اية رأيكم في مرسيدس 190 موديلات الثمانينات

[amrbakly]

مساء الخير يا شباب

كنت عايز اعرف رأي الشباب في العربية المرسيدس 190 القديمة، وهل هي عربية كويسة ولا مجرد نجمة و خلاص

و اللي حالتة كويسة منة تعمل كام و تحديدا يكون صالونة حالتة كويسة

انا مش فارق معايا الأتوماتيك خالص و مش طالب من الكماليات غير التكييف و الباور و القزاز الكهربا

عايز برضة اعرف قطع غيارها اخبارها

معلش تقلت عليكم بس انا حموت و اركب مرسيدس و دية الوحيدة اللي ممكن تكون قريبة من فلوسي

[amrbakly]

اية يا شباب هي العربية دية مجهولة النسب مثلا ولا حاجة

27 واحد شافوا الموضوع و محدش قال بنت شفة

[ahegazi]

منقول .... للأمانة----------------------------------------------------------------------------------------------------------------------------------------------------------------------------------------------------------------------------الفتره اللي نزلت فيها ال190 مكنش السوق المصري متعود علي عربيه مرسيدس حجمها صغيرمكنوش متخيلين ان مرسيدس تعمل عربيه في حجم ال 504 مثلاو اللي زاد و غطيالتوزيع الغبي لادوات لوحه القيادهتلاقي زراير الزجاج حول الفتيس بطريقه غريه!!!!!!!!تابلوه صغير جدا و طاره دركسيون كبيره جدا جداماكنش فيه نسب مظبوطه في العربيه دي.بخلاف كده انا كنت بعشق العربيه دي و بعتبرها افضل من ال e كلاس وقتهابرضه مهما كانت عربيه الماني و من مرسيدس كمان و مواتير تحفه و حكايهليا واحد قريبي كان معاه منها واحده يمكن كانت الوحيده في مصر sport line كانت وهم مكنش فيه عربيه بتقف قدامه ولا تعرف تشد معاه الكلام دا كان اواخر التمانينات.بعد كده بدأ السوق يتقبل فكره عربيه صغيره من مرسيدس و دا اللي ساعد في انتشار السي 200بديله ال 190 خصوصا بعد التعديلات الرهيبه علي السياره و زياده حجمها قليلا لترضي طموح المستهلكين الراغبين في سياره مرسيدس قلبا و قالبا

[MohamedGafar]

عربية ممتازة فعلاً. بس تلاقى حالة كويسة منها وللأسف بقي النظيف منها قليل جدا فى السوق.

تحياتي.

[bmya]

عربيه تحفه والله بس سيبك من الدماغي المصريه اللي يقولك تسماحه وحلوفه وزرلموكه والالفاظ الغريبه اللي بتعجبهم دي
المهم العربيه دي مع واحد صحبي موديل 1985 كامله اتوماتيك فتحه سقف كهربه موتورها جبااااار بس هي عربيه شبابي وصغيره اوي من جوه تحس ان مزنوق فيها بس للاسف ارخم حاجه فيها قطع غيارها وحاجه كمان بلاعه بنزين لو هتحوطلها 90 او 92
ولذلك الاحسن حوط 80 صحبي بيعمل كده دلوقتي بيحوط 80 والعربيه بتجيب 170 مرتاح

[monamor_kill]

امامى واحدة واقفة فى صالة موديل 85 صاحبها بيتكلم فى 50 الف

[AHD]

عربيتي 190.2.3 الرياضيه الشهيره

عربيتي e190 2.3 الرياضيه الشهيره موديل 1986

[hanycapoo]

هى العربية دى بتبقى كام سىسى وكمالياتها اية وقطع غيارها اسعاها اية ؟؟ارجو الافادةوشكرا لتعب محبتكم

[bishoy02010]

متابع

[AHD]

عربيتي e190 2.3 الرياضيه الشهيره موديل 1986

من البروشورات التي أمتلكها خاص ب190 2.3 بألوانه الخاصه + سعة المحرك وغيره من المعلومات.

[د.محمود صلاح]

يكفى انه من عائلة مرسيدس

[amrbakly]

طب هو اية عيب قطع غيارها ؟ يعني قليلة ولا مش موجودة ولا اية؟؟؟

يعني ماشي انا معنديش مشكلة اقضيها استيراد في الإكسسوار و نقول ممكن العفشة، إنما في الميكانيكا انا مش بأمن غير للأصلي علي ابوة و محفور علية ماركة العربية كمان

فلو قطع غيار الميكانيكا مش موجودة أو أسعارها مبالغ فيها تبقي بجد مشكلة !

هو اساسا قطع غيار المرسيدس القديم عاملة اية ؟ لأني معرفش حد من صحابي معاه مرسيدس خالص كلهم غاويين بي ام و فولكس و بتاع

[Hany A Fattah]

متابع

[sherifsewailm]

مساء الخير يا جماعة أنا كمان بأدور علي 190 موديلات من 85 ل 92.

في حد عنده واحدة وعاوز يبيع ويا سلام لو أسود تبقي في الجووون.

بإذن الله أتوكل وأخلص فيها علي طول

[خليفة سعد]

لو سمحتو عندى استفسار خاص بسيارتى البيجو 404 موديل 1969وبها موتور 504 ماشية معايا زى الفل بس قديمة ومنظرها مش حلو المهم فكرت اغيرها جانى صديق يمتلك سيارة مرسيدس 190 موديل 1962 وطلب يبدلها معايا بالبيجو بس مش عارف الاقيلها قطع غيار ولا لا والاسعار اخبارها ايه بيقولو قطع غيار المرسيدس 190 القديم مرتفعه