استفسار من اهل الخبرة ... طمنوني ربنا يريح قلبكم

[hossamhussein0]

السلام عليكم و رحمة الله
اشتريت عربية مرسيدس عيون e200 موديل 1996 ... و عندي استفسارين

الاول
لاحظت عليها ان لما اجي ازود علي السلانسيه الموتور بيقطع لما عدد لفات المحرك بيوصل 3000 لفه عارفين انتو الصوت اللي بيظهر لما حد بيزود بنزين بغشم و تحس ان الموتور بيقطع في الاخر هوه ده نفس الصوت بالضبط بس الفكرة انه بيظهر علي 3000 لفه فقط..

هل ده حمايه للموتور مثلا انه بيفصل عند عدد اللفات دي و لا ده عيب في العربية و هل اذا كان فصل حماية للموتور ممكن تعديله (اخليها عند 4000 او 4500 لفه مثلا) ؟؟ يعني هل ليه رجلاش مثلا.

اما في المشي انا مبقرص علي العربية و العربية اوتوماتيك كمان و بالتالي الفتيس بيغير علي 2500 لفه حتي مع التسارع فمش عارف لو هناك ضرورة للتزويد عن 3000 لفه هيعمل كده برضه و لا ايه النظام .

الثاني
من اسبوع تقريبا صادفني عيب غريب حصل معايا و انا ماشي و كنت لسه طالع من ملف و ببطئ شديد و مرة واحدة و بدون مقدمات العربية قعدت تبكبك من الموتور و تدي مدافع من الموتور و مش قابله زياده بنزين خالص و السلانسيه بيرتل جامد وكل لما احاول ازود بنزين تزيد الفرقعه .. المهم سايستها و مشيت سلانسيه علي سرعه 20 كم علشان كنت مضطر "في شارع كله معسكرات جيش و مينفعش اقف" و بعد حوالي 250 - 300 متر اتظبطت لواحدها و مشيت زي الفل و جريت بيها تمام و من ساعتها روحت بيها كذا مشوار و كله تمام ؟؟ مش عارف ده كان ايه ناس بتقول عيب بنزين و دي اعراض بدء تلف الطلمبه و ناس بتقول عيب كهرباء و ممكن يكون موبينه او سلك بوجيهات او بوجيهات نفسها و العربية دي قطع غيارها غاليه جدا و مينفعش فيها انك تغير حاجه قونطه بدون داعي و المشكلة كمان ان العيب اختفي فبالتالي انا لو غيرت قطعه غيار مش هيه اللي عاملة المشكلة مش هيبان معايا و ممكن لا قدر الله العيب يظهر تاني و تعملها معايا بالليل او في حته مقطوعه او طريق سفر و ساعتها هتبقي حوسه
في انتظار تعليقات و اراء ذوي الخبرة او مالكي العربيات المشابهه علي النقطتين دول حتي يطمئن قلبي

[mr_sameh]

الف مبروك علي العربيه
وعموما العربيات دي ممتازه جدا ومحترمه وحمالة اسيه انا معايا عربيتي 98 والحمد لله مستريح معاها
لكن اولا العربيات دي اول مابتشتريها بتحس انك مش مبسوط منها ومش فاهم فيها حاجه وتسمع كلام عن استهلاك البنزين وكلام عن قطع الغيار وحاجات كتير لكن مع العشره هتعرف انها موفره جدا في البنزين قطع غيارها متوفره واسعارها ممتازه كل المشكله انك تلقي ميكانيكي كويس ليها تعمل عنده صيانه وتتعامل معاه وتشوف مكان كويس تشتري منه قطع غيار
اما مشكلتك دي بكل بساطه تكشف علي العربيه علي الكمبيوتر وده عند اي ميكانيكي مرسيدس وبيكلفك خمسين جنيه هتعرف ايه المشكله اللي عندك
وانا اعتقد ان مشكلتك مش هتخرج هن الموبينه والبوجيهات وشوية سرفيس ليهم وانسي اي حاجه تاني

[hossamhussein0]

الف شكر ليك يا استاذ سامح

فعلا هيه عربيات محترمة جدا و ميفهمش قيمتها غير الناس الركيبه و اللي بيحبو العربيات بجد مش بيتعاملو معاها علي انها وسيلة مواصلات و بس

هل حضرتك تعرف ميكانيكي كويس عنده جهاز استار قديم علشان الفيشه عندي 38 pin و معنديش فيشه EBD 2 علشان دي ابتدت من سنة 98 بس و طبعا موضوع الكابلات اللي بتحول من 38 pin الي 16 pin مبتبقاش دقيقه.

و ياريت برضه حضرتك تشوف موضوع زياده الاكسلاتير علي السلانسيه عندك و تقولي ايه الاخبار هل بتقبل الدوسه عادي مثلا حتي 4000 او 4500 لفه و لا ايه النظام .

معلش بقه اخر سؤال لو تسمحلي عربتك 200 و لا 240 ؟؟

[Eezzoo]

ده حمايه للموتور مثلا انه بيفصل عند عدد اللفات دي