ضاع الامل في شركة الامل

[tamagogo]

كان نفسي العربيه ال بي واي دي تنجح اكتر من كده لاني شايفها فغلا عربيه كويسه وجودتها عاليه وكنت بخطط اشتريها لكن للاسف مع توكيل سيء جدا وقسم مبيعات يطفش الناس مش يحببهم في العربيه لغيت الفكره.
نفسي اطلع غلطان في كلامي ده ولو حد عنده اي قصه سواء كويسه او وحشه ياريت يشاركها معانا.

[ahmedbakr50]

أنا ركبت العربية فى معرض فورميولا
العربية حلو وتقفيلها معقول بس إتصدمت لما عرفت إن سعرها زاد 2000 و4000 جنيه للموديلين

[aelhossan]

كان نفسي العربيه ال بي واي دي تنجح اكتر من كده لاني شايفها فغلا عربيه كويسه وجودتها عاليه وكنت بخطط اشتريها لكن للاسف مع توكيل سيء جدا وقسم مبيعات يطفش الناس مش يحببهم في العربيه لغيت الفكره.
نفسي اطلع غلطان في كلامي ده ولو حد عنده اي قصه سواء كويسه او وحشه ياريت يشاركها معانا.

طيب ممكن تحكي اكتر
هوه ايه اللي صدمك بالظبط
يعني فيه تجربه معاهم ولا ايه؟

[tamagogo]

طيب ممكن تحكي اكتر
هوه ايه اللي صدمك بالظبط
يعني فيه تجربه معاهم ولا ايه؟

انا مش مصدوم بس زعلان على العربيه.

1- اول مانزلت رحت شفتها في معرض باب اللوق. عايز اقولك انه تقريبا في مستوى جراش تحت عماره, حتى العربيات اللى عندهم (غير البي واي دي) متربه بقالها اسبوع ماتمسحش.

2- رجل المبيعات اسلوبه بالضبط كانه الى بيعدي عليك في القهوه يبيع ساعات وشرابات وسألته عن بعض الحاجات فتي بردود غلط.

3- المنطقي والطبيعي واللى بتعمله كل التوكيلات ان لما العربيه تثبت نفسها يعلوا السعر مش يغلوه وهي مابقلهاش شهر وماباعوش 100 عربيه على بعض, طيب على اي اساس ده ابو الفتوح فضل منزل سعر ال516 60 الف كتير جدا لغاية الناس ما ابتدت تثق فيها.زائد ان اليومين دول فيه توكيلات كتير عامله عروض زي (شيفروليه, هيونداي) عشان ماحدش بيشتري يقوموا دول مغليين السعر؟

ده اللى حصل معايا شخصيا. اما اللى قريته هنا من بعض الاخوه وخلاني اعمل انطباع اكثر قوه ان التوكيل فعلا سيء

بجد شركة الأمل بتعمل مواقف بايخة مع الناس سواء اسعار او تعامل
دا السبب اللي خلاني اتراجع عنها بعد ما كنت حاجزها و لطعوني شهر و اسبوع و كل شوية بحجة "انا كنت حاجز ال gli"

انا خلاص سحبت فلوس الحجز كرهوني في العربية
انا المفروض حاجز يوم 17 - 12 ال gli جيت اول واحد لقيتهم عايزين يسلموني عربية لونها بني"نحاسي ولا مش عارفله اسم" رغم انا متفق معاهم علي نبيتي و عايز يقنعني ان دي النبيتي يتاعتهم و المشكلة كان فيها عيوب واضحة كأنه عايز يلبسهالي زي تطبيقه في الدركسيون و الدهان في الشنطة مقشر و حاجات زي كده رغم العربية الفضي في المعرض ما كانش فيها العيوب دي
طبعا رفضت استلم و قولتلهم يا اما نبيتي"منا شوفت اللون قبل كده عليها و عارفه" او فيراني
المهم بعد كده لغاية 20 - 1 ما سلمونيش العربية المتفق عليها و كل يومين اكلمهم يقولولي اخر الأسبوع اصل المصنع مأجل الموديل اصل المصنع ما ردش عليا لغاية ما زهقوني

