متردد...اشتري ال byd ولا لا؟؟؟؟؟؟؟؟؟؟؟؟؟

[د.محمود صلاح]

معلش ممكن تحطلنا صور ليها وتقلنا امكانيتها وسعرها كان كام

وكويس انك قلتلى انا كنت متوقع كده الصينى صينى بردة بس انا شكلها وهمنى بصراحة لو اللى فى دماغى :) والصور هتحكم :)

اشتريتها تبع توكيل سايمكس انترناشيونال اللى فلسع على رأي المهندس أحمد كمال ب 64 الف كاملة 1600 abs +ebd بدون ايرباج , واول ما طلعت بيهخا من المعرض وهات يا شخاليل من كل حتة وروحت المنيا روحت لسمكرة ادور على الاصوات دى منين وطلع ان البلاستيك بتاع السوست كان بيخبط فيها فى المطبات

هووب واول شهر وراحت علبة الدركسيون جابت زيت وغيرتاها فى الضمان

هووب تانى شهر وبوردة التحكم فى الزجاج الكهربائى باظت , وصلحتها بمعرفتى

وهوووب والزجاج اليمين اتكسر من تلقاء نفسه والحمد لله لقيته فى التوكيل

وهوووووب التوكيل قفل وما فيش قطع غيار

وبييييييع يا معلم


اعلان الاهرام خلصهالى بعد اسبوعين بالضبط , اخدها واحد من الزقازيق حيث كان فى فرع من التوكيل فاتح وعارفينها هناك كويس

اشتراها ب 42 الف والعوض على الله

[أحمد كمال]

اشتريتها تبع توكيل سايمكس انترناشيونال اللى فلسع على رأي المهندس أحمد كمال ب 64 الف كاملة 1600 abs +ebd بدون ايرباج , واول ما طلعت بيهخا من المعرض وهات يا شخاليل من كل حتة وروحت المنيا روحت لسمكرة ادور على الاصوات دى منين وطلع ان البلاستيك بتاع السوست كان بيخبط فيها فى المطبات

هووب واول شهر وراحت علبة الدركسيون جابت زيت وغيرتاها فى الضمان

هووب تانى شهر وبوردة التحكم فى الزجاج الكهربائى باظت , وصلحتها بمعرفتى

وهوووب والزجاج اليمين اتكسر من تلقاء نفسه والحمد لله لقيته فى التوكيل

وهوووووب التوكيل قفل وما فيش قطع غيار

وبييييييع يا معلم


اعلان الاهرام خلصهالى بعد اسبوعين بالضبط , اخدها واحد من الزقازيق حيث كان فى فرع من التوكيل فاتح وعارفينها هناك كويس

اشتراها ب 42 الف والعوض على الله

ده رأيي فعلا

الصيني صيني و لو بيقول بابا و ماما و بيسن السكينة و يسن المقص و المخرطة !

و الياباني و الأوروبي ياباني و أوروبي و لو حتى بتدفع كتير في اوبشنز قليلة

[mynameh]

بصراحة انا مش بقتنع بالصيني لكن اسمع ان ال byd افضل سيارة صيني موجودة في مصر يمكن كمان اسمع انها احسن من الاسبرانزا

[A7mad_Nabil]

شوف حضرتك ،، أنا معايا ال-byd f3 من سنتين والعربية فعلاً أحسن بمراحل كتيرة من أي عربية صيني تانية ..

من الثبات والتسارع وحتى الأبشنز ، بس فعلاً في عيب فالتوكيل إنه مش مديها حقها وسط السوق خالص مع إن كل ملاك العربية بيقولوا إنه معاه كنز هو مش عارف قيمته ..

الصيانة فيها مش سيئة قوي بس تحس كدة انها زي نظام الورش ،، ممكن يفاصل معاك في عمايل الحاجات ويقولك انها مش محتاجة تغيير عشان ينجزوا ويريحوا نفسهم بس عربيتنا ولله الحمد طول سنتين مظهرش فيها مشاكل مع العلم انها كل يوم بتطلع العاشر من رمضان بحكم شغل الوالد (أحنا في مصر الجديدة ) ومغيرناش فيها إلا كابالن بعد 35000 كيلو وسيور متور وهما محددين وقت للتغيير ، طبعاً غير الزيوت و تربيط عفشة ..

