عايزه نصيحه بس تكون عن تجربه

[haneen83]

يا جماعه انا اول مره اشترى عربيه

و فكرت اشترى ال BYD F1 اللى نازله جديد لانها عاجبانى اوى و سعرها حلو
بس فيه حاجات منعانى انى اخد الخطوه .. هاقولها كلها و هاتكلم بصراحه :

1- ان العربيه صينى و خايفه الناس تتريق عليا و انا ماشيه بيها فى الشارع و خايفه من مواجهه المجتمع بيها
فيا ريت اللى راكب عربيه بى واى دى او صينى عموما يقوللى تجربته مع الناس

2 - سمعت كتير ان التوكيل وحش .. خصوصا الموضوع الجديد بتاع العضو اللى كان فى فرع العباسيه و موضوعه معاهم و مع حقوق المستهلك .. كلامه خوفنى اوىىىىىى

3 - قطع الغيار بتاعت بى واى دى ايه نظامها غاليه و هل موجوده اصلا و الا ايه

بجد انا محتاره اوى و قولت استشيركم لانى باحب المنتدى ده فعلا و حاسه ان فيه ناس محترمه كتير الحمد لله

[firro_1]

السلام عليكم
اهلا وسهلا بحضرتك عضوه عزيزه علينا
طبعا القرار صعب واسمحيلى ارد على النقط اللى حضرتك ذكرتيها:

1- الصين بتطور يوم عن يوم وبدليل انهم بيشتروا كل الماركات الكبيرة
2- غالبية العربيات اللى فى الشارع صينى
3- دليل على كفاءة الصينى انه بقى تاكسى وفيش بهدلة اكتر من التاكسى
4- لو على الشكل يبقى حضرتك مش حتركبى لان مش حتلاقى 2 يتفقوا على حاجه واحده
5- حتضرتك ممكن تتدخلى على مواضيع السادة الاعضاء وحتلاقى المؤيد والمعارض و لكن من اخر المواضيع اللى قراتها ان فى تحسن وان كان بطىء
6- قطع الغيار متوفره ومش غالية للدرجى اللى تخلى حضرتك تخافى منها ولكن ده بالنسبة لل byd f3 انا لسه مستلمها امبارح الحمد لله( الله بيارك فى حضرتك ....)
اما لل f1 انا حاسأل لحضرتك عليها ان شاء الله

[sv065]

السلام عليكم

أهلا ومرحبا بحضرتك في نايل موتورز

بخصوص byd-f1 الصراحة العربية شكلها تحفة وشقية جدا

لكن بحكم إنها موديل لسة جديد في السوق المصري لسة مبيعاتها صغيرة خاصة إن الدعاية قليلة



ولكن الجميل في الأمر أنها إنتاج صيني حاليا ولسة مادخاتش تجميع محلي يعني جودة في كل حاجة بدون مبالغة لأن مصنع byd الصيني مبني علي نظم إدارة دقيقة جدا وعلي أحدث مستويات الجودة والدقة في كل شيء من الإبرة للصاروخ والمصنع له إشتراطات جودة عالية جدا مش متوفرة في كثير من المصانع الصينية الأخري وطبعا ده سبب تفوق byd علي جميع الشركات الصينية الأخري وفي عدة مجالات غير السيارت كمان

وطبعا ننصح حضرتك بالتروي قليلا حتي تنتشر السيارة أولا ولو بقدر بسيط علشان قطع الغيار والأسعار ...إلخ لأنها لسة نازلة السوق حديثا ولم يتحدد مستقبلها بوضوح حتي لا يحدث مثلbyd - flayer إندثرت تماما وملاكها يعانوا من عدم توفر قطع غيار ولو غالية حتي إلا إذا كانت السيارة مغيرة لحد كبير لا يحتمل الإنتظار وأنا متأكد إنها بتشد كل البنات بشقاوتها وجمالها




دمتي بود

[hassan_mohamed21]

نصيحة بلاش

العربية ال بى واى دى جميلة جدا جدا جدا
لكن بأمانة الله و مش علشان فى مشكلة فى نقاط لازم تتحط فى الحسبان

