بالصور - زحام شديد وتدخل الأمن بأول إجتماع لرابطة byd في كارفور المعادي

[sv065]

السلام عليكم




السادة الأفاضل طالبي إجتماع رابطة BYD الأول


طبعا واضح من العنوان الزحام كان شديد أد إيه في الإجتماع لكثرة الأعضاء اللي حضروا لدرجة تدخل الأمن والمرور لتقليل حدة الزحام بكارفور سيتي سنتر المعادي.




ودي الصور الإجتماع وواضح فيها مدي إلتزام الأعضاء بالحضور وخاصة العضو الفاضل driver805 اللي معاه F0 وطلب إنه يجي إستثنائي والعضو الفاضل dodedode اللي كان واضح إصراره علي الحضور من البداية.

طبعا أكيد الصور وضحت الإجتماع بتفاصيله كلها وما تم فيه


ومن الطبيعي إن بعض الأعضاء يكون عندهم أي مشوار مفاجيء أو ظرف .... إنما الجميع كلهم ما يجوش الإجتماع !!! غيري وأ/ أسامة وجبت معي ضيف أ/حازم وهو لسة حاجز الجميلة BYD علشان يشوف السيارة ويقابل الملاك علي الطبيعة !!! ده غير إننا إخترنا توقيت هاديء ومكان معروف تيسيرا علي الجميع ... عموما كان شكلنا مش حلو خالص.....



بس كلنا فداكم ... وبعد إذنكم إذا كان فيه إقتراح لعقد إجتماع آخر يكون بناء علي تصويت بعدد محدد من الأعضاء علشان يكون الموعد معروف للجميع مسبقا والكل يقدر يجي وفي النهاية الفائدة حتعم علي الجميع لأننا إذا كنا كتلة واحدة إنتم عارفين مدي قوة رأينا خاصة مع التوكيل والإجتماع ده كان لصالحكم كلكم مش لفرد معين بعينه...



ترجو مرعاة ذلك مستقبلا وإحنا تحت أمركم دائما بشرط الجدية.

[amr_elmasry]

يا خبر ابيض اية الزحمة دي كلهااااااااااااااااا

[hobaz]

لازم فعلا يتعمل تصويت علشان اختيار انسب مكان وانسب وقت علشان كل الأعضاء يقدرو يتواجدو.....
ومعلش متزعلش نفسك وان شء الله المرة الجاية تتعوض وتبقى احسن....

انا بصراحة معرفش تفاصيل الاجتماع ده بس من رأيي ان حضراتكم تعملو برنامج للمقابلات يعني مثلا تختارو مكان فيى قعدة لذيذة وكافتيريا مناسبة او تروحوا مثلا تقضو يوم في العين السخنة صد رد علشان يبقى اجتماع لذيذ وبرده فسحة لطيفة لجذب الاعضاء...
تقبلو مروري....

[firro_1]

التمس لاخيك العذر فان لم يكن فسبعين عذر فان لم يكن فان الله اعلم .
طبعا اللى محضرش الاجتماع الاول وانا اولهم مش حاسس باهمية ان احنا نكون صوت واحد وبالذات ان للاسف التوكيل مش بقوة التوكيلات الاخرى وعلشان كده لازم نكون قوه للضغط فى وجود اى مشكله لاى حد من ملاك الجميلة.

انا عن نفسى بعتذر عن عدم الحضور لسببين:
1- انا من الاسماعيليه وبصراحة معرفش الطريق لكارفور .
2- فخر الخميس سافرت الاسكندرية .

بعتذر مره اخرى وان شاء الله اكون وموجود فى الاجتماع القادم .

[sv065]

لازم فعلا يتعمل تصويت علشان اختيار انسب مكان وانسب وقت علشان كل الأعضاء يقدرو يتواجدو.....
ومعلش متزعلش نفسك وان شء الله المرة الجاية تتعوض وتبقى احسن....

انا بصراحة معرفش تفاصيل الاجتماع ده بس من رأيي ان حضراتكم تعملو برنامج للمقابلات يعني مثلا تختارو مكان فيى قعدة لذيذة وكافتيريا مناسبة او تروحوا مثلا تقضو يوم في العين السخنة صد رد علشان يبقى اجتماع لذيذ وبرده فسحة لطيفة لجذب الاعضاء...
تقبلو مروري....

بالظبط زي ما حضرتك بتقول لابد من تصويت علشان الناس كلها تحدد عاوزة تيجي ولا لأ؟

ومافيش زعل ولا حاجة إحنا بنضحك معاكم أصل ناس كتير إتصلوا بيا علي إنهم جايين وناي كتبوا إنهم منتظرين اليوم ده بفارغ الصبر وكانت المفاجأة روعة محدش جه خالص

وفكرة حضرتك دي ممتازة جدا وإن شاء الله نحاول ننفذها

ومشكور علي مشاركتك الجميلة دي يافندم

[sv065]

التمس لاخيك العذر فان لم يكن فسبعين عذر فان لم يكن فان الله اعلم .
طبعا اللى محضرش الاجتماع الاول وانا اولهم مش حاسس باهمية ان احنا نكون صوت واحد وبالذات ان للاسف التوكيل مش بقوة التوكيلات الاخرى وعلشان كده لازم نكون قوه للضغط فى وجود اى مشكله لاى حد من ملاك الجميلة.

انا عن نفسى بعتذر عن عدم الحضور لسببين:
1- انا من الاسماعيليه وبصراحة معرفش الطريق لكارفور .
2- فخر الخميس سافرت الاسكندرية .