اقتباسالمشاركة الأصلية كتبت بواسطة assomرحت احجز يوم 25 صباحا من معرض الأمل في شارع نزيه خليفه فقالولي ان الأسعار اتغيرت 63.000 لل gl و 67.000 لل gl-i والصراحة المعاملة زبالة والناس اللي في المعرض مالهاش علاقة بفن البيع اطلاقا فصرفت نظر تماما عن السيارة. لما المعامله كده قبل ما اشتري امال بعد ما اشتري حتبقي ازاي.
واللهى انا اتصلت بيهم بس بالتليفون الراجل الرد علية قليل الذوق و قلت والهى مانا رايح بسالو عن العربية يقولى مانت قريت الاعلان فى الجرنال هقلك ايه؟؟ قولتلو عاوز اعرف على الاقل الفرق بينهم و بعدين انت بتكلمنى وانت قرفان كده ليه؟؟؟ قلى معرفش انا الحج ميين ...فعلا مبيفهموش فى حاجة

انا كلمتهم النهاردة مش ممكن قلة الزوق ديه قلي في gl وقال كلام وهو بيجري كده اللي اسمعته منه ان الموتور ميتسوبيشي فقلتله طب الأسعار قلي gl ب 62 وgli ب 67 فقلتله هي غليت كده ليه قلي غليت وخلاص اصل الضغط عليها عالي قلتله شكرا راح قفل السكة في وشي من غير ميقول حاجة مش ممكن كده والله

وغيرها مشاركات كتير على نفس المنوال. لو تلاحظ انا كل اعتراضي على الاسلوب وطريقة التسويق مش على العربيه لاني سقتها مع واحد صاحبي وكانت جيده ماعدا الفرامل كانت حجرت عند 8000 كيلو.
- كل اللى انا خايف منه ان العربيه ديه هتلقى مصير اللادا لو فضلت تدار بالاسلوب ده.

السؤال هو هل الواحد يشطب على العربيه ديه ويركز في حاجات تانيه توكيلاتها محترمه زي الاسبيرانزا وال b15 ولا حد عنده تجربه جيده معاهم؟

[kempel]

ياجماعة فضوا دماغكم من العربية ديه علشان توكيلها وعلشان قطع الغيار اللى راكبة فيها مش معمرة يعنى انا بيصادفنى ناس بيغيروا فيها حاجات فى العفشة قبل مايعدوا 20000 كم وكمان لقيت واحد معاه واحدة مو 2007 بيعملها عمرة موتور بسأله ليه لاقيته بيقولى انه كان مشغلها غاز وعلشان كده الموتور ماستحملشى وماكانتش جابت ال 50000 كم مش عارف بقه ينفع الكلام ده فى عربية لسه ماعدتش 50000 كم حتى ولو كان صاحبها مشغلها غاز

[tamagogo]

ياجماعة فضوا دماغكم من العربية ديه علشان توكيلها وعلشان قطع الغيار اللى راكبة فيها مش معمرة يعنى انا بيصادفنى ناس بيغيروا فيها حاجات فى العفشة قبل مايعدوا 20000 كم وكمان لقيت واحد معاه واحدة مو 2007 بيعملها عمرة موتور بسأله ليه لاقيته بيقولى انه كان مشغلها غاز وعلشان كده الموتور ماستحملشى وماكانتش جابت ال 50000 كم مش عارف بقه ينفع الكلام ده فى عربية لسه ماعدتش 50000 كم حتى ولو كان صاحبها مشغلها غاز

معنى كده ان المواتير مش متسوبيشي والناس ديه بتشتغلنا ولا ايه؟
انا شفت ناس في سوق العربيات بتحاول تبيعها صعبوا عليا قوي. حاططها وقاعد جنبها ولا حد بيعبره والراجل حاطط ايده على خده زي اللي مات له عيل.

[tarekmomo]

هو العيب على الركات الى بتاخد التوكيل المفروض يبقى فى لاقابة على العربيات زتبقى طبقا للمواصفات الاوروبية

[mohamedhamam]

اهتمام التوكيل بخدمة ما بعد البيع هام جداً فى نجاح أى سيارة جديدة

[rooo7i_18]

يا جماعه بئا انا عايزه اقولكوا على حاجه بجد توكيل شركه الامل ده والمعرض اللى هناك منتهي قله الذوق وواحد روحت لقيته نايم على المكتب ومردش عاليا وواحد قاعد يشتم ويكلم باسلوب مش محترم وكنت رايحه اجيب عربيه لما لقيت الاسلوب بالمنظر ده صرفت نظر خالص وواحد مش عارفه اسمو الحج ايه كدا بسالوا عن مواصفات العربيه يرد عليا بتناكه زي مكون بشحت منو وبعت معايا ساعي يفرجني على العربيه العربيه جميله جدا
ربنا يسامحهم بئا

[mmmmgogommmm]

