اقسم باللة العظيم حرام اقرا معاناتى حتى لا تقع مثلى

[kokyjoon]

بسم الله الرحمن الرحيم

عاوزين الحق وانا عندى سيارة بقالها سنتين ونصف معايا

السيارة زى الفل مركز الخدمة هوة اللى لا يطاق وانا لسة باعت شكوى لرئيس مجلس الإدارة
بس ياريت تكون بفايدة لأنهم بيدو مكن بس تقريبا

[mmmmgogommmm]

mmmmgogommmm كلامك جميل وجديد فى التفكير من الناحية الاقتصادية واعتقد ان هذه اول مرة ارى رد بهذه الطريقة ولى سؤال عن العمر الافتراضى للموتور الميتسوبيشى يقال ان الكوروللا واللانوس يمكن ان يصل الى نصف مليون كيلو فما هو العمر الافتراضى الