معاينة byd-f3 موديل g-i بالصور

[sv065]

إليكم بعض صور الجميلة BYD-F3

الموديل الأخير GL-I































































































































































<object width="425" height="344"><param name="movie" value="http://www.youtube.com/v/PNkpWUSy0Kw...</param><param name="allowFullScreen" value="true"></param><param name="allow......access" value="always"></param><embed src="http://www.youtube.com/v/PNkpWUSy0Kw&hl=en_US&fs=1&" type="application/x-shockwave-flash" allow......access="always" allowfullscreen="true" width="425" height="344"></embed></object>

[ahmed1981]

شكراً يا باشا على التقرير

[abdullah_yousof]

ياباشا انت بتصور العربية من المعرض و هي عندك اساسا

وبعدين دي ال gli ولا gi؟

[tamagogo]

شكؤا ياباشا على مجهودك. بس انا عندي تعليق على حاجه تانيه غير العربيه.
شايفين منظر التوكيل من جوه عامل ازاي؟؟؟ لا تعليق!!!
وحرام العربيه ديه تتظلم كده.

[mimo4019]

شكرا على التقرير الرائع وده موديل gl لأن الأكر بلاستيك مش نيكل

[Hacker5]

شكرا يا باشا على الصور
العربية كأنها فى جراج مش معرض

[sv065]

شكراً يا باشا على التقرير

العفو يافندم والحمد لله أنها أعجبت حضرتك

[sv065]

ياباشا انت بتصور العربية من المعرض و هي عندك اساسا

وبعدين دي ال gli ولا gi؟

الحقيقة الألوان دي جديدة علي السيارة وبصراحة اللون الزهري الغامق تحفة عليها فحبيت أنقل لكم الصور دي لأنها لم تكن موجودة في الصيني ومعلش التصوير علي قدي شوية

وأنا كمان صورتها فيديو بس للأسف حاولت أنزله مع الصور الموقع مش قابل خالص.. مش عارف ليه ؟

وعلي فكرة الموديلات دي [caps]g-i[/caps] فقط وفيما يبدوا الفترة القادمة مش حيكون فيه غيرها

[sv065]

شكؤا ياباشا على مجهودك. بس انا عندي تعليق على حاجه تانيه غير العربيه.
شايفين منظر التوكيل من جوه عامل ازاي؟؟؟ لا تعليق!!!
وحرام العربيه ديه تتظلم كده.

العفو حضرتك كان نفسي أجيب صور أفضل لكن ماكنش فيه غير العربيتين دول والغريب إنهم إتباعو بعد ماصورتهم علي طول ومشيوا بعد حوالي نص ساعة


والتوكيل الصراحة فعلا محتاج شوية توضيبات لصالة العرض الي فاضية معظم الوقت أساسا من السيارات وإن كان ده أصلا مركز الصيانة بالإسكندرية والشركة مستغلة الواجهة اللي علي الطريق كمعرض لكن محتاجة جهد اكبر من كده أنا نفسي بادوخ علي بال ما بأوصل للمركز كل مرة أروح أعمل صيانة كأني أول مرة أجي عندهم لأن اليفط الإرشادية صغيرة جدا جدا ومفيش أي أعلانات طريق كبيرة زي اللي بنشوفها للماركات التانية زي إسبرانزا مثلا مش حنقول هيونداي ولا شيفورليه... نعمل إيه بس .....ربنا يصلح الحال

الصراحة العربية دي محتاجة أكتر من كده بكتير جدا

[sv065]

شكرا على التقرير الرائع وده موديل gl لأن الأكر بلاستيك مش نيكل

مظبوط كلام حضرتك فعلا وأنا طلبت أفتح العربيتين مخصوص علشان أحاول أشوف جميع الفروق الشكلية بين الموديلين بالتحديد وكانت حجات بسيطة جدا جدا زي ما حضرتك قلت الأكر وعلامة الـ BYD في الدريكسيون وعصا الفتيس وبدل لمبة الإنذار في التابلوه عالشمال موجود مكان وضع العملة المعدنية إضافي جنب االمكان الأصلي يعني بقي فيها مكانين للكوينز ..طبعا دي ميزة علشان تلاقي فكة كل ما حد يمسح لك العربية في الإشارات
غير كده مفيش أي فروق تانية غير طبعا الإير باج والفرامل والإنذار
وعلي فكرة الأستاذ أحمد مدير الفرع قاللي إن جت لهم شكاوي كتيرة من إن الفرش الجلد بتاع الموديل المصري ناشف وتم تصحيح هذه المشكلة بالمصنع وأصبح طري في الإنتاج الجديد

[sv065]

شكرا يا باشا على الصور
العربية كأنها فى جراج مش معرض

العفو يافندم أنا الحقيقة كنت ناوي أعلق علي منظر المعرض ولكن كنت متأكد إن آرائكم حتكون أفضل مني وتعليقاتكم عليه

[abdullah_yousof]

والله كويس انهم هيحسنوا نوعية الجلد

والأحسن انهم عبروا الناس اللي بتشتكي

[mimo4019]

الحقيقة الألوان دي جديدة علي السيارة وبصراحة اللون الزهري الغامق تحفة عليها فحبيت أنقل لكم الصور دي لأنها لم تكن موجودة في الصيني ومعلش التصوير علي قدي شوية

وأنا كمان صورتها فيديو بس للأسف حاولت أنزله مع الصور الموقع مش قابل خالص.. مش عارف ليه ؟

وعلي فكرة الموديلات دي [caps]g-i[/caps] فقط وفيما يبدوا الفترة القادمة مش حيكون فيه غيرها

ممكن حضرتك ترفع الفيديو على اي موقع زي الرابيدشير او الميديافاير لأن ممكن يكون الموقع اللي حضرتك رفعت عليه الصور له حد معين في المساحة المرفوعة والفيديو كان كبير او ممكن يكون موقع تحميل صور بس ولو السبب الثاني ممكن حضرتك تغير امتداد الفيديو لـ jpg مثلا وترفعه على نفس الموقع اما لو السبب الأول لازم موقع تاني او تضغط الفيديو لمساحة اقل من الحد المسموح.
ومشكور مرة أخرى على التقرير الأكثر من رائع..........

[sindbad2day29]

أنا خلاص يا جماعة هاحجز بس حبيت أتأكد من قطع الغيار و الأعتمادية و الصيانة و استهلاك البنزين.......و متستغربوش و ده لأن الناس لما عرفوا اني خلاص هاحجز ثاروا ضدي و هاجوا و ماجوا و كأني هاعمل حاجة عيب أو حاجة غلط مثلا.......وشكراااااااا

[sv065]

أنا خلاص يا جماعة هاحجز بس حبيت أتأكد من قطع الغيار و الأعتمادية و الصيانة و استهلاك البنزين.......و متستغربوش و ده لأن الناس لما عرفوا اني خلاص هاحجز ثاروا ضدي و هاجوا و ماجوا و كأني هاعمل حاجة عيب أو حاجة غلط مثلا.......وشكراااااااا

رديت علي حضرتك في الموضوع المستقل اللي حضرتك فتحته

وعلي فكرة إنت بتقول الناس ثارو وهاجو وماجو ......
إمال لو عرفت اللي أنا عملته ... نزلت من لانسر2008 جايبها عالزيرو علشان أركب byd 2009 عالزيرو ... تخيل بقي المفروض يقيموا عليا الحد...

بس نصيحتي ليك هات أحسن موديل gl-i أفضل علشان موضوع الفرامل abs+ebd