الحمد لله تم استلام ال byd f3 gi

[mohamedsisi]

الحمد لله انا استلمت امبارح العربيه وجبتها على الاسماعيليه



بعد يوم شاق الحمد لله نجوت فيه من محاوله لسرقة فلوس العربيه من امام البنك



لذلك اعذرونى على تاخير التقرير ولكن اوعدكم ان شاء الله انى هبدا فى التقرير



فقط انا حبيت اشكركم على دعمكم المعنوى لى لاختيار السياره وانتو فعلا عوضتم ضعف التوكيل



وطبعا شكر خاص واجب لاستاذ وليد انه كان معايا طول الفتره اللى فاتت

[abdullah_yousof]

ألف مبروك على السيارة
والحمد لله ان موضوع السرقة فشل

[elmanahry]

الف مبروك العربية وربنا يديك خيرها ويكفيك شرها واذا كانت رؤية الاستاذ وليد تستدعى شراء عربية جديدة هاتصل بيه واشترى byd تاني وكل الناس فى هذا الموقف سوف يقولون لك ان ترفع صور السيارة ولكن انا معى واحدة ولكن نفسى اشوف الاستاذ وليد فارجو ان ترفع لنا صور الاستاذ وليد نفسى اشوف الانسان الخدوم الذى ساعدنى ميما سبق ولكن عن طريق التليفون وساعد اخرين وانا اعرف انه لاناقة له ولا جمل غير مساعدة باقى الاعضاء وفى نفس الوقت مشاراكاته تمتاز بدقة التعبير المبهر وكان كلماته ميزان على كفتيه جواهر فنداء لكل شارى فى المستقبل للسيارة ويستعين بالاستاذ وليد ان يصور الاستاذ وليد ويرفع لنل الصور اهم من صور اى سيارة ومبروك عليه مقدما السيارة ورؤية الاستاذ وليدsv065

[sv065]

السلام عليكم ورحمة الله

أ/ محمد ألف مليوووووووون مبروك عليك وربنا يؤتيك خيرها ويرفع عنك شرها

وياريت بعد إذنك تشرح لينا كلنا موضوع السرقة من بدايته بالتفصيل وكيف فشل ولله الحمد علشان ده ممكن يحصل لأي حد فينا ويبقي حضرتك كده عرفتنا إزاي نتصرف إذا واجه أي حد مننا لا قدر الله موقف مثل ذلك وربنا يبعد عنك أي سوء

[sv065]

دكتور / المناهري

أخبار حضرتك إيه يافندم وصحتك عاملة إيه ؟

كتير جدا جدا والله ثناء حضرتك ده وبأمانة أنا لم أفعل شيء إطلاقا حتي أ/ محمد لم أتشرف بلقاءه فعليا ولكن عن طريق الهاتف علي وعد باللقاء قريبا إن شاء الله

أكرر شكري لحضرتك علي ذوقك الراقي جدا وأتمني لقاء حضرتك في القريب إن شاء الله

تقبل مودتي

[mohamedsisi]

الله يبارك فيكم يا جماعه وان شاء الله هحكيلكم على كل حاجه حالا

انا بقترح بقى نعمل يوم جمعه نتقابل فبه كلنا فى حته معروفه زى مدينة ملاهى او حاجه زى كده


انا بس كنت فى المرور والناس كلها مبهوره بالعربيه ماشاء الله


وفيه اتنين كاانو عايزين نمرة استاذ وليد علشان يستفيدو من العرض وانا بستئذنه انى اعطيها ليهم

[sv065]

الله يبارك فيكم يا جماعه وان شاء الله هحكيلكم على كل حاجه حالا

انا بقترح بقى نعمل يوم جمعه نتقابل فبه كلنا فى حته معروفه زى مدينة ملاهى او حاجه زى كده


انا بس كنت فى المرور والناس كلها مبهوره بالعربيه ماشاء الله


وفيه اتنين كاانو عايزين نمرة استاذ وليد علشان يستفيدو من العرض وانا بستئذنه انى اعطيها ليهم

مبروك علي الترخيص

الرقم تحت أمرك بدون إذن

دمت بود

[firro_1]

1000000000000000000 مبروك على الاسماعيلية f3
ربنا يديك خيرها ويكفيك شرها
وياريت فعلا نجتمع كل ملاك الجميلة فى يوم للتعارف وتبادل الخبرات

[dodedode]

الاستاذ / ozama22 كتب في موضوع جديد اسمه : (التجمع الاول لعشاق الجميلة byd f3)التجمع الاول لعشاق الجميلة byd f3
الاخوة الاعزاء
السلام عليكم ورحمة الله وبركاتة
اقترح على سيادتكم عمل التجمع الاول لانشاء الرابطة
["]المكان كارفور المعادي
التاريخ 15يونية2010 الموافق الثلاثاء
الوقت الساعة 7 مساءا
]مكان التجمع الدور الثاني للاماكن الانتظار عند الحرف d
رجاء الحضور وعدم التخلف
مع جزيل الشكر
والحاضر يعلن الغايب

[sv065]

السلام عليكم

برجاء بعد إذنكم تعديل الموعد مبدأيا ليكون الأربعاء 16 يونيو 2010 بنفس المكان كارفور المعادي الدور الثاني للاماكن الانتظار عند الحرف d

[mohamedsisi]

السلام عليكم

برجاء بعد إذنكم تعديل الموعد مبدأيا ليكون الأربعاء 16 يونيو 2010 بنفس المكان كارفور المعادي الدور الثاني للاماكن الانتظار عند الحرف d

انا نفسى يكون يوم جمعه علشان مايبقاش فى حجه لحدانه مايحضرش

[ozama22]

انا نفسى يكون يوم جمعه علشان مايبقاش فى حجه لحدانه مايحضرش

الجمعة بيبقى زحمة قوي ومش حانعرف نلاقي مكان نجلس فية وعلى فكرة الموعد تاجل الى يوم الاربعاء 16 يونية2010

[sv065]

علي الرغم نسبيا من صعوبة تحديد موعد يكون مناسب 100% للجميع لكن إن شاء الله في أول لقاء نتفق علي المواعيد الي تكون مريحة للكل بقدر الإمكان ونتمني من الجميع الحضور إن شاء الله