ماهو تقييم اخواننا الافاضل للسيارة فلاير 2006

[mido_mizzo]

السلام عليكم ورحمة الله وبركاته
ايه راى الخبراء فى السيارة الصينى فلاير موديل 2006 هل هى عملية وقويه ام لا
حيث ان سعرها مناسب جدا 35 الف واماكنياتها مناسبه لسعرها
وشكرا

[Abonora]

اولا اهلا بيك في المنتدي ويا رب نقدر نفيدك

بالنسبة للفلاير فانا بشوفها في توكيل الامل بس بصراحة ( وده راي شخصي بحت ) انا بخاف موووت من العربيات الصيني خاصة الصغيرة وده لقله خبرة الصانع الصيني ( مثلا شركة BYD ) بدأت في 95 يعني لسة بنت امبارح وقبليها كانت بتصنع بطاريات !!
بدأت بس تصنع عربيات في 2003
لاكن للحق هما نفس الشركة ديه عندهم عربية اسمها F3 انا شايف انها احسن من الاسبيرانزا علي الاقل في التقفيل
عشان كده مقدرش اقول انها شركة وحشة بس معندهاش خبرة

ثانيا التوكيل " الامل " من اسواء التوكيلات في مصر

ثالثا قطع الغيار هي روح العربية وانت روحك هتبقي متعلقة بالوكيل ويا سلام لو قرر يخلع يبقي ربنا يكون في عونك

رابعا ً العربية مش منتشرة وده لان التوكيل " الامل " برضوا معلوماتة عن التسويق والدعاية صفر وبالتالي العربية ملهاش سوق وده هيتعبك لما تيجي تبيعها


اخيرا بناء علي ما تقدم الماروتي برقابتها


وائل مجدي

[mido_mizzo]

الف شكر يااستاذ وائل على المعلومات القيمة دى وانا فعلا لسه امبارح كنت اول مرة اسمع عنها وهى فعلا مش منتشرة ولو فرضنا انها فعلا عربية كويسة لكن التوكيل مش كويس فده اكبر عيب
وشكرا على مجهودك

[mido_mizzo]

اقتباس
"وشكر على ترحيب حضرتك ليا وعلى فكرة انا مش جديد على المنتدى انا من اوائل الناس اللى سجلت فية بس انا مشاركاتى قليله نظرا لدخولى القليل عالنت وكمان نظرا لقلة خبرتى بالسيارات فبفضل اقرأ مناقشات واراء الاخوة الخبراء بالمنتدى مثل حضرتك لانى ليس لدى خبرة انقلها للناس"

ميدوا باشا مين قال ان اللي معندوش خبره بعالم السيارات يبقي معندوش خبرة ينقلها للناس مجرد وجودك معانا ومشاركتك لينا في الاستفتاءات والمواضيع العامة وفي الاجتماعيات ده اكبر مشاركة
واديك اهو فتحت موضوع الفلاير واكيد ناس كتير هتستفاد منه
متبقاش بخيل وخلينا نشوف مشاركاتك

[جندى مجند]

أنا رأيى من رأى أستاذ وائل ... خليك فى ماروتى أو سوزوكى ألتو أفضل بكتير جداً و بالذات الماروتى ... عربية منتشرة و تكنولوجيا يابانى صحيح قديمة شوية لكن يعتمد عليها و قطع غيارها متوفرة و سهلة الصيانة و متجربة فترة كبيرة فى السوق

[mido_mizzo]

شكرا يابشمهندس احمد جنيدى وفعلا الماروتى افضل

[Abonora]

اقتباس
"وشكر على ترحيب حضرتك ليا وعلى فكرة انا مش جديد على المنتدى انا من اوائل الناس اللى سجلت فية بس انا مشاركاتى قليله نظرا لدخولى القليل عالنت وكمان نظرا لقلة خبرتى بالسيارات فبفضل اقرأ مناقشات واراء الاخوة الخبراء بالمنتدى مثل حضرتك لانى ليس لدى خبرة انقلها للناس"

ميدوا باشا مين قال ان اللي معندوش خبره بعالم السيارات يبقي معندوش خبرة ينقلها للناس مجرد وجودك معانا ومشاركتك لينا في الاستفتاءات والمواضيع العامة وفي الاجتماعيات ده اكبر مشاركة
واديك اهو فتحت موضوع الفلاير واكيد ناس كتير هتستفاد منه
متبقاش بخيل وخلينا نشوف مشاركاتك

[mido_mizzo]

متشكر جدا يااخى ابو نورا بس انا والله مش بخيل زى ماحضرتك متخيل ولكن انا بعتقد ان اسئلتى واستفساراتى ممكن تكون مصدر ازعاج ومضايقة وبالعربى كدة وجع دماغ لخبراء المنتدى لانى اعرف ان وقتهم ثمين ومش ملكهم وعشان كدة مش عايز اكون انانى لافسح المجال لباقى الاعضاء لعرض استفساراتهم واسئلتهم لتعم الفائده على الجميع ولكن ده كان قبل رسالتك الرقيقة لى
وعشان كده انا هزهقكم اسئله واستفسارات
وانا مبسوط جدا انى بمشاركتى فى موضوع السيارة الفلاير هفيد ناس كتير زى ماحضرتك قلت
وللمرة الثانية متشكر جدا

[TaoTao]

اولا اهلا بيك في المنتدي ويا رب نقدر نفيدك

بالنسبة للفلاير فانا بشوفها في توكيل الامل بس بصراحة ( وده راي شخصي بحت ) انا بخاف موووت من العربيات الصيني خاصة الصغيرة وده لقله خبرة الصانع الصيني ( مثلا شركة Byd ) بدأت في 95 يعني لسة بنت امبارح وقبليها كانت بتصنع بطاريات !!
بدأت بس تصنع عربيات في 2003
لاكن للحق هما نفس الشركة ديه عندهم عربية اسمها F3 انا شايف انها احسن من الاسبيرانزا علي الاقل في التقفيل
عشان كده مقدرش اقول انها شركة وحشة بس معندهاش خبرة

ثانيا التوكيل " الامل " من اسواء التوكيلات في مصر

ثالثا قطع الغيار هي روح العربية وانت روحك هتبقي متعلقة بالوكيل ويا سلام لو قرر يخلع يبقي ربنا يكون في عونك

رابعا ً العربية مش منتشرة وده لان التوكيل " الامل " برضوا معلوماتة عن التسويق والدعاية صفر وبالتالي العربية ملهاش سوق وده هيتعبك لما تيجي تبيعها


اخيرا بناء علي ما تقدم الماروتي برقابتها


وائل مجدي

هو توكيل الأمل ده بتاع اللادا المصري؟!
أصلي بافكر أجيب لادا بس لو الوكيل تعبان زي ما بتقول يبقى يفتح الله نشوف عربية غيرها.

[fahd_628]

ابعد عنها تماما

[mohamed ibiza]

be away from flyer it is too bad bad bad specially on high ways and chinese motor (msh bta3 sh3'l w 7rt ).............




















IBIIIIIIIIIIIIIIIIIIIIIIIIIIIIIIIIIIIIIIIIZZZZZZZZ ZZZZZZZZZZZZZZZZAAAAAAAAAAAAAAAAAAAAAAAAA FOR EVER

[CryptonX]

اتا ارشح الماروتي .. يا اما اذا عرفت تزودها حبتين .. في التو زين ( التو الشكل الفديم )
و اعقتد دي في 45 الف .

[Powert]

صباح الخييييييييير ياجماعة

الموضوع ده موجود من شهر 5 اللي فات يعني بقالوا سنه إيلا حبه

زمان صاحبه اشترها او اشترى حاجة تانية

[egypt123456]

الاخوه الاعزاء
انا عندي فلاير والله العظيم العربية كمتور وسحب حلوه جدا المشكلة في الوكيل وحش جدا لابعد الحدود خامات السيارة الداخلية مش قد كده بس علي الاقل انا شايف ان سعرها لما تقارهنا بال 128 مثلا او الماروتي هتكتشف انها افضل انا معي العربية من اول ما نزلت مصر تقريبا من شهرا 10 سنة 2005 حتي الان. بس اسعار التوكيل غالية جدا وبيفرض عليك قيمة التركيب حتي لو مش هتركب عندهم علشان كده بعمل كل حاجة بره. ولو مش ينفع بروح التوكيل وامري علي الله وشكرا