الحقونى يا جماعة فى المرسيدس المعدل

[monamor_kill]

اول امبارح رحت مشوار بالعربية وما فيش اى مشكلة وجيت دخلتها الجراج وتانى يوم الصبح علشان اخدها لقيت دواسة الدبرياج نازلة على الارضية رفعتها بايدى ونزلتها كزا مرة ومفيش فايدة بصيت على الباكم لاقيت مافيش فى الاربة زيت مع ان الفرامل كانت شغالة كويس المهم قعدت ابص على الاربع عجلاتاشوف فى تسريب والقتش اى اثر بصيت على المساتر الاثنين مافيش حاجة طبعا حطيت زيت وبصيت تانى مالقتش اى تسريب انا بقالى كتير ما بصتش على الباكمالمشكلة ان الدبرياج مافيش فايدة يا ترى دا فية هوا ولا حاجة ولا اية الحقونى

[totty]

عادى ماتاخدش فى بالك الموضوع ان ماستر الدبرياج العمومى تلاقيه ضرب . حضر واحد علشان هى هاتعملها معاك قريب

[yyy]

بصيت على الباكم لاقيت مافيش فى الاربة زيت مع ان الفرامل كانت شغالة كويس

1-لو الخزنة فيها زيت بص ناقصة(يعنى لغاية العلامة اللى تحت)..يبقى دة عيب ماستر الدبرياج

2-لو الخزنة فاضيه خالص يبقى الماستر العمومى او الماستر اللى فوق الدوسات(طالما 4 عجلات تمام)

المشكلة ان الدبرياج مافيش فايدة يا ترى دا فية هوا ولا حاجة ولا اية الحقونى

ما هو مفيش فايدة الماستر علشان فضى الزيت واخد هوا..بيبقى لية مسمار هوا زى بتاع الفرامل علشان تظبط منة

[original]

ممكن يكون تيل الفرامل إتاكل عشان كده الزيت نقص...

[yyy]

ممكن يكون تيل الفرامل إتاكل عشان كده الزيت نقص...

بس صعب ان تيل الفرامل يتاكل لدرجة انة ينفص الزيت بحيث يأثر على الدبرياج

[pharonicking]

ماستر الفرامل بيهرب زيت"

[FrozenFire]

بالراحة يا عم
مالك مخضوض كده
أنا والدي عنده خنزيرة معدلة وهي هي نفس المعدلة في كل حاجة ما عدا الشكل الخارجي بس
والحركة دي أنا فاكر عملتها معانا مرة
وبعدها بكام شهر غيرنا طقم جلد الماستر بالكامل عشان كان بيهرب زيت
دي حاجة عادية وما تقلقشي منها
ولكن أنصحك إنك تروح تغير الجلد من دلوقتي عشان ما تعملهاش معاك في الطريق وتلاقي الديبرياج نزل وحالف إنه مش طالع :)
أو مكن تلاقي الفرامل بتهرب معاك، يعني وإنت وافق ما بتتحركشي والعربية دايرة، إضغط على دواسة الفرامل حتلافيها بتنزل معاك واحدة واحدة لحد ما توصل لأخر الدواسة.
والعربية دي رغم إن بقالها معانا أكتر من 30 سنة بس رافضين نغيرها تماما
أصيلة وبنت ناس وعمرها ما عطلت بينا في الطريق
كانت تعطل بس لما نوصل البيت وتدخل الجراج :)
وعليها ثبات على الطريق وقوة فرملة صعب إنك تلاقي زيهم دلوقتي في العربيات الكوري أو الياباني
المهم
إختار ميكانيكي كويس وتابع معاه
هي دي أهم حاجة
والسلام ختام

[monamor_kill]

thanks for every one sent his opinion i want to mecnician and change the under master it beside fetise