشتري اخدها ومشي ورجع تاني يوم زي المجنون: عاوز ارجع العربيه دي.
    انا- خير ايه اللي حصل؟
    هو- الميكانيكي بتاعي بيقول العربيه دي مغيرة نص !
    انا- ازاي؟
    هو- العربيه موديل 78 والحوض اللي فيها ده مش بتاع 78 !
    انا- ايه الكلام ده؟
    هو- الميكانيكي بتاعي قال كده بمجرد ما فتح الكبوت! وانا لازم ارجع العربيه دي لانها مغيرة نص ولو دخلت بيها المرور مش هتخرج من هناك!
    انا- حضرتك اتفضل لو شاكك في العربيه هاتها وحد فلوسك ومتشكرين بس متقولش الكلام ده حرام عليك تطلع القطط الفاطسه انت والميكانيكي بتاعك عشان العربيه مش عجباك انت وهو وعاوز ترجعها !
    هو- اقسم بالله يا استاذ ام الكلام ده صحيح دانا منمتش من امبارح من ساعه الميكانيكي ما قال لي كده ونصيحه اخويه ما تبيعش العربيه دي لاي حد لانها هترجعلك تاني!
    انا- حضرتك مش واخد بالك ..العربيه دي انا عملتلها فحص واجراات نقل ملكيه كامله وطابقت بصمة واستعلام مباحث وكله تمام والاورنيك اهوه قدام حضرتك لاني جيت علي اخر خطوة وكان اليوم خلص وشديت مع المهندس عشان يمضيلي عالورق عشان الحق اخد الرخصه ومشيت مكملتش الاجراءات. بس قلبي اطمن ان العربيه سليمه ومش مسروقه وشفت ملفها بعيني في مرورها الاصلي وكمان استعلام مباحث...وهي كان فيها رخصه سنه قلت امشي بيها السنه.
    دلوقتي يا حضرات السؤال : هو فيه حاجه اسمها عربيه 230 تغير حوض وميبانش ويعدي في المرور ؟
    بلاش دي....الميكانيكي اللي بيعمل لها الصيانه مش ميكانيكي مرسيدس صحيح بس هل تعدي عليه حكايه ان عربيه زي دي مغيرة حوض؟
    بلاش كل ده......فرضا ان اخينا ده هو والميكانيكي بتاعه كلامهم طلع صح ؟ انا اعمل ايييييييه؟
    المشتري بيقولي بلغ في اللي باعلك عشان يتجاب ويتحقق معاه وترجعلك فلوسك لان العربيه دي نصين!
    واصحابي بيقولولي مش هتاخد حق ولا باطل حتي لو كان الكلام ده صحيح.
    السؤال دلوقتي انا اعمل ايييييييه؟ اوديها لخبير مرسيدس وهو اللي يحكم؟ طيب لو طلعت زي ما بيقول المشتري انا اعمل ايه ؟ بلغ في اللي باعهالي من سنه وشويه واستعوض ربنا في فلوسي واخش في سين وجيم وقصص ملهاش اخر؟ ولا اسيب العربيه مرميه في الشارع الصدا ياكلها ؟ ولا ابيعها لمشتري واعرفه عيبها وهو حر يتصرف في المرور ولا ابيعها خرده ولا اعمل ايه؟

  • #2
    لاحول ولا قوة الا بالله العلى العظيم وحسبنا الله ونعم الوكيل ونفوض امرنا الى الله وهو نعم المولى ونعم النصير !!

    Comment


    • #3
      روح لسمكري محترم و اقطع الشك باليقين.
      https://t.me/pump_upp

      Comment


      • #4
        بيعها لواحد تانى او خليها معاك ومفيش مشاكل
        عربيه نصين يعنى ملهاش ورق
        وهو بيقول مغيره حوض وده عادى بس اللى اشترى منك موسوس
        engonear سابقا

        [CENTER]
        [SIZE=4][COLOR=Teal]
        [/COLOR][/SIZE] [/CENTER]

        Comment


        • #5
          ابقى طلع شلن و لا بريزة و لا ريال كبير و إنت في مشوارك و محدش هياخد باله
          زي ما رخصت مرة هتترخص تاني

          Comment


          • #6
            ربنا معاك
            انا متابع موضوعك من سنه
            في فرق بين عربيه ملحومه نصفين
            و عربيه مغيره ربع بافراج
            الحاله الاولي طبعا فيها قضيه وحبس
            انما حالتك طبيعي مافيهاش اي مشكله
            بدليل انك فحصت وخلصت ورقك
            [SIGPIC][/SIGPIC] ياتقول كلام في محله يا تقول حلو ياحلو
            [url]/photos/a.879931698703941.1073741827.879900435373734/879931905370587/?type=1[/url]

            Comment


            • #7
              انا اللي خلاني اطمن مقلقش من الناحيه دي اني سالت جار ليا تاجر عربيات وشافها وقال لي مفيش لحام ولا اي شيء حوالين رقم الشاسيه اللي عالصدر ومتقلقش خالص لو فيها حاجه كانت هتبان. والميكانيكي اللي جنب بيتي اكد لي نفس الكلام ان مفيش لعب في رقم الشاسيه ولا لحامات في الحوض! الكلام ده في الاول خالص ساعه ما كنت شاكك في كل حاجه في العربيه وانا لسه شاريها ووجعت دماغكم معايا هنا عالمنتدي بسبب العربيه دي. يعني ميكانيكي وتاجلا عربيات طمنوني وعدت في المرور والمهندس قعد يحسس علي الرقم الشاسيه والصدر حواليه ويشيل الكاوتشه اللي في الصدر من فوق ويلف حواليها .....ده كله طمنني انها لو فيها حاجه مكنتش خرجت بيها فعلا من هناك!