انا معايا byd - f3 -r
اللى تعتبر اكثر انتشار من f1
التوكيل لحد دلوقت مفيش فيه غير حاجات f3 العادية لانهم بيجمعوها هنا
القضية الللى انا عاملها فى حماية المستهلك مش علشان الكرتيرة دى علشان عدم توافر قطع غيار سيارتى
من شهر 12 اللى فات و انا محتاج مزاب للثقف و كافر الشنطة و لسه
اخر مرة لما كنت هناك كنت عايز كرتيرة و شمسية و مزاب الثقثف و كفر الشنطة
لما حماية المستهلك بعتت لهم قالوا ان كل حاجة موجودة و متوفرة فى المخزن
لما رحت التوكيل لاقيت الكرتيرة و الشمسية لانهم خما كده كده بتوع ال f3 العادية
اما مزراب الثقف و كافر الشنطة فبعد ما كانوا بيقولوا انها فى البحر و الكلام ده من شهر 12 اللى فات قالوا انها جت المخزن الكبير و لسه مش فرغوا الكراتين و جابولى ولد صغير بتاع 18 سنة و قالولى و هو بيطلع الحاجة وقع جووة الكرتونة و كانت مشكلة ( مش عارف تقريبا افلام توم و جيرى )
المهم بقول للمدير طيب اجى امتى علشان اخد الحاجات دى ( قالى قول يا رب بالمعنى اللى كلكم عرفينه مش بمعنى يا رب يعنى يا الله )
كان عندى تعليمات من حماية المستهلك انى فى الوقت ده اروح اعمل محضر اثبات حالة ان قطع الغيار مش متوفرة و ابعت المحضر ده لحماية المستهلك
اتصلت بلاستاذ اللى متابع معايا فى حماية المستهلك و قالى ادينى المدير و دار بينهم الحوار اللى فى الموضوع بتاعى

فأذا كان ده حصل مع ال f3-r يبقى ايه اللى ممكن يحصل مع عربية مش منتشرة
و بعدين هما دلوقت كل اهتمامتهم على التاكسى لانهم غصب عن اصحابه هيعرفوا يطلعوا منه سبوبة كويسة لان العربية جميلة ايوا بس ملاكى
دى مش عربية بهدلة تكسيات و بعد سنة واحد من تشغيها تاكسى ممكن يتحكم عليها مش من دلوقت

معاملة التوكيل وحشة جدا جدا جدا جدا
فى راى التمهل شوية لحد ما يتعرف العربية هتنتشر و لا لا و بعد كده تقررى
اى حد هيشكك فى كلمة واحدة من كلامى
توكيل العباسية موجود و يروح يسأل على قطع الغيار المحتلفة بين f3 -f3-r و هيتاكد من اللى انا بقوله كله
تيجى لقطع غيار السيارة
اسعارها مرتفعة بالمقارنة باللماثل المصنعيات مرتفعة جدا
و هضرب مثل بسيط جدا
الشمسية سعرها 66 جنيه ( ايوا الشمسية اللى فى الثقف قدام السائق - بدون مرايا او اى شىء يغلى ثمنها كده )
بتركب ازاى ( ان الصباع بتاعها بيدور 90 درجة و تركب او تتخلع ) مصنعية الكلام ده 20 جنيه
سلام عليكم
و بالتوفيق

[hassan_mohamed21]

ادى واحد تانى بيصرخ من قطع غيار الفلاير

عوامه بنزين الفلاير باظط ينفع معاها
ف التوكيل هى ب 50 جنيه ولازم تركبها عندهم وتدفع 120 جنيه

وكمات علبه الفيوزات ساحت ايه ينفع معاها
علشان سعرها ف التوكيل
300جنيه+100تركيب+الضريبه

[haneen83]

[QUOTE=firro_1;3872695589]السلام عليكم
اهلا وسهلا بحضرتك عضوه عزيزه علينا
طبعا القرار صعب واسمحيلى ارد على النقط اللى حضرتك ذكرتيها:

1- الصين بتطور يوم عن يوم وبدليل انهم بيشتروا كل الماركات الكبيرة
2- غالبية العربيات اللى فى الشارع صينى
3- دليل على كفاءة الصينى انه بقى تاكسى وفيش بهدلة اكتر من التاكسى
4- لو على الشكل يبقى حضرتك مش حتركبى لان مش حتلاقى 2 يتفقوا على حاجه واحده
5- حتضرتك ممكن تتدخلى على مواضيع السادة الاعضاء وحتلاقى المؤيد والمعارض و لكن من اخر المواضيع اللى قراتها ان فى تحسن وان كان بطىء
6- قطع الغيار متوفره ومش غالية للدرجى اللى تخلى حضرتك تخافى منها ولكن ده بالنسبة لل byd f3 انا لسه مستلمها امبارح الحمد لله( الله بيارك فى حضرتك ....)
اما لل f1 انا حاسأل لحضرتك عليها ان شاء الله[/QUOTE]


قبل كل شىء اشكرك جدا والله على زوقك و ردك المنظم

و مبروك تانى مره على ال F3 و يا رب يحفظها من شر الطريق

و ربنا يكرمك يا رب على انك هتسألى عليها ..

