مشكلة في ضفيرة الزلموكة

[eng_elkhashen]

السلام عليكم
انا عرضت المشكلة دي قبل كده هنا
انا معايا مرسيدس e200 موديل 1993 حقن مباشر
وانا موجود في السعودية
المشكلة ان الضفيرة تعبانة جدا و فيها توصيلات كتير خارجية و مش لاقيها هنا و الكهربائية هنا ما بيصلحوش بيغيروا بس
فهل اقدر اخلي كهربائي يفكها لي و اصلحها بنفسي ولا الموضوع صعب و هل اقدر الاقي خريطة لتوصيلاتها تسهل عليا الموضوع
وشكراً لكم

[mbx4e]

عايز تزبط الليله انكتها وغير الضفيره تشليح بس تجيب بتاعت الماكنه وبلاش شغل التلصيم والتاتش المصري دي مش ١٢٨ و الهنود والباكستان هايستغلوك روح للفلبنين او الاتراك حراقين بس هاينهوا الموضوع اما حوار المخططات شوف رقم الماكنه واعمل بحث على الجوجل واكتب
Electric wiring loom ورقم الشاسيه والماكنه وانت وحظك وادرس الاشكال والصور

[eng_elkhashen]

تسلم على سرعة الرد المشكلة ان الماكينة دي مش منشرة و ملهاش قطع تشليح ولا جديد في واحد قال في ضفيرة جديدة تقريباً صناعة تركيه ايه رايك اجبها
موضوع الفلبينيين و الأتراك مش موجودين عندي و انا فكرت افكها و اردجعها لوضعها الأصلي

[mbx4e]

مافيش قلق الصناعة التركية حلوة بالنسبة لغيرها اهم شيء تبقى بتاعتها مش توفيق عليها بالذات الناس دي بتصدر عمالة لالمانيا بشكل رهيب كمان عندهم مصانع مرسيدس
لو عايز حاجة احسن انزل بيها على هنا وهتلاقي اللي بيصلح وهتلاقي الاستيراد بس هاتتصدم بالاسعار بس و في حاجات ماينفعش فيها اصلاح نهائي

[mbx4e]

ممكن تخلي حد يسألك على ضفيرة الموتور الاول هنا
بس لازم تفهمه بيانات الموتور
في اجزاء اكيد ممكن تتباع لوحدها لان الضفيرة كذا جزء عندك الحرفيين والوكالة وعندنا في المريوطية مليانه انصاص مرسيدس كامله ولو غلبت خالص بورسعيد طبعا بس لوحة الجمرك بتجنن الصنايعية والتجار شيلها وانت شغال فيها

[eng_elkhashen]

تمام شكرا mbx4e علي تجاوبك معايا إن شاء الله اشتريها من هنا احسن ما انزل مصر و اضيع الإجازة في تصليح العربية