لماذا سعر بيع ال byd المستعمل فى الأرض ؟؟؟؟؟

[med030]

اعزائي اعضاء منتدانا الكرام تحية طيبة وبعد ،،،
فكرت ابيع سيارتى byd f3 gli موديل 2008 وعاملة 25000 كم تصدقوا سمعت رقم كام من 45000 جم الى 50000 جم !!!
يعنى اخسر 20000 جم فى الفترة من 10/2008 الى 5/2010 على الرغم انى مرخص 3 سنوات والعربية بحالتها وكنت شاريها ب 70000
يمكن انا مش متابع حالة السوق المصري لان اول مرة افكر ابيع بس هو الكلام ده منطقى ؟
انا قلت نتكلم فى موضوع اسعار بيع السيارات الصينية المستعملة وهل هذة ضريبة شرائها ام هى عقوبة ام هو جهل لا اعلم ولكن اعتقد لو كنت اشتريت دايو لانوس مكنتش هخسر الرقم ده ولا ايه

[hugan]

مش واقع ولاحاجه لو العربيه ب50000 سعر كويس اسئل علي اي عربيه من اي موديل اواي بلد اوروبي اوتايواني خساره 20000 عادي انت متخيل انك جايبها ب70000 لما تيجي تبيعها تبيعها ب65000

رجاء بلاش نغمه اعاده بيع الصيني في الارض


الكل عارف انه لو بيبيع عربيه من الزيرو بيخسر فيها كام حتي لو اتحركت 10 كيلو واترخصت مهما كان نوعها

[sv065]

السلام عليكم

أولا ربنا يبارك لك في سيارتك وإن كنت حتبيع يجيلك فيها أعلي سعر يرضيك

ثانيا السعر ده مش في الأرض بالشكل اللي حضرتك متصوره لأن حضرتك سوق المستعمل بيحكمه أمور كتيرة جدا كلها مش في صالح البائع للأسف وبدون نقاش هي كده... منها مثلا بمجرد تعليق اللوحات مثلا السعر ينزل كام ألف طبعا كلام مش منطقي المفروض العكس لأن المالك دفع رسوم ترخيص أد كده .. ما علينا وعداد الكيلو متر ليه دور كبير وحالة الموتور والفرش والكاوتش وإذا كان فيها حاجة رشة أم لا ... إلخ

والأهم اللي بيشتري لو إنت قلت له إنك طالب 40ألف حيقولك ماتمشيش 20ألف ؟؟!!! ولو قلت له إنك طالب 20ألف حيقولك الـ 10تلاف جاهزين في جيبي أهم وقوللي مبروك...... بمنتهي الإستفزازا اللي في الدنيا وأنا زيك إتصدمت جدا لما كنت في موقف مشابه....

وعلشان ماتزعلش ياسيدي حأحكي لك قصة شخصية لي في موضوع البيع ده أرجو يخفف عنك الإستغراب اللي حصلك لأنه حصلي وكنت مش مقتنع ومحتاج حد يشرح لي عمليا كده ويفهمني

قبل ما أشتري سيارتي الحالية BYD F3- At كان معايا لانسر من الزيرو موديل أبريل 2008 بضمان الوكيل ومن الأساسيات اللي إشتريتها علشانها عملية إعادة البيع ماتكونش متعبة وكنت شاريها بـ 94000 جم ومرخصها 3 سنوات ومركب كماليات إضافية أكترمن 2000 جنيه

المهم بدأت أعرضها للبيع تقريبا من شهر يناير 2009 لحد ما إتباعت يونيو 2009 تخيل 6 شهور وأنا بأعرض فيها في كل مكان ممكن تتخيله وبكال الطرق التي تتوقعها لدرجة إني كنت عارض علي المعارض أدخلها في إسبرانزا عالزيرو ونحسب الفرق ليّ طلع إنهم اللي عاوزين الفرق ليهم هم !!! (الإسبرانزا كانت ب 67000) ومش حاقولك بقي عالأسعار اللي كنت باسمعها اللي تجيبلك إنهيار عصبي تخيل لما أتبهدل في بيع لانسر كسر زيرو اللي عاملة زي الجنيه الدهب زي ما بيقولوا بالشكل ده وكان مافيهاش غير خربوش واحد صغير مش باين وكل واحد يطلع لك (القطط الفطسا) فيها ...واللي يضحكك بقي واحد يقولك بس لو كانت لون تاني أصل اللون ده وحش ومش بياع مع العلم من أجمل ما فيها كان لونها (فيراني)