النقطة إلي أنا شايف انها سيئة هي سعر إعادة البيع ، احنا عايزين نبيع العربية - للترقية مش أكتر - وحاسين إن السوق هيخسف بسعرها الارض ودة بسبب زي من قلت إن التوكيل مش مسمع ومش عامل شغل للعربية ..

الخلاصة انها عربية مناسبة جداً وسط الفئة بتاعتها ، بس الكلام بتاع السعر إلي مش هيعدي حاجز ال-60000 جنيه لو حصل ، فعلاً مش هيبقى ليها منافس تماماً ، لكن السعر بتاعها دلوقتي ممكن تضيف عليه حاجة صغيرة وتجيب ياريس مثلاً ، لأن العربية مفيش منها إلى الأوتوماتيك دلوقتي وافتكر انها تعمل 83000 .
وبخصوص سؤالك عن العربية الإلي شبة المرسيدس هي اسمها byd f6 وأنا كنت شفتها فالمعرض إلي في مدينة نصر بصراحة حاجة تهبل من كل شيء ، دى العربية الصيني إلي ممكن تغير مفاهيم السوق عن الصيني ، بس للاسف برضه الوكيل معرفش يسوقها فافتكر إن فكرة نزولها دلوقتي إتلغت ، وبصراحة خسارة عربية زي دى تبقى في إيد توكيل زي دة ...

[medo_2060]

ده رأيي فعلا

الصيني صيني و لو بيقول بابا و ماما و بيسن السكينة و يسن المقص و المخرطة !

و الياباني و الأوروبي ياباني و أوروبي و لو حتى بتدفع كتير في اوبشنز قليلة

يا استاذ احمد
يعنى عربيه باظت فيها حاجات من اول شهر ووراها حاجات تانيه بمرور الوقت تديك فكره عن كل العربيات الصينى؟
طيب ما الاسبيرانزا بقالها سنتين وماشيه تمام ليه بقى نعمم على الصينيى كله؟
وبعدبن حضرتك معندكش اى منتج صينى نهائى ولا موبايل ولا لابتوب ولا لاسلكى ولا.................... لو قعدت اقول امثله مش هخلص
واتذكر مليون مره قبل كدا ان سبب رداءه المنتج الصينى المستوردين المصريين ومش هتكلم كتير فى الموضوع دا
يبقى ليه نشتم فى الصينى واحنا بنستخدمه كتير فى كل حاجه بخلاف العربيات
حضرتك المبدأ لا يتجزأ الى بيشتم فى الصينى وقرفان منه مايستخدمش حتى استيكه صينى مش تبقى حياتنا كلها صينى ونشتم فى صناعتهم
ياريت احنا بس نبقى واحد على مليون من الناس دى الى احنا افشل ناس فى العالم مقارنه بالصناعه عندهم وانجح ناس فى الانتقاد وبس
تحياتى لحضرتك

[أحمد كمال]

يا استاذ احمد
يعنى عربيه باظت فيها حاجات من اول شهر ووراها حاجات تانيه بمرور الوقت تديك فكره عن كل العربيات الصينى؟
طيب ما الاسبيرانزا بقالها سنتين وماشيه تمام ليه بقى نعمم على الصينيى كله؟
وبعدبن حضرتك معندكش اى منتج صينى نهائى ولا موبايل ولا لابتوب ولا لاسلكى ولا.................... لو قعدت اقول امثله مش هخلص
واتذكر مليون مره قبل كدا ان سبب رداءه المنتج الصينى المستوردين المصريين ومش هتكلم كتير فى الموضوع دا
يبقى ليه نشتم فى الصينى واحنا بنستخدمه كتير فى كل حاجه بخلاف العربيات
حضرتك المبدأ لا يتجزأ الى بيشتم فى الصينى وقرفان منه مايستخدمش حتى استيكه صينى مش تبقى حياتنا كلها صينى ونشتم فى صناعتهم
ياريت احنا بس نبقى واحد على مليون من الناس دى الى احنا افشل ناس فى العالم مقارنه بالصناعه عندهم وانجح ناس فى الانتقاد وبس
تحياتى لحضرتك

السلام غليكم

سيدي الفاضل مع احترامي لكل ملاك السيارات الصينية و حرية رأيهم طبعا :)

حتى الاسبيرانزا انا مش باحبها ...... و بصراحة مش مصدق مين يدفع 120 الف في ال A620

و شوف في قسم الصيني الناس بتتكلم عليها ازاي و ملاكها نفسهم بيقولوا عليها ايه

و بالنسبة لنقطة الموبايل و اللابتوب و اللاسلكي ....... اكيد ....... اللابتوب اللي باكتب منه ردي دلوقتي ده صيني .... بس HP

يعني ماركة عالمية و ليها عوامل الجودة بتاعتها و لو اتصنعت قي الصين مش هتفرق عن امريكا

زي كده تويوتا ما بتجمع في الصين ما عنديش مشكلة اركب تويوتا صيني

بس عمري ما هاشتري لابتوب او لاسلكي او موبايل او عربية صيني من ماركة صيني مجهولة الهوية ......

فيه طبعا استثناءات صينية ناجحة زي Huawei و ZTE في مجال الاتصالات ......

و زي ما حضرتك بتقول سبب رداءة المنتج الصيني المستورد المصري ...... انا موافقك تماما

فكرك المستورد المصري اللي اما بيستورد سيارة عالمية بيقلعها و ينفضها من كل الكماليات و عوامل الامان

اما هيستورد من الصين هيعمل ايه؟؟؟؟؟؟؟؟

[mohamedmd14]

السلام غليكم

سيدي الفاضل مع احترامي لكل ملاك السيارات الصينية و حرية رأيهم طبعا :)

حتى الاسبيرانزا انا مش باحبها ...... و بصراحة مش مصدق مين يدفع 120 الف في ال a620

و شوف في قسم الصيني الناس بتتكلم عليها ازاي و ملاكها نفسهم بيقولوا عليها ايه

و بالنسبة لنقطة الموبايل و اللابتوب و اللاسلكي ....... اكيد ....... اللابتوب اللي باكتب منه ردي دلوقتي ده صيني .... بس hp

يعني ماركة عالمية و ليها عوامل الجودة بتاعتها و لو اتصنعت قي الصين مش هتفرق عن امريكا

زي كده تويوتا ما بتجمع في الصين ما عنديش مشكلة اركب تويوتا صيني

بس عمري ما هاشتري لابتوب او لاسلكي او موبايل او عربية صيني من ماركة صيني مجهولة الهوية ......

فيه طبعا استثناءات صينية ناجحة زي huawei و zte في مجال الاتصالات ......

و زي ما حضرتك بتقول سبب رداءة المنتج الصيني المستورد المصري ...... انا موافقك تماما

فكرك المستورد المصري اللي اما بيستورد سيارة عالمية بيقلعها و ينفضها من كل الكماليات و عوامل الامان

اما هيستورد من الصين هيعمل ايه؟؟؟؟؟؟؟؟

انت بتقول انك ممكن تركب تويوتا صينى
طيب مهى صينى فين الفرق العلامة !

حضرتك معظم الشركات الصينى دى فى البداية بدات بتصنيع سيارات لماركات كبيرة وده لرخص الايدى العاملة فى الصين
الشركات الصينية دى بدأت تأخذ التكنولوجى الخاص بشركات كبيرة مثا تويوتا و ميتسوبيشى و نيسان
و تتشتغل عليها
عشان كده معظم العربيات الصينى هتلقيها فى شبه كبير من الماركات دى

على فكرة تويوتا بتصنع مواتيرها فى الصين (المواتير اللى بتنزل مصر )

[mohamedmd14]

السلام عليكم

ياجماعة انا معجب جدا بال byd اللي شبه الكورولا 2005 من جوة الصالون

لكن لقيت اعضاء كتير هنا بيقولو ان توكيلها وحش وهو نفسه توكيل لادا

هل اجيبها ولا حيقرفوني في التوكيل والصيانة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

انا عايز اقولك ان العربية دى محترمة جدا و انا من الناس اللى مقتنعة ان الصينى بقى حاجة تانية
و ياريت محدش يجى يقولى شوف شيرى اول ما نزلت و له جيلى اول ما نزلت
طيب ما تشوف الشيرى دلوقتى عاملة ايه
وله جيلى دلوقتى دخلت اوروبا عن طرق السيارة Mk
و BYD موجودة فى امريكا و اوروبا

على فكرة انا محدد تفكيرى فى عربيين هم اللى ان شاء الله هشتريهم
Geely Mk
BYD F3

و عايز اقولك مدام انت مقتنع توكل على الله واشترى
لو قلقان من التوكيل فكر فى geely MK عربية حكاية
ده رقم توكيلها لو عايز تروح تتفرج عليها 19042

