حاسس ان اضحك عليا

[firro_1]

السلام عليكم

امبارح قابلت الموظف المسئول فى البنك اللى حاقسط معاه ان شاء الله وطبعا بعد شرح طويل ومحاولات لاثبات ان توكيل الامل عنده كود فى البنك ولا لاء , المهم علشان الموظف يتفادى النقطة ده اتصل بمعرض سيارات بيتعامل معاه على طول وطلب منه عرض سعر باسمه على اساس ان المعرض متكود فى البنك, وان عرض سعر لازم يكون اصل مش صورة ممكن الامل يبعتها فاكس مثلا وبعدين واحنا قاعدين مسئول المعرض اتصل بواحد من توكيل الامل علشان يتاكد من السعر اللى حايعمل بى عرض السعر (اللى المفروض 60000 جنيه) وقال فعلا ده السعر التجارى , والمهم المعرض قاللى انه حياخذ 750 جنيه نظير ان يكتب العرض باسمه وانه يبعت واحد من عنده يستلم العربية من القاهره بعد الموافقة ان شاء الله (لكن لو حيستلم من الاسكندرية حادفع 1000 جنيه) . وان ال 750 جنيه داخل فيها مصاريف استلام من التوكيل(انا معرفش فى مصاريف فعلا ولا لاء ) وطبعا الترخيص على حسابى .

مش عارف الكلام ده صح ولا.......
بس انا حاسس ان توكيل الامل لو بعت العرض الاصل بالبريد المسجل مثلا على البنك وانا رحت استلمت العربية مثلا من القاهره مش حادفع الفلوس ده .

ياريت اللى عنده فكره يقولى اعمل ايه لانى حاسس ان اضحك عليا فى ال 750 جنيه .

شكرا
firro

[zizomizo]

وعليكم السلام
والله على حد معلوماتي أن أي معرض بيعمل عرض سعر بيضيف عليه حوالي 2000 جنية
وده في حالة التقسيط وفي أكتر من صديق أتعمل معاه كده يبقى سعر العربية س يعمله عرض سعر
بـ س + 2000 وطبعا بيفهموا أن دي المصاريف وكده أفيدله أنها هتتقسط مش هتدفع مره وحده
أرجوا أن أكون قد أفدتك
ياريت تقولنا برده للمعلومية أيه نظام التقسيط بتاعك ومع أي بنك ودفعت كام مقدم والقسط كام وعلى كام شهر
وشكرا

[firro_1]

zizo شكرا على الرد ولو على كلامك يبقى انا اللى ضحكت على المعرض .

شروط البنوك تقريبا واحده , ان شاء الله بحاول يكون نظام اسلامى وقائم على المرابحة (ومازلت بحاول اجمع كل المعومات عنها )
وبالنسبة للتقسيط ده بيتوقف على وضعك المالى وقدرتك على الدفع الشهرى ومدة الدفع
ودايما حاول تذود المقدم علشان تقلل المده وبالتالى تقلل الفايدة

وبالتوفيق ان شاء الله

[abdullah_yousof]

أعتقد انك بتتكلم عن البنك الوطني وهو له تعامل مع شركة الأمل

بس موضوع الزيادة علشان يعمل لك عرض سعر دي اول مرة اسمع عنها .

لكن أعرف ان لو اشتريت قسط من عبداللطيف جميل بيزود على سعر السيارة الكاش من 1000 الى 2000 جنيه ( دا ملوش دعوه بمرابحة التقسيط)

[ehabpopo]

طيب انا عايز اعرف لو شركة الامل ها تبعتلى عرض اسعار ... ها يزودو فلوس ولا اية ؟؟؟ وكمان انا ها شتريها كاش عن طريق الشركة اللى انا بشتغل فيها ... يعنى انا عايز عرض الاسعار علشان بناء علية ها طلع شيك من الشركة بالسعر اللى فى العرض .... فهمونى اية المشكلة او اية المطلوب بالظبط ؟؟؟؟

[sv065]