عارف أول ما عرضتها كنت بأطلب فيها 87000 جنيه وأنا نافخ ريشي ... وإتفرج بقي كان اللي يقولي 75000 جم حلو أوي عليها وعلشن خاطرك نزود 500 جم يلالا وربنا يعوض علينا ده غير المعارض كانو بيحطوا فيها 70000 جم والله العظيم وماكنتش العربية كملت سنة ....طبعا كنت باتحسر لما أسمع الأرقام دي

وأعلي سعر جالي أول ما عرضت البيع 84000جم وأنا متأكد ان اللي حطه جاهل شوية بالسوق وشكله ماكنش بيشتري أصلا كان بيتفرج بس كنت رافض وقتها ومتمسك بالمبلغ اللي أنا طالبه وندمت إني ما بعتش للراجل ده اللي شكله كان بيتفرج وخلاص .... النصيب طبعا المهم بعد طول عذاب جالي تاجر عمل لي شوية حركات وطلع في الآخر إنه بيتوسط للبيع لزبون عنده طالب منه عربية لانسر كسر زيرو لزوجته وفعلا بعتها للراجل ده وكان محترم جدا وإتفقنا علي البيع بـ 82500 والتاجر أخد 500 منهم عموله والحمد لله تبقي لي 82000 وأنا كنت مش مصدق إني بعتها أخيرا بالمبلغ ده لأن كل ما بتفضل العربية معايا كل ما السعر لازم يقل لأنها بتقدم والكيلومتر بيزيد والفهلوية كتير جدا

بس إتعلمت بعدها إني مادورش علي موضوع إعادة البيع ده في مصر لأنها ما بتفرقش ماركة مشهورة ولا مش مشهورة ....كله بيتخسف بيه الأرض إلا من رحم ربي

فلا تزعل أبد وخليك عارضها لأن الفترة القادمة إن شاء الله حتشهد إرتفاع نسبي في سعرها بسبب موضوع إحلال التاكسي الجديد اللي حيخليها عزيزة شوية في التوكيل والمعارض ومنتشرة أكتر في الشوارع والناس حتبدأ تطلبها أكتر إن شاء الله وإن كنت شخصيا باعتبرها عربية ما تتعوضش خصوصا إذا كنت راكبها من الزيرو

آسف إني طولت عليك


وبالتوفيق إن شاء الله

[hugan]

السلام عليكم

أولا ربنا يبارك لك في سيارتك وإن كنت حتبيع يجيلك فيها أعلي سعر يرضيك

ثانيا السعر ده مش في الأرض بالشكل اللي حضرتك متصوره لأن حضرتك سوق المستعمل بيحكمه أمور كتيرة جدا كلها مش في صالح البائع للأسف وبدون نقاش هي كده... منها مثلا بمجرد تعليق اللوحات مثلا السعر ينزل كام ألف طبعا كلام مش منطقي المفروض العكس لأن المالك دفع رسوم ترخيص أد كده .. ما علينا وعداد الكيلو متر ليه دور كبير وحالة الموتور والفرش والكاوتش وإذا كان فيها حاجة رشة أم لا ... إلخ

والأهم اللي بيشتري لو إنت قلت له إنك طالب 40ألف حيقولك ماتمشيش 20ألف ؟؟!!! ولو قلت له إنك طالب 20ألف حيقولك الـ 10تلاف جاهزين في جيبي أهم وقوللي مبروك...... بمنتهي الإستفزازا اللي في الدنيا وأنا زيك إتصدمت جدا لما كنت في موقف مشابه....

وعلشان ماتزعلش ياسيدي حأحكي لك قصة شخصية لي في موضوع البيع ده أرجو يخفف عنك الإستغراب اللي حصلك لأنه حصلي وكنت مش مقتنع ومحتاج حد يشرح لي عمليا كده ويفهمني

قبل ما أشتري سيارتي الحالية byd f3- at كان معايا لانسر من الزيرو موديل أبريل 2008 بضمان الوكيل ومن الأساسيات اللي إشتريتها علشانها عملية إعادة البيع ماتكونش متعبة وكنت شاريها بـ 94000 جم ومرخصها 3 سنوات ومركب كماليات إضافية أكترمن 2000 جنيه