              المشاركة الأصلية كتبت بواسطة hugan مشاهدة المشاركة
              ربنا معاك
              انا متابع موضوعك من سنه
              في فرق بين عربيه ملحومه نصفين
              و عربيه مغيره ربع بافراج
              الحاله الاولي طبعا فيها قضيه وحبس
              انما حالتك طبيعي مافيهاش اي مشكله
              بدليل انك فحصت وخلصت ورقك

              Comment


              • #8
                طيب لو مغيرة حوض بافراج وورق سليم ازاي اقدر اتاكد من كده؟ اروح المرور اشوف الملف ولا اعمل ايه؟



                المشاركة الأصلية كتبت بواسطة a7medsh3rawi مشاهدة المشاركة
                بيعها لواحد تانى او خليها معاك ومفيش مشاكل
                عربيه نصين يعنى ملهاش ورق
                وهو بيقول مغيره حوض وده عادى بس اللى اشترى منك موسوس

                Comment


                • #9
                  على ما اذكر انت رحت لسمكرى خبره٣٠سنة و لفيت بيها و رخصتها
                  تاكد و روح لواحد و اتنين
                  [CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
                  الإمام مالك* الموطأ.

                  Comment


                  • #10
                    انا عملت كل دة وعملت اجراءات نقل الملكيه كامله بس اخر خطوة معملتهاش اللي هي اني اخد الرخصه ! لاني شديت مع المهندس ومشيت مكملتش الاجراءات....المشتري اللي رجعها راجل محترم وقال لي احمد ربنا يمكن ربنا عمل كده عشان العربيه دي متتنقلش باسمك في المرور وهي لغايه دلوقتي رخصتها باسم اللي بايعلي.
                    هو بيقوللي انت ربنا بيحبك انه حصل كده !

                    المشاركة الأصلية كتبت بواسطة volociximab مشاهدة المشاركة
                    على ما اذكر انت رحت لسمكرى خبره٣٠سنة و لفيت بيها و رخصتها
                    تاكد و روح لواحد و اتنين

                    Comment


                    • #11
                      طيب هي حتى لو بإسم اللي انت شاري منه إيه الفرق
                      إنت اللي دافع تمنها
                      هو هيخلع إيده و إنت اللي هتكون عايز تجدد؟

                      Comment


                      • #12
                        روح لتوكيل مرسديس فرع بولاق الدكرور
                        واكشف على العربية وهو ادرى بعربيته لانه جائز تكون تصنيع دولة اخرى والحوض مختلف
                        اذا كان كلامه صح يبقى بيعها فى السوق وسجل فى نفس الوقت فى الشهر العقارى
                        عشان تخلص لان السوق فيه ناس غاوية تركب العربيات دى
                        لانهم بيشغلوها مواصلات داخلية
                        ولو كلامه غلط اهى ماشية معاك لغاية ماتجيلها صاحب نصيبها
                        وطالما العربية نقلت ملكية ورخصت وطلعت متسجلة بيناتها على الكمبيوتر يبقى العربية تمام
                        وليها ملف فى المرور
                        ومحدش هيسال الملف الاصلى جاى امتى او مجاش ليه غير المرور فقط
                        ولو عملت محضرضد البائع الاولنى
                        المحضر هيتحفظ طالما العربية متسجلة فى بياناتها الادارة العامة للمرور
                        وجزيئة العربية دى فيها نص او ربع هيقولك
                        والقانون لايحمى المغفلين

                        اما اذا كانت غير مسجلةوليس لها ملف
                        فهنا الوضع هيجر من اول بائع لاخر مشترى
                        وتحفظ السيارة بدائرة القسم
                        بس انت موقفك سليم لانك اشتريت العربية بحسن النية
                        هو صحيح كان من الواجب عليك تاخد ميكانيكى وسمكرى
                        عشان يبصوا على العربية عشان ياكدولك ان العربية تمام ولا لا

                        وجايز تكون دى تلككية من الراجل ده عشان الميكانيكى يشفولو عربية تانية
                        ويخلع من عربيتك ويطلعلو مصلحة