انا اتصلت بشركة الامل فى القاهرة وطلبت منهم الاهتمام باالتوكيل والعربية لان كدة هو بيظلم العربية وبيظلم اللى اشتراها فى سعر اعادة البيع وقلت للمسؤول اللى كلمنى واللى معرفش اسمة انة يجب الاهنمام بتسويق العربية اعلانيا وعرضها فى المولات مع اخصائيين تسويق لعرضها زى ابو الفتوى وغبور وبرليانس وقلتلة العربية مش هتبيع نفسها لازم تزقم وراها بس حسيت ان الراجل سلبى كل الللى قالة انشاء الللة والكلام دة من شهر ولسة معملوش حتى اعلان واللة قلت للراجل اهتموا باالعربية حتى عشان الفلوس اللى بتستثمروها فى خط الانتاج وقلتلة انت معاك احسن عربية فى السوق وممكن تكتسح بس اصرفوا على الدعاية ومحدش اتحرك وربنا يسهلهم طريقهم ويكرمهم ويكرمنا

[Ahmed Galal]

شكرا على التوضيح انا باعدى كتير على المعرض اللى فى مصر الجديدة و قلت منظره مش اد كده و كويس ان حضرتك اكدت المعلومة

[pmosalm]

يا جماعة الناس دى بتهرج مفيش حاجة بتقول ان الشكاوى تبقى من معاملة الشركة اكتر من شكاوى العربية امال العربية فيها اية

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون

18/5/2010
6:24 pm

مشرف 12 أ

[firro_1]

انا ملاحظ ان كل الشكاوى من القاهره فقط على الرغم من ان الموظفين فى الاسكندرية قمة فى الادب والاحترام والتعاون الكامل الكامل وعلى راسهم الاستاذ / محمود عبالله مدير مبيعات فرع الاسكندرية .
انا فعلا كلمت مره م/ حنان مديره المبيعات فرع القاهره وللاسف ماكنتش عندها معلومات كفاية تقنعنى بيها كاعميل و قاليتلى حاسال و حارد عليك وطبعا لسه الرد

انا من رايى ان نعمل شكوى جماعية عن المشاكل الفعلية اللى بتقابل كل واحد ونوصلها لصاحب التوكيل و ولو مالقيناش حل وتطوير مستمر نصعد الشكوى للشركة الام فى الصين و اعتقد ان الاخ العزيز / svo65 بيراسل حد من الشركة الام فى الصين وفعلا راسله قبل كده

على فكرة (على الرغم من كده انا متمسك بالعربية وان شاء الله حاشتريها)

[ozama22]

انا ملاحظ ان كل الشكاوى من القاهره فقط على الرغم من ان الموظفين فى الاسكندرية قمة فى الادب والاحترام والتعاون الكامل الكامل وعلى راسهم الاستاذ / محمود عبالله مدير مبيعات فرع الاسكندرية .
انا فعلا كلمت مره م/ حنان مديره المبيعات فرع القاهره وللاسف ماكنتش عندها معلومات كفاية تقنعنى بيها كاعميل و قاليتلى حاسال و حارد عليك وطبعا لسه الرد

انا من رايى ان نعمل شكوى جماعية عن المشاكل الفعلية اللى بتقابل كل واحد ونوصلها لصاحب التوكيل و ولو مالقيناش حل وتطوير مستمر نصعد الشكوى للشركة الام فى الصين و اعتقد ان الاخ العزيز / svo65 بيراسل حد من الشركة الام فى الصين وفعلا راسله قبل كده

على فكرة (على الرغم من كده انا متمسك بالعربية وان شاء الله حاشتريها)

على فكرة انا ذهبت امس لمركز الخدمة وكنت خايف من اللى سمعتة ولكن كانت المعاملة ممتازة
كان المركز لم يبدأ في العمل ويوجد صفين واحد byd والاخر lada وبدأ العمل وكانت الاولوية لbyd واستلم السيارة مهندس وفني وتم حل المشكلة في مدة بسيطة التى يستغرقها العمل وانصرفت من مركز الخدمة وانا مبسوط ودة كان في مركز القاهرة اللي في العباسية

[mimo4019]

على فكرة انا ذهبت امس لمركز الخدمة وكنت خايف من اللى سمعتة ولكن كانت المعاملة ممتازة
كان المركز لم يبدأ في العمل ويوجد صفين واحد byd والاخر lada وبدأ العمل وكانت الاولوية لbyd واستلم السيارة مهندس وفني وتم حل المشكلة في مدة بسيطة التى يستغرقها العمل وانصرفت من مركز الخدمة وانا مبسوط ودة كان في مركز القاهرة اللي في العباسية

هو ايه المشكلة اللي حصلت مع حضرتك؟؟؟