[haneen83]

السلام عليكم

أهلا ومرحبا بحضرتك في نايل موتورز

بخصوص byd-f1 الصراحة العربية شكلها تحفة وشقية جدا

لكن بحكم إنها موديل لسة جديد في السوق المصري لسة مبيعاتها صغيرة خاصة إن الدعاية قليلة



ولكن الجميل في الأمر أنها إنتاج صيني حاليا ولسة مادخاتش تجميع محلي يعني جودة في كل حاجة بدون مبالغة لأن مصنع byd الصيني مبني علي نظم إدارة دقيقة جدا وعلي أحدث مستويات الجودة والدقة في كل شيء من الإبرة للصاروخ والمصنع له إشتراطات جودة عالية جدا مش متوفرة في كثير من المصانع الصينية الأخري وطبعا ده سبب تفوق byd علي جميع الشركات الصينية الأخري وفي عدة مجالات غير السيارت كمان

وطبعا ننصح حضرتك بالتروي قليلا حتي تنتشر السيارة أولا ولو بقدر بسيط علشان قطع الغيار والأسعار ...إلخ لأنها لسة نازلة السوق حديثا ولم يتحدد مستقبلها بوضوح حتي لا يحدث مثلbyd - flayer إندثرت تماما وملاكها يعانوا من عدم توفر قطع غيار ولو غالية حتي إلا إذا كانت السيارة مغيرة لحد كبير لا يحتمل الإنتظار وأنا متأكد إنها بتشد كل البنات بشقاوتها وجمالها




دمتي بود

جزاك الله كل خير .. بجد والله ردك وافى اوى ... بس المشكله انى مش هاقدر استنى مده طويله يعنى لازم اقرر اذا كان آه او لا فى خلال شهر بالكتير

لكن يا ترى ايه اسباب اندثار الفلاير ؟؟ مع انى ما لقتش حد اشتكى منها غير بس فى ندره قطع الغيار

[haneen83]

العربية ال بى واى دى جميلة جدا جدا جدا

لكن بأمانة الله و مش علشان فى مشكلة فى نقاط لازم تتحط فى الحسبان

انا معايا byd - f3 -r
اللى تعتبر اكثر انتشار من f1
التوكيل لحد دلوقت مفيش فيه غير حاجات f3 العادية لانهم بيجمعوها هنا
القضية الللى انا عاملها فى حماية المستهلك مش علشان الكرتيرة دى علشان عدم توافر قطع غيار سيارتى
من شهر 12 اللى فات و انا محتاج مزاب للثقف و كافر الشنطة و لسه
اخر مرة لما كنت هناك كنت عايز كرتيرة و شمسية و مزاب الثقثف و كفر الشنطة
لما حماية المستهلك بعتت لهم قالوا ان كل حاجة موجودة و متوفرة فى المخزن
لما رحت التوكيل لاقيت الكرتيرة و الشمسية لانهم خما كده كده بتوع ال f3 العادية
اما مزراب الثقف و كافر الشنطة فبعد ما كانوا بيقولوا انها فى البحر و الكلام ده من شهر 12 اللى فات قالوا انها جت المخزن الكبير و لسه مش فرغوا الكراتين و جابولى ولد صغير بتاع 18 سنة و قالولى و هو بيطلع الحاجة وقع جووة الكرتونة و كانت مشكلة ( مش عارف تقريبا افلام توم و جيرى )
المهم بقول للمدير طيب اجى امتى علشان اخد الحاجات دى ( قالى قول يا رب بالمعنى اللى كلكم عرفينه مش بمعنى يا رب يعنى يا الله )
كان عندى تعليمات من حماية المستهلك انى فى الوقت ده اروح اعمل محضر اثبات حالة ان قطع الغيار مش متوفرة و ابعت المحضر ده لحماية المستهلك
اتصلت بلاستاذ اللى متابع معايا فى حماية المستهلك و قالى ادينى المدير و دار بينهم الحوار اللى فى الموضوع بتاعى

فأذا كان ده حصل مع ال f3-r يبقى ايه اللى ممكن يحصل مع عربية مش منتشرة
و بعدين هما دلوقت كل اهتمامتهم على التاكسى لانهم غصب عن اصحابه هيعرفوا يطلعوا منه سبوبة كويسة لان العربية جميلة ايوا بس ملاكى
دى مش عربية بهدلة تكسيات و بعد سنة واحد من تشغيها تاكسى ممكن يتحكم عليها مش من دلوقت