                        Comment


                        • #13
                          بص يا باشا .. ف العربيات اللي زي المرسيدس ال 200 و ال 230 و البيجو ال 504 بيتفرق بين الموديلات بحاجات زي بادج نيكل مثلا محطوط علي الصدر او شنب العربية او مثلا علي الكارتيره من موديل مثلا 75 ل 77 الاستيكر بيبقي علي الكارتيره و موديل 78 علي الشنب .. دا مثلا يعني بس انا افتكر ان فرق الموديلات ف المرسيدس كان بيبان كدا .. او مثلا لون الدواخل ف البيجو موديل 75 ل 78 كان بيبقي اسود مش بلون العربية انما بعد كدا بلون العربية .. و هكذا
                          اللي يجيبلك قرار الموضوع دا سمكري مرسيدس او ميكانيكي مرسيدس غير كدا اي حد يقولك روح لسمكري عادي ميفهمش ف المرسيدس يبقي بيضرك
                          لو انت قريب من القناطر الخيرية ابعتلي و هقولك علي سمكري و ميكانيكي مرسيدس تسأله
                          سارح فـ غربة بس مش متغرب :S_thum1[1]:
                          [shfaf2]https://scontent-b-cdg.xx.fbcdn.net/hphotos-xap1/v/t1.0-9/10885528_660182824094154_6902646680377564859_n.jpg?oh=d4576f79606fd1296a089e78b6577ec4&oe=55590336[/shfaf2]

                          Comment


                          • #14
                            المشاركة الأصلية كتبت بواسطة polar star مشاهدة المشاركة
                            طيب لو مغيرة حوض بافراج وورق سليم ازاي اقدر اتاكد من كده؟ اروح المرور اشوف الملف ولا اعمل ايه؟
                            موضوع مغيره حوض يعرفه السمكرى والمرور بيكون عنده علم ومثبوت فى الورق وطلع رخصتها باسمك علشان تتأكد ان كل حاجه سليمه ولو فى اى مشكله كانت ظهرت فى الفحص دول عفاريت ومش هتعدى عليهم حاجه زى كده
                            engonear سابقا

                            [CENTER]
                            [SIZE=4][COLOR=Teal]
                            [/COLOR][/SIZE] [/CENTER]

                            Comment


                            • #15
                              العربية عملت اجراءات نقل ملكيه بس ماعدا اخر خطوة اللي هيا توقيع المهندس وشديت معاه في الكلام واخدت العربية ومشيت وقلت العربيه فيها رخصه سنه لما تخلص ابقا اجدد. دلوقتي الرخصه خلصانه من شهرين وانا عاوز ابيع لاني اتخنقت من العربية دي من يوم ما اشتريتها وانا متضايق منها.

                              المشاركة الأصلية كتبت بواسطة ahmed.biso13 مشاهدة المشاركة
                              روح لتوكيل مرسديس فرع بولاق الدكرور
                              واكشف على العربية وهو ادرى بعربيته لانه جائز تكون تصنيع دولة اخرى والحوض مختلف
                              اذا كان كلامه صح يبقى بيعها فى السوق وسجل فى نفس الوقت فى الشهر العقارى
                              عشان تخلص لان السوق فيه ناس غاوية تركب العربيات دى
                              لانهم بيشغلوها مواصلات داخلية
                              ولو كلامه غلط اهى ماشية معاك لغاية ماتجيلها صاحب نصيبها
                              وطالما العربية نقلت ملكية ورخصت وطلعت متسجلة بيناتها على الكمبيوتر يبقى العربية تمام
                              وليها ملف فى المرور
                              ومحدش هيسال الملف الاصلى جاى امتى او مجاش ليه غير المرور فقط
                              انا شفت ملفها بعيني في مرورها الاصلي وشفت بياناتها عاكمبيوتر وطابقت بصمه بالفعل واستعلام المباحث مرتين هنا وهناك ....كله ورق سليم .....بس السؤال....لو العربيه دي الحوض مش بتاعها فعلا وبفرض انه عدي علي كل دول صدفه وحسن حظ......هل لو دخلت فحص دقيق بقا تجيبلي انا مشاكل ومسئوليه قانونية؟ سواء بنقل ملكيه وبجدد لنفسي او ببيع والمشتري بيجدد لنفسه ؟ مربط الفرس كله بالنسبة لي الموقف القانوني واني مغشش حد ولا تحصل لي مشكله قانونيه بسبب العربيه دي. اما ان كان عالفلوس والخساير فانا استعوضت ربنا من زمان وربنا يعوض عليا.
                              ولو عملت محضرضد البائع الاولنى
                              المحضر هيتحفظ طالما العربية متسجلة فى بياناتها الادارة العامة للمرور
                              وجزيئة العربية دى فيها نص او ربع هيقولك
                              والقانون لايحمى المغفلين

                              اما اذا كانت غير مسجلةوليس لها ملف
                              فهنا الوضع هيجر من اول بائع لاخر مشترى
                              وتحفظ السيارة بدائرة القسم
                              بس انت موقفك سليم لانك اشتريت العربية بحسن النية
                              هو صحيح كان من الواجب عليك تاخد ميكانيكى وسمكرى
                              عشان يبصوا على العربية عشان ياكدولك ان العربية تمام ولا لا

                              وجايز تكون دى تلككية من الراجل ده عشان الميكانيكى يشفولو عربية تانية
                              ويخلع من عربيتك ويطلعلو مصلحة

                              Comment

                              Working...
                              X