[mimo4019]

فيه عربية شبة المرسيدي byd
محدش يعرف اسمها ولا نوعها إيه بالظبط او اى معلومات عنها شكلها بهرنى بصراحة اول مشوفتها

العربية اسمها byd s8 واسمها القديم byd f8.
الصور في المرفقات.
مواصفات السيارة:
BYD AUTO

[medo_2060]

السلام غليكم

سيدي الفاضل مع احترامي لكل ملاك السيارات الصينية و حرية رأيهم طبعا :)

حتى الاسبيرانزا انا مش باحبها ...... و بصراحة مش مصدق مين يدفع 120 الف في ال A620

و شوف في قسم الصيني الناس بتتكلم عليها ازاي و ملاكها نفسهم بيقولوا عليها ايه

و بالنسبة لنقطة الموبايل و اللابتوب و اللاسلكي ....... اكيد ....... اللابتوب اللي باكتب منه ردي دلوقتي ده صيني .... بس HP

يعني ماركة عالمية و ليها عوامل الجودة بتاعتها و لو اتصنعت قي الصين مش هتفرق عن امريكا

زي كده تويوتا ما بتجمع في الصين ما عنديش مشكلة اركب تويوتا صيني

بس عمري ما هاشتري لابتوب او لاسلكي او موبايل او عربية صيني من ماركة صيني مجهولة الهوية ......

فيه طبعا استثناءات صينية ناجحة زي Huawei و ZTE في مجال الاتصالات ......

و زي ما حضرتك بتقول سبب رداءة المنتج الصيني المستورد المصري ...... انا موافقك تماما

فكرك المستورد المصري اللي اما بيستورد سيارة عالمية بيقلعها و ينفضها من كل الكماليات و عوامل الامان

اما هيستورد من الصين هيعمل ايه؟؟؟؟؟؟؟؟

اولا شكرا لمشاركتك يا استاذ احمد
ثانيا
موضوع الاسبرانزا a620 دا تقريبا مفروغ منه وعشان كدا مش منتشره اوى لان سعر 120 الف ممكن يجيبلك عربيات كتير زى ميجان ومازدا 3 وكورولا ولانسر وعربيات كويسه لكن رنج السبعينات والخمسينات بتاع m11 و a516و a113 ايه الكويس فى الفئه دى مع العلم انا ركبت كل عربيات الفئه دى كلها عيوب ولا امان ولا حاجه
وبعدين حضرتك ليه بتختص قسم الصينى بالكلام
فسم التويوتا اتهرى انتقاد للكورولا الجديده عشان الفتيس والمشاكل دى ولا عشان تويوتا هنسكت!
قسم الجيب الناس بتشتم وتلعن فى الشيروكى الى ب 320 الف فى القبات والموتور واستهلاك البنزين(الكلام دا على لسان ملاكها)\
قسم شيفروليه بيشتكى من الاوبترا واستهلاكها من البنزين وطبعا مش هتكلم عن الافيو!
من الاخر كل اقسام المنتدى فى نقاشات حول الاداء ومفيش عربيه كامله بس دايما الناس تهاجم الصينى وخلاص وفاكرين ان تويوتا مثلا هتنزل عربيه كامله والكمال لله وحده وحضرتك شوفت الفتيس الى كان فيه مشاكل لما الناس مشت ورا سمعه تويوتا بدون اتنظار السياره تثبت نفسها وناس كتير اوى ندمت وانا منساش عضو هنا قال بنفس الطريقه طلعت مقلب وشربته خلى بقى الكلام دا يتقال على التيجو مثلا هتلاقى اراء زى بتاع حضرتك كدا الصينى مينفعش ببصله والصينى كله زباله والكلام دا طب ليه منبصش للموضوع من كل الاتجاهات بغض النظر احنا راكبين ايه!

[أحمد كمال]

انت بتقول انك ممكن تركب تويوتا صينى
طيب مهى صينى فين الفرق العلامة !

حضرتك معظم الشركات الصينى دى فى البداية بدات بتصنيع سيارات لماركات كبيرة وده لرخص الايدى العاملة فى الصين
الشركات الصينية دى بدأت تأخذ التكنولوجى الخاص بشركات كبيرة مثا تويوتا و ميتسوبيشى و نيسان
و تتشتغل عليها
عشان كده معظم العربيات الصينى هتلقيها فى شبه كبير من الماركات دى

على فكرة تويوتا بتصنع مواتيرها فى الصين (المواتير اللى بتنزل مصر )

لا طبعا مش الفرق العلامة

الفرق مراقبة و توكيد الجودة و تويوتا مش هتحط علامتها على عربية اي كلام

انما الشركات الصيني اخر حاجة تفرق معاهم الجودة

و التقليد حاجة و الجودة حاجة تانية

يعني انا حاليا شايل iPhone صنع الصين (كلهم كده)

بس عمري ما اشيل تليفون صيني ماركة صيني نهاااااااااااااااائي الا لو مستغني عن مخي !

[medo_2060]

وبخصوص انك ممكن تشترى عربيه صينى عشان بادج شركه عالميه فدى اكبر طريقه بيتنصب بيها على العملاء يعنى تدفع فرق 50 الف جنبه ولا اكتر عشان من وجهه نظرى دا تضييع فلوس ودا مش مقياس برضه وفى واحد هنا فى قسم سوبارو كان معاه امبريزا والتوكيل لازق لزقه على الفانوس الى قدام فيلبس المانيا وبيقول بالصدفه بيحك اللزقه لقاها صنع صينى وقيس على كدا كتير اوى وموضوع الاسبرانزا الى الناس فى بلد زى مصر مش لاقيه تاكل وطول عمرهم بيركبوا فيات معلش يعنى بيتنططوا على العربيه فى حين ان التيجو بقت بتتسوق فى المانيا!! ايوه المانيا وفى عضو هنا فى المنتدى قال انه شافها والجالينا فى هامبورج دا غير واحد اعرفه بيشتغل هناك قالى انه شاف التيجو يعنى الشعب الى بيركب بى ام ومرسيدس وبورشه واودى سمحوا ليها بالتسويق نيجى احنا الى ملناش اى وزن فى سوق العربيات نتكبر على العربيه لاتعليق

[أحمد كمال]

وبخصوص انك ممكن تشترى عربيه صينى عشان بادج شركه عالميه فدى اكبر طريقه بيتنصب بيها على العملاء يعنى تدفع فرق 50 الف جنبه ولا اكتر عشان من وجهه نظرى دا تضييع فلوس ودا مش مقياس برضه وفى واحد هنا فى قسم سوبارو كان معاه امبريزا والتوكيل لازق لزقه على الفانوس الى قدام فيلبس المانيا وبيقول بالصدفه بيحك اللزقه لقاها صنع صينى وقيس على كدا كتير اوى وموضوع الاسبرانزا الى الناس فى بلد زى مصر مش لاقيه تاكل وطول عمرهم بيركبوا فيات معلش يعنى بيتنططوا على العربيه فى حين ان التيجو بقت بتتسوق فى المانيا!! ايوه المانيا وفى عضو هنا فى المنتدى قال انه شافها والجالينا فى هامبورج دا غير واحد اعرفه بيشتغل هناك قالى انه شاف التيجو يعنى الشعب الى بيركب بى ام ومرسيدس وبورشه واودى سمحوا ليها بالتسويق نيجى احنا الى ملناش اى وزن فى سوق العربيات نتكبر على العربيه لاتعليق

نصب ايه بس؟

اما ادفع فلوس زيادة في جودة عالية و توكيل كويس ابقى منصوب عليا

و موضوع الفانوس الفيليبس ده حالة فردية بس مش دايما

و موضوع اسبيرانزا مع احترامي التام قطع صيني و متقفلة في مصر يعني جمعت أسوأ الاتنين

اما تبقى قطع ياباني او اوروبي و متقفلة في الصين ماشي

انما قطع صيني و تكنولوجيا صيني و متقفلة في الصين لأ

و لو بقى متقفلة في مصر يبقى ألف

و ايه اللي جاب سيرة الناس اللي راكبة فيات و مش لاقية تاكل؟ كل واحد حر في رأيه حتى لو مش لاقي ياكل

انا مش لاقي اركب BMW و اما ركبت بتاعة مدير مديري ال 320i موديل 2009 ما عجبتنيش عفشتها

حد يقدر يقول اللي راكب رينو و مش لاقي ياكل بيتنطط عالبي إم؟؟؟؟؟؟؟؟؟

[medo_2060]

نصب ايه بس؟

اما ادفع فلوس زيادة في جودة عالية و توكيل كويس ابقى منصوب عليا

و موضوع الفانوس الفيليبس ده حالة فردية بس مش دايما

و موضوع اسبيرانزا مع احترامي التام قطع صيني و متقفلة في مصر يعني جمعت أسوأ الاتنين

اما تبقى قطع ياباني او اوروبي و متقفلة في الصين ماشي

انما قطع صيني و تكنولوجيا صيني و متقفلة في الصين لأ

و لو بقى متقفلة في مصر يبقى ألف

و ايه اللي جاب سيرة الناس اللي راكبة فيات و مش لاقية تاكل؟ كل واحد حر في رأيه حتى لو مش لاقي ياكل

انا مش لاقي اركب BMW و اما ركبت بتاعة مدير مديري ال 320i موديل 2009 ما عجبتنيش عفشتها

حد يقدر يقول اللي راكب رينو و مش لاقي ياكل بيتنطط عالبي إم؟؟؟؟؟؟؟؟؟

انا مقولتش الناس الى راكبه فيات مش لاقيه تاكل لان عندنا فيات اصلا ولا قولت على الناس الى راكبه رينو كمان انا قصدى اننا مش سوق اصلا عشان ننتقد فى العربيات فى حين ان سوق عالمى زى المانيا موجود فيه اسبرانزا
وحضرتك موضوع السوبارو دى مش حاله فرديه برضه كان فى موضوع عن الامبريزا نفس الكلام وكان موضوع كبير اوى والفتيس ال mmt دا كان حاله فرديه برضه
وواحد صاحبى اشترى صنى زيرو كان بيرفع العربيه عشان يغسلها لقى شرخ كبير اوى وراح التوكيل وعملوا مشاكل مع بعض و موضوع ان صينى ومتقفله فى مصر الحكم حضرتك بالسوق يعنى العربيات ثبتت نفسها وانتشرت ومش عشان سعرها معقول لا الشيرى qq كانت ارخص ومحدش اشتراها عكس الاسبرانزا الناس مش كل يوم بتشترى عربيه ولا لاقيه فلوسها عشان ينضحك عليهم بالمعنى دا
وبكرر تانى انا ما بسخرش من الفيات ولا غيرها كل واحد يركب الى عايزه سواء 128 ولا فيرارى ومحدش له حاجه عند حد بس لما نتكلم يبقى نتكلم بموضوعيه اكثر

[ahmedelnahas]

السلام عليكم

عن تجربة شخصية لاول مالك ل byd f3 في مصر العربية معايا من 2007 لحد دلوقتي وزي ما المثل بيقول اسال مجرب ومتسالش طبيب

انا روحت التوكيل بالعدد حوالي 5 او 6 مرات فقط ودول عبارة عن صيانة الالف والخمسة والعشرة لحد ال 25 الف وبعد كدة بقيت اغير زيت وفلتر برة عادي عربيتي دلوقتي عاملة حوالي 40 الف كيلو ومطمن من العربية مليون المية واثناء زياراتي للتوكيل فعلا كان مقرف في الوقت والناس لكن محترمين في الصنعة ويادوب فحص بس للعربية كلها وزي الفل

مستوي خامات العربية والتقفيل والمواصفات فعلا فعلا تساوي التويوتا ومش بقول كدة علشان معايا بس اي حد عندة العربية دي استحالة يفكر في البيع الا لظروف

وللمعلومة يا جماعة الهيونداي الالنترا الجديدة صيني كلها وبردو كل مواتير اللانسر في مصر صيني بردو لان لانسر فتحت مصنع في الصين وعندي موتور عربيتي لانسر ومكتوب علية اسم متسوبيشي

والتويوتا كرولا بردو فيها كتير حاجات من الصين

انا عرفت معلومة ان شركة بي واي دي اشترت خط انتاج التويوتا 2005 وصنعت علية العربية دي بالكامل مع اختلاف الفوانيس امامي وخلفي

محدش شاف صالون عربيتي وقدر يفرقة عن الكورولا نهائي
انا متوقع الفترة اللي جاية العربية دي هتتباع مستعمل بسعر قريب من الجديد بالذات بعد متتقفل في مصر لان طبعا هيكون في فرق كبير بين المصري والصيني

وانا مستني ابيع واجيب اختها الاوتوماتك بس تكون صيني مية في المية مش مصري خالص ههههههههههه
والقرار الاخير بردو ليك