معاملة التوكيل وحشة جدا جدا جدا جدا
فى راى التمهل شوية لحد ما يتعرف العربية هتنتشر و لا لا و بعد كده تقررى
اى حد هيشكك فى كلمة واحدة من كلامى
توكيل العباسية موجود و يروح يسأل على قطع الغيار المحتلفة بين f3 -f3-r و هيتاكد من اللى انا بقوله كله
تيجى لقطع غيار السيارة
اسعارها مرتفعة بالمقارنة باللماثل المصنعيات مرتفعة جدا
و هضرب مثل بسيط جدا
الشمسية سعرها 66 جنيه ( ايوا الشمسية اللى فى الثقف قدام السائق - بدون مرايا او اى شىء يغلى ثمنها كده )
بتركب ازاى ( ان الصباع بتاعها بيدور 90 درجة و تركب او تتخلع ) مصنعية الكلام ده 20 جنيه
سلام عليكم
و بالتوفيق

ههههههههه ... احب اقولك يا استاذ محمد انك فعلا شكلك كده هتكون سبب انى اتمنع عن التصويت على العربيه دى

موضوع قطع الغيار ده هو اللى هيحسم القضيه كلها .. لانى مش وش بهدله يا عالم لو روحت التوكيل مش هاتخانق و اشتكى انا هاعيط لهم والله

بصراحه ربنا يكون فى عونك .. انا نفسى اجيب بى واى دى اوى لانى سمعت انها عربيه تحفه و ممتازه

و واحد قريبى من بعيد عنده العربيه دى F3 و ده من تلات سنين و كان بيشكر فيها اوى ساعتها
بس انا مش باشوفه دلوقتى علشان اساله العربيه ايه اخبارها

[hassan_mohamed21]

توفر قطع الغيار هو الاهم

حسن محمد و ليس محمد حسن
اعتبرى نفسك انك معاكى العربية
و اتصلى بالتوكيل اسأليه على قطع الغيار
و شوفى الرد
او ممكن حضرتك تروحى بنفسك و تتفرجى على التوكيل و تدخلى تسالى على قطع الغيار
و حضرتك هتشوفى على الطبيعة كل حاجة

[bateka555]

يافندم ممكن تريحى نفسك و تروحى التوكيل الى فى العباسية و تسألى على قطع الغيار المتوفرة من عربيتك BYD f1 و تشوفى أسعارها إذا كانت هتتناسب معاكى ولا لاء أنا شخصياً عملت كدة قبل ماشترى حبيبت قلبى BYD f3R) ودة هيكون واقعى أكثر
وربنا يوفقك.

[haneen83]

حسن محمد و ليس محمد حسن

اعتبرى نفسك انك معاكى العربية
و اتصلى بالتوكيل اسأليه على قطع الغيار
و شوفى الرد
او ممكن حضرتك تروحى بنفسك و تتفرجى على التوكيل و تدخلى تسالى على قطع الغيار
و حضرتك هتشوفى على الطبيعة كل حاجة

معلش يا استاذ حسن العتب على النظر
هى فكره حلوه فعلا انى اروح و اسأل بنفسى ...
نفسى استقر بجد على رأى

[dodedode]

نصيحه اخويه / البي واى دي سياره ناجحه فكل الاحوال بشهادة ملاكها اتوكلى على الله وربنا يوفقك

[haneen83]

نصيحه اخويه / البي واى دي سياره ناجحه فكل الاحوال بشهادة ملاكها اتوكلى على الله وربنا يوفقك

أشكرك يا أستاذ DodeDode على المشاركه .. بس بما انك واحد من ملاكها ممكن أسألك هل عانيت من الخدمه فى التوكيل و الا لأ .. و هل طلبت قبل كده قطع غيار و مش لقيتها
و يا ترى بتصلح المشاكل اللى بتلاقيها فى التوكيل باسعار كويسه و الا بتروح بره التوكيل

و بجد انا باشكر كل عضو شارك و ابدى رأيه
ربنا يكرمكم يا اعضاء منتدى نايل موتورز هى ده الاخوه

[haneen83]

بس برضه ماحدش قاللى ايه سبب اختفاء السياره الفلاير

[sv065]

بس برضه ماحدش قاللى ايه سبب اختفاء السياره الفلاير

وماعتقدش حد يعرف وأنا مش باتكلم في مصر أنا قصدي في العالم لأن الشركة الأم نفسها إذا حضرتك دخلتي علي موقعها عالنت مش حتلاقي لها وجود

BYD Auto,Build Your Dreams

والعربية لم تكن تقليد بدقة مثلا لماركة مشهورة ممكن نقول رفعت قضية وكسبتها بمنعها أو ما شابه وأتمني أن يفيدنا ملاكها بالسبب إذا عرفوه

مشكورة