بعتذر مره اخرى وان شاء الله اكون وموجود فى الاجتماع القادم .

أحمد باشا في إنتظار تشريفك لينا المرة الجاية

وفي إنتظار تقريرك عن الصيانة بالإسكندرية

[muslem]

الصارحة زحمة اوى اكيد انتم اللى عملتم موجة الحر دى هههههههههههه
معلش ان شاء الله المرة الجاية الناس كلها تيجي باذن الله
و تعملوا مثلا وريقات عن العربية و كل واحد شايف ايه المناسب لاسكسسوارها ده علشان تجذبوا الناس انها تيجي اكتر و كمان تكون الوريقة فيها تفاصيل لبعض قطع الغيار اللى ممكن تتغير بقطع يابانى زى تويوتا و ميتسوبيشي
و مكلخص كل واحد مالك لها عن بعض المشاكل اللى واجتهه فيها مثلا
و مش بعيد نعمل كارنية كمان هههههههههه
بجد مش بهزر
و جزا الله خيرا من حضر اول مرة

[sv065]

والله أفكار ممتازة جدا وبسيطة وفيه كتير من الأعضاء عندهم أفكار ذهبية قابلة للتنفيذ

بس الناس تجتمع وتيجي وربنا يقدم اللي فيه الخير

[ozama22]

تعليق جميل ياباشا والى اللقاء في الاجتماع القادم ان شاء الله بعدد اكبر ييجي كدة 7ملاك؟؟؟؟؟؟؟؟؟؟؟؟؟وربنا يبارك وييجي اكثر

[shaaban2008]

ياه ايه الناس دي كلها؟؟؟؟؟؟؟؟؟؟؟؟؟؟
رغم اني مش من ملاك الجميله byd انما كان بودي احضر المقابلة دي علشان الواحد يتشرف بمعرف الناس المحترمه اللي زي حضراتكم بس والله انا يوم السبت بالتحديد بيبقي ضغط الشغل عندي جامد عموما تتعوض
في المرات القادمه ان شاء الله
وبعدين يا استاذ وليد حضرتك والاستاذ اسامه مقام كل واحد فيكم ب100 راجل يعني معني كدة ان 200 واحد حضروا المقابله دي وبيتهيئلي ان ده عدد كويس بالنسبه لاول مقابله مش كده ولا ايه

[M.almaghraby]

انا موت علي نفسي من الضحك .............. لا دنا وقعت من الارض

بجد والله اعذرني بس العنوان مع الصور رهييييييييييييب هههههههههههههههه

مش قادر ابطل والله العظيم هههههههههههههههههههههههههههههههه

انا اسف جدا مش قصدي

[sv065]

ياه ايه الناس دي كلها؟؟؟؟؟؟؟؟؟؟؟؟؟؟:b4_237:
رغم اني مش من ملاك الجميله byd انما كان بودي احضر المقابلة دي علشان الواحد يتشرف بمعرف الناس المحترمه اللي زي حضراتكم بس والله انا يوم السبت بالتحديد بيبقي ضغط الشغل عندي جامد عموما تتعوض
في المرات القادمه ان شاء الله
وبعدين يا استاذ وليد حضرتك والاستاذ اسامه مقام كل واحد فيكم ب100 راجل يعني معني كدة ان 200 واحد حضروا المقابله دي وبيتهيئلي ان ده عدد كويس بالنسبه لاول مقابله مش كده ولا ايه

يافندم ربنا يبارك في حضرتك والله كفاية بس كلامك اللي زي العسل ده

وإحنا والله يهمنا جدا نتشرف بمقابلة حضرتك في أقرب فرصة حقيقي حيكون لقاء جميل جدا ومفيد لينا كلنا

وإحنا عملنا اللقاء الماضي اللي تميز بشدة الزحام الرهيب كما كان واضح في الصور طبعا يوم الأربعاء وسط الإسبوع مساء ووسط الشهر علشان كارفور مايكونش زحام لأننا عارفين السبت غالبية الناس بتستريح فيه من المشاوير

واللقاء القادم إن شاء الله حنعمل إستفتاء قبله وكل عضو لازم يحدد جاي ولا لأ؟

تقبل مودتي

[sv065]

انا موت علي نفسي من الضحك .............. لا دنا وقعت من الارض

بجد والله اعذرني بس العنوان مع الصور رهييييييييييييب هههههههههههههههه

مش قادر ابطل والله العظيم هههههههههههههههههههههههههههههههه

انا اسف جدا مش قصدي

يافندم مفيش داعي للأسف ولا حاجة إحنا بس حبينا نداعب السادة الزملاء من واقع الحياة

وأهلا بيك دائما معنا ده شرف كبير مشاركتك الجميلة دي

[ozama22]

ياه ايه الناس دي كلها؟؟؟؟؟؟؟؟؟؟؟؟؟؟:b4_237:
رغم اني مش من ملاك الجميله byd انما كان بودي احضر المقابلة دي علشان الواحد يتشرف بمعرف الناس المحترمه اللي زي حضراتكم بس والله انا يوم السبت بالتحديد بيبقي ضغط الشغل عندي جامد عموما تتعوض
في المرات القادمه ان شاء الله
وبعدين يا استاذ وليد حضرتك والاستاذ اسامه مقام كل واحد فيكم ب100 راجل يعني معني كدة ان 200 واحد حضروا المقابله دي وبيتهيئلي ان ده عدد كويس بالنسبه لاول مقابله مش كده ولا ايه

الله يبارك في حضرتك