السلام عليكم ورحمة الله

الأخ firro_1

أنا لم أسمع عن موضوع الزيادة في عرض السعر ده إحنا عاملين العرض صحيح علي الكاش ولكن شركة الأمل أفادت أيضا بأنهم حيطبقوه علي القسط أما إذا كان البنك هو اللي بيزود علي السعر من عنده كمصاريف بنكية أو ما شابه يبقي الموضوع موضوع البنك

وسأتصل اليوم بمسئولي الشركة وأتأكد من النظام والمعلومات في القسط من عندهم وأخبرك وإذا في مشكلة إبعت لي تليفونك عالخاص

مشكور

[firro_1]

السلام عليكم

اولا اشكرا كل من مر على الموضوع وابدى رايه
واحب ان اوضح الاتى :

1- الزيادة ال (750 جنيه) ليست من البنك ولكن ممكن نعتبرها عمولة المعرض اللى حايقدم عرض السعر باسمه (علشان لازم يكون اصل)

2- انا بتعامل مع البنك فرع الاسماعيليه وللاسف هما مش عارفين اذا كانت شركة الامل متكوده فى البنك ولا لاء وعلشان كده الموظف اللى فى البنك نصحنى انى اقبل ادفع الزياده(750 جنيه ) علشان المعرض متكود فى البنك .

3- الشركة فعلا قالت حاتبعت العرض ب 60000 جنيه بدون زيادة .

[ehabpopo]

السلام عليكم ورحمة الله

الأخ firro_1

أنا لم أسمع عن موضوع الزيادة في عرض السعر ده إحنا عاملين العرض صحيح علي الكاش ولكن شركة الأمل أفادت أيضا بأنهم حيطبقوه علي القسط أما إذا كان البنك هو اللي بيزود علي السعر من عنده كمصاريف بنكية أو ما شابه يبقي الموضوع موضوع البنك

وسأتصل اليوم بمسئولي الشركة وأتأكد من النظام والمعلومات في القسط من عندهم وأخبرك وإذا في مشكلة إبعت لي تليفونك عالخاص

مشكور

انا فى انتظار ردك يا sv065 بالتفصيل الممل ... علشان الصورة توضح ليه ولكل من يهتم بالسيارة او الموضوع عامه ... وللعلم انا مش ها تعامل مع بنك انا فلوسى ها تتطلع من شركتى بشيك ... بس لازم يكون هناك عرض اسعار من شركة الامل ... وان شاء الله خير ... فى انتظار ردك

[sv065]

السلام عليكم

اولا اشكرا كل من مر على الموضوع وابدى رايه
واحب ان اوضح الاتى :

1- الزيادة ال (750 جنيه) ليست من البنك ولكن ممكن نعتبرها عمولة المعرض اللى حايقدم عرض السعر باسمه (علشان لازم يكون اصل)

2- انا بتعامل مع البنك فرع الاسماعيليه وللاسف هما مش عارفين اذا كانت شركة الامل متكوده فى البنك ولا لاء وعلشان كده الموظف اللى فى البنك نصحنى انى اقبل ادفع الزياده(750 جنيه ) علشان المعرض متكود فى البنك .

3- الشركة فعلا قالت حاتبعت العرض ب 60000 جنيه بدون زيادة .

السلام عليكم

أولا أنا طلبتك أكتر من مرة تليفونك مشغول كتير بس حاطلبك تاني

ثانيا المفروض إننا نفترض حسن النية في موظف البنك بخصوص دخول معرض في النص بس ده مش في صالحك نهائي والأهم ليه يدخل معرض أساس إذا كانت الشركة المنتجة للسيارة هي اللي بتتعامل معك مباشرة إلا إذا كان هناك مصالح شخصية في النص والله أعلم ..فكونه بيتحجج بموضوع إنه مش متأكد شركة الأمل متكودة عندهم في البنك أم لا مجرد قوله الكلام ده بيأكد سوء النية معذرة ده كلام لا يليق بموظف في بنك وله مدلولات سيئة للغاية مش عاوز أتكلم فيها لأن الكل فهمها خلاص ...ومن الأفضل رفع الأمر لمديره المسئول أو لمدير الفرع شخصيا وشوف رده حيكون إيه وعرفنا بالنتيجة ...ده غير إن دي مش قضية إطلاقا إيه المشكلة لو مش متكودة نضيف لها كود ببساطة وتبقي متكودة عندهم في البنك.