المهم بدأت أعرضها للبيع تقريبا من شهر يناير 2009 لحد ما إتباعت يونيو 2009 تخيل 6 شهور وأنا بأعرض فيها في كل مكان ممكن تتخيله وبكال الطرق التي تتوقعها لدرجة إني كنت عارض علي المعارض أدخلها في إسبرانزا عالزيرو ونحسب الفرق ليّ طلع إنهم اللي عاوزين الفرق ليهم هم !!! (الإسبرانزا كانت ب 67000) ومش حاقولك بقي عالأسعار اللي كنت باسمعها اللي تجيبلك إنهيار عصبي تخيل لما أتبهدل في بيع لانسر كسر زيرو اللي عاملة زي الجنيه الدهب زي ما بيقولوا بالشكل ده وكان مافيهاش غير خربوش واحد صغير مش باين وكل واحد يطلع لك (القطط الفطسا) فيها ...واللي يضحكك بقي واحد يقولك بس لو كانت لون تاني أصل اللون ده وحش ومش بياع مع العلم من أجمل ما فيها كان لونها (فيراني)

عارف أول ما عرضتها كنت بأطلب فيها 87000 جنيه وأنا نافخ ريشي ... وإتفرج بقي كان اللي يقولي 75000 جم حلو أوي عليها وعلشن خاطرك نزود 500 جم يلالا وربنا يعوض علينا ده غير المعارض كانو بيحطوا فيها 70000 جم والله العظيم وماكنتش العربية كملت سنة ....طبعا كنت باتحسر لما أسمع الأرقام دي

وأعلي سعر جالي أول ما عرضت البيع 84000جم وأنا متأكد ان اللي حطه جاهل شوية بالسوق وشكله ماكنش بيشتري أصلا كان بيتفرج بس كنت رافض وقتها ومتمسك بالمبلغ اللي أنا طالبه وندمت إني ما بعتش للراجل ده اللي شكله كان بيتفرج وخلاص .... النصيب طبعا المهم بعد طول عذاب جالي تاجر عمل لي شوية حركات وطلع في الآخر إنه بيتوسط للبيع لزبون عنده طالب منه عربية لانسر كسر زيرو لزوجته وفعلا بعتها للراجل ده وكان محترم جدا وإتفقنا علي البيع بـ 82500 والتاجر أخد 500 منهم عموله والحمد لله تبقي لي 82000 وأنا كنت مش مصدق إني بعتها أخيرا بالمبلغ ده لأن كل ما بتفضل العربية معايا كل ما السعر لازم يقل لأنها بتقدم والكيلومتر بيزيد والفهلوية كتير جدا

بس إتعلمت بعدها إني مادورش علي موضوع إعادة البيع ده في مصر لأنها ما بتفرقش ماركة مشهورة ولا مش مشهورة ....كله بيتخسف بيه الأرض إلا من رحم ربي

فلا تزعل أبد وخليك عارضها لأن الفترة القادمة إن شاء الله حتشهد إرتفاع نسبي في سعرها بسبب موضوع إحلال التاكسي الجديد اللي حيخليها عزيزة شوية في التوكيل والمعارض ومنتشرة أكتر في الشوارع والناس حتبدأ تطلبها أكتر إن شاء الله وإن كنت شخصيا باعتبرها عربية ما تتعوضش خصوصا إذا كنت راكبها من الزيرو

آسف إني طولت عليك


وبالتوفيق إن شاء الله

+111111111طب وغيرت من لانسر ل بي واي دي مش غريبه شويه

[sv065]

+111111111طب وغيرت من لانسر ل بي واي دي مش غريبه شويه

طبعا السؤال ده كان الكل بيسأله لي بإستغراب أول مايعرف حتي المعارض كانوا بيستعجبوا تبيع لانسر وتركب إسبرانزا (كنت ناوي عليها وقتها) قلت لهم معلش ظروف مالية

زي ما يكون واحد نازل من مرسيدس وحيركب سيات

المهم النصيب مكنتش أعرف حاجة عن BYD وشفتها بالصدفة في معرض بمدينة نصر كنت رايح أتفرج فيه علي بروتون برسونا بعد مالناس كتركت شكواهم من الإسبرانزا وصرفت نظر عنها ولكن للأسف لقيت القعدة في البرسونا ضيقة عليا خصوصا تصميم الدريكسيون منخفض نوعا ما ولأني طويل شوية ومش مريحة بالنسبة لي في الجلوس علي الدريكسيون إنما غير كده السيارة رائعة جدا

