عفشه f3

[baherk]

ممكن حد يكون مجرب التقفيل لمصري للعربيه f3
اللي ب62.5 الف جنيه
ويقولي عن عفشتها بعد مده
سمعت ان عفشتها بترزع وناشفه قالولي كده علي الصيني
وفيها تعويم
واخبار الفتيس ايه
شكرا ليكم

[sv065]

ممكن حد يكون مجرب التقفيل لمصري للعربيه f3
اللي ب62.5 الف جنيه
ويقولي عن عفشتها بعد مده
سمعت ان عفشتها بترزع وناشفه قالولي كده علي الصيني
وفيها تعويم
واخبار الفتيس ايه
شكرا ليكم

السلام عليكم

الأخ الفاضل الحقيقة لست من ملاك الموديل المصري وعلي فكرة سعرها 61900 جنيه مصري علشان إذا حد أعطاك سعر أعلي فلا تشتري منه إلا بالسعر المعلن

ولكن السيارة مباعة منذ حوالي 4 أشهر حتي الآن ولم ترد أي شكوي بخصوص العفشة سوي ملاحظة انها تكون أحيانا ناشفة قليلا أول 2000 كم وبعد ذلك تكون مثالية الأداء وأنا نفسي كانت عربيتي الصيني هكذا أول ما إشتريتها ثم صارت ناعمة كالحرير علي الرغم من سوء قيادتي والسرعة في المطبات والحفر التي تذخر بها قاهرة المعز

وهذه الحالة طبيعية جدا في السيارة الجديدة وعدم وجودها دليل علي وجود شيء خطأ أو أن السيارة سارت مسافة قبل ذلك لأن كاوتشات العفشة الجديدة تكون بحالتها ولم تأخذ الشكل الفعلي بالإستخدام بالبلدي لسة ما طبعتش وبعد أول 2000 كم بتكون الكاوتشات ريحت وأخذت وضعها وبيتم التربيط عليها في كل صيانة لأنها بتريح أكثر مع المشي وبعد 10000 كم بتكون إستقرت تماما بس علي فكرة الموضوع ده مش بيلاحظه غالبية الناس إلا من عنده حس عالي في هذا الأمر

أما بخصوص التعويم فخطأ تماما هذه المعلومة بكل المقاييس بل إن من مميزات السيارة الثبات الواضح مع السرعات العالية أنا مثلا بامشي كتير علي 160 مع الملفات باهدي شوية ومنتهي الثبات

والفتيس من إنتاج الصين وبتكنولوجيا ميتسوبيشي أي أن المحرك والفتيس نسخة من الذي يركب في الميتسوبيشي لانسر ولكن صنع الصين بتصريح من ميتسوبيشي وسلس جدا في أداءه

وبعض المالكين كنت باشوفهم في الطريق كان دائما إنطباعهم الرضا الكامل عن أداء السيارة والإعتراض أحيانا يكون علي سوء الخدمة بمركز الصيانة فرع القاهرة وإحقاقا للحق وجد بعض السادة الزملاء أثنوا علي مستوي الخدمة بالفرع مؤخرا فوجب ذكر ذلك

أرجو أن أكون قد أفدت وأعتذر للإطالة

[elmanahry]

عفشة ال byd f3 فى البداية ناشفه فعلا لكن بعد 2000 كيلو صارت معتدلة وعلى فكرة لى صديق اشترى الكوروللا وكانت نفس القصة العفشة اشتكى منها فى البداية انها ناشفة وبعد فترة صارت ناعمة واستاذنا sv065 وضح الامور ببراعة ومداخلتى لتاكيد كلامة نتيجة خبرتى مع السيارة byd f3 at

[baherk]

شكرا ليكم ياجماعه . انا عملت النهارده test drive
في المصنع وتاكدت ان العربيه والعفشه طبيعيه وكويسه

[sv065]

شكرا ليكم ياجماعه . انا عملت النهارده test drive
في المصنع وتاكدت ان العربيه والعفشه طبيعيه وكويسه

عفوا يافندم حضرتك من يستحق الشكر حقا

بإضافتك الرائعة هذه تقدر تقول إن حضرتك أثبتت للجميع بما يدع مجال للشك جودة العفشة للجميلة byd

والأهم أنا متأكد من أنه هناك الكثيرين يرغبوا في القيام بنفس التجربة وعمل تست درايف عالطبيعة فياريت توضح أكثر ليهم كيف تمكنت من القيام بالتست درايف وعنوان المصنع تحديدا

والأهم هو باقي ملاحظاتك علي السيارة الموديل المصري من واقع وجودك داخل المصنع وما ملاحظاتك علي وضع الإنتاج هل بدأ إنتاج موديلات أعلي في الكماليات ولا لسة أو أي أخبار جديدة من موقع الحدث