كنت عاوز أعرفك إني في القاهرة مرة كنت عاوز أشتري سيارة بالقسط عن طريق معرض بيتعامل مع بنك ناصر وكنت متفق مع المعرض علي كل شيء وفاضل التنفيذ في البنك فلما رحت البنك لوحدي أول مرة فوجئت بألاعيب من الموظفين اللي بيتلقوا الطلبات علشان يقنعوني أسيب المعرض ده وأروح لمعارض تانية معرفتهم وعملوا لي عقبات كتيرة بشتي الطرق ولما هددتهم إني حادخل لمدير البنك وافقوا علي طول والعقبات إختفت فجأة والمعرض ده بقي حلو وجميل ...

الطريف بقي إن مسئول المعرض لما جه معايا البنك المرة التانية حاول الموظفيين يفهموه إنهم هما اللي جايبيني له كزبون وإني كنت جاي عن طريق معارض تانية وهما اللي أقنعوني بأني أتعامل معه بدل المعارض التانية وهو طبعا فاهم كل حاجة

المهم ..... إبحث وحاول تدخل جمعية أو حد قريب أو صديق يعطيك قرض حسن إذا كانت الضرورة تتطلب

وأتمني ان توفق في هذا الأمر بدون اللجوء للبنوك إطلاقا وربنا يغنيك من فضله

[sv065]

انا فى انتظار ردك يا sv065 بالتفصيل الممل ... علشان الصورة توضح ليه ولكل من يهتم بالسيارة او الموضوع عامه ... وللعلم انا مش ها تعامل مع بنك انا فلوسى ها تتطلع من شركتى بشيك ... بس لازم يكون هناك عرض اسعار من شركة الامل ... وان شاء الله خير ... فى انتظار ردك

السلام عليكم

حضرتك الحمد لله معندكش أي عقبات طالما شركتك حتطلع شيك بقيمة السيارة 60000 جنيه بإسم شركة الأمل وليس مطلوب أكثر من ذلك وانا كلمت مدير الشركة وقال إنه معندوش أي مشاكل إطلاقا وجاهزين يعمل لك عرض سعر لشركتك مباشرة.

لكن مطلوب سرعة الإجراءات من حضرتك لقرب إنتهاء العرض وإقرأ الملاحظة التالية من مدير الشركة شخصيا

-------------------------------------------------

[overline]ملحوظة هامة جدا للمرة الثانية[/overline]

إسمح لي أوضح لحضرتك ولكل السادة الأعضاء إن السيد/ أحمد محسن مدير الشركة فرع الإسكندرية بيأكد عليا إن العرض ده لنايل موتورز صعب يستمر كتير لقرب تسليم سيارات مشروع إحلال التاكسي الجديد لأن حيكون المخزون وقتها مسحوب بالكامل للمشروع فطبعا بنبارك لكل السادة الزملاء اللي لحقوا إستفادوا بالعرض وبنقول لكل الزملاء الأفاضل اللي ناويين إن شاء الله يدخلوا العرض الجميل ده يسرعوا قليلا لأنه فعلا فرصة لن تتكر كثيرا وإحنا هدفنا كل الزملاء في نايل موتورز يستفيدوا من العرض ده قبل ما يخلص

[pmosalm]

الراجل بتاع شركة الامل جامد اوووووى يا جماعة

[ehabpopo]

مشكوووووووور على الايضاح

[MEDO84EG]

علي فكره في ناس اشتكوا من شركة الامل هنا في المنتدي

[mohamedsisi]

استاذ ايهاب

هو حضرتك شغال فى شركة ادويه

[sv065]

ألف ألف مليون مبروك عليك firro_1 باشا علي إستلام الجميلة BYD-F3 وربنا يملاها لك بركة

وكل الأعضاء في إنتظار تقاريرك الجميلة عنها