المهم نرجع للـ BYD أعجبت بيها جدا وإستغربت إنها فخمة وصيني وكبيرة ومش منتشرة وباين عليها الجودة في التقفيل خصوصا كانت أول عربية صيني أشوفها أوتوماتيك وبعد ما المعرض فتح لي السيارة وشفتها عالطبيعة قررت علي طول أستقر عليها وكانت الصراحة مغامرة بالنسبة لي أني أترك اللانسر وأستبدلها بالـ BYD لكن الحمد لله ربنا أكرمني وطلعت ممتازة جدا جدا أكثر مما كنت أتوقع

وبالنسبة للـ لانسر سأقول الحقيقة وإن كانت حتزعل منا الزملاء في قسم الياباني وممكن تحصل عركة كبيرة بين القسم الياباني والقسم الصيني بسبب الموضوع ده ربنا يستر

الصراحة اللانسر خاصة اللي بضمان الوكيل المصري تفتقر لبعض الأساسيات المطلوبة زي مثلا خلف الإكصدامات مافيش أي صداد أو حماية يعني أي خبطة تأثرعلي جسم الشنطة أو من الأمام علي طول والإكصدامات تثبيتها ضعيف جدا جدا كان أي ترييحة بسيطة تعمل فروق بين الإكصدام وجسم العربية تحس أنه حيفك ويقع وشكلها بيبقي وحش جدا وده حصل مع أخويا إتبهدلت عربيته جدا ولا فيها كاسيت ولا راديو حتي والموديل الـ 1300 أعلي أوبشن مافهوش فرامل ABS ولا EBD ولا إيرباج وطاسات ومرايات كل يوم تتسرق وسعرهم غالي الطاسة الواحد كانت تقريبا ب 65 جنيه وكف المرايا الواحد بـ 90 جنيه وحتي العتب البلاستيك بيتسرق وده الطقم بـ 2000 جنيه ده غير لما كنت تروح التوكيل تعمل الصيانة الدورية تدفع مبلغ محترم وقطع غيارها غالية التيل ب400 جنيه !!!! والتكييف بتاع لموديل الـ 1300 ضعييييييف جدا جدا كنت باعد حوال نص ساعة كاملة لما أفتح التكييف عرقان عالآخر علي بال ما بس ينشف العرق مش حنقول نسقع وكان سعرها غالي جدا فكنت حاسس إنها مش مريحاني مع إني دافع مبلغ كبير فيها وسحبها مكنش اللي هو وكنت باحس إني باجرجر فيها حيث أني سواقتي كلها شد وجري وكان صوت الموتور عالي علي طول

أعتقد بعد الكلام ده محتاجين مفاوضات السلام تستمر شوية بين القسم الصيني والقسم الياباني وأي تهديدات ياباني تيجي نعمل نفسنا مش سامعينها

[sv065]

+111111111طب وغيرت من لانسر ل بي واي دي مش غريبه شويه

معلش نست أقولك حاجة مهمة أني أول ما إتصدمت لما حبيت أبيع اللانسر في البداية من الأسعار اللي سمعتها والبهدلة اللي إتبهدلتها بين التجار والمعارض وحتي الزباين العاديين كأني بادلل علي عربية 128 مغيرة ربع وعاوزين نلزقها لأي زبون أول مرة يركب عربيات

صممت أكتر علي بيعها وتقدر تقول إتسدت نفسي منها تماما

[hugan]

واللهيا اخي كلام جميل ووجهه نظر تحترم
انا معايا شاهين وطبعا الكل يعرف ماهي الشاهين عربيه جامده وتتصين ببلاش لكنها فقيره بمعني الكلمه لاي كلمه رفاهيه
وفكرت في حاجه حديثه جميع الكماليات
طوال شهر كامل اقارن بين النيسان الصني والا نترا مانيوال والشيفروليه اوبتراوبعد مشاهده كل الانواع وتجربتها فعلا اكتشفت ان
الاسبرانزا 516 لا تفرق عنهم في شيء ويمكن الاوبشن الزياده يفوقهم جميعا
+ها اجيبها كاش لان كان في فرق يتراوح من20000 الي25000 فرق سعر بينهم وبين ال516والحمد لله كان اختيار موفق والعربيه اثبتت نجاح
ومفيش حد يهاجم من ملاك الماركات السالفه الذكر

[sv065]

واللهيا اخي كلام جميل ووجهه نظر تحترم
انا معايا شاهين وطبعا الكل يعرف ماهي الشاهين عربيه جامده وتتصين ببلاش لكنها فقيره بمعني الكلمه لاي كلمه رفاهيه
وفكرت في حاجه حديثه جميع الكماليات
طوال شهر كامل اقارن بين النيسان الصني والا نترا مانيوال والشيفروليه اوبتراوبعد مشاهده كل الانواع وتجربتها فعلا اكتشفت ان
الاسبرانزا 516 لا تفرق عنهم في شيء ويمكن الاوبشن الزياده يفوقهم جميعا
+ها اجيبها كاش لان كان في فرق يتراوح من20000 الي25000 فرق سعر بينهم وبين ال516والحمد لله كان اختيار موفق والعربيه اثبتت نجاح
ومفيش حد يهاجم من ملاك الماركات السالفه الذكر

ماشاء الله .. ربنا يكرمك ومن الحجات الجميلة اللي موجودة في الإسبرانزا وتتميز بيها التكييف الأوتوماتيك (تاتش) زي الموديل العالي من الإلنترا و بأمانة العربية مع صديق لي وبيشكر فيها ولكن طبعا بعض الإنتاج طبيعي ممكن يكون فيه مشاكل روتينية فياريت تشيك علي العربية إن شاء الله كويس وعلي مهلك جدا وإنت بتستلمها تلافيا لأي مشاكل مع الوكيل مستقبلا وحاول تشغل كل حاجة وتتأكد إن كله تمام وحاول تفاضل بين العربيات اللي واقفة في المعرض إذا وجت أي حاجة مش عجباك

وربنا يوفقك وبإذن الله تكون سيارة العمر وتستمتع بيها... بس إوعي تنسي تورينا صورك وإنت بتستلمها علشان نبارك لك

[hugan]

يا باشا العربيه معايا من منتصف 2008
40000 الف كيلو استخدام شاق

[sv065]

يا باشا العربيه معايا من منتصف 2008
40000 الف كيلو استخدام شاق

ياااااه معذرة فهمت خطأ كنت فاكر حضرتك لسة حتشتري بدل الشاهين عموما ربنا يبارك لك فيها وبرضه تدينا معلومات عنها

[hugan]

ياااااه معذرة فهمت خطأ كنت فاكر حضرتك لسة حتشتري بدل الشاهين عموما ربنا يبارك لك فيها وبرضه تدينا معلومات عنها

ولا يهمك انا عامل مقارنه صغيره في قسم الا سبرانزا تحت عنوان
خناقه بسبب الاسبرانزا
يا ريت حضرتك تدخل وتقول رائيك يسعدني جدا

[ehabpopo]

الاخ med030
تكملة لحكاية البيع اللى حصلت مع sv065 ... انا لية صديق فى الشغل كان معاه كيا سيراتو موديل 2008 وكان مشتريها ب 85000 جم ... ولظروف مادية انا كنت اعرفها فكر انة يبيعها والكلام دة بعد خمس شهور فقط وكان لازم يبيعها لانة كان محتاج فلوس فعلا ... وكان صديقى ده عربيتة مش متهانة خالص وكان بيحافظ عليها كانها طفل صغير ... المهم اشتراها واحد من اصدقائنا فى الشغل ايضا لما عرف ان صديقنا ده ناوى يبيع سيارتة وهو كان عارف استهلاكة للسيارة ومحافظتة عليها ... فا صر انة يشتريها منة ...
ولما احتكموا للسوق وايضا لبعض التجار فى معارض المستعمل اتفقو على 75000 جم ........ تصدق ؟؟؟؟؟؟؟؟؟
وتمت عملية البيع
المهم ... انا عايز اقولك ما تزعلش لان سوق السيارات فى مصر بتحكمو حاجات غريبة جدا والكلام ده بيصييييير على الكل ..
وصدقنى لو فكرت تبيعها بعد سنتين كمان ها تجيبلك نفس السع ان شاء الله

[ramy01011]

أحسن حاجة تجيب عربية كسر زيرو يكون فعليا العربية خسرت كتير من تمنها و كسر زيرو علشان تكون لسه بحالتها و كده هتجمع بين حلاوة الزيرو و رخص المستعمل و كمان لو حبيت تبعها موش هتخسر كتير

[sv065]

أحسن حاجة تجيب عربية كسر زيرو يكون فعليا العربية خسرت كتير من تمنها و كسر زيرو علشان تكون لسه بحالتها و كده هتجمع بين حلاوة الزيرو و رخص المستعمل و كمان لو حبيت تبعها موش هتخسر كتير

رأي وسط فعلا للجمع بين كل المكاسب وإن كان هناك من لا يقتنع بالسيارة إلا وهو أول إنسان يفتتحها

[mmmmgogommmm]

اى عربية كورى 2008 زى الفرنا والانوس من45000 الى47000 فى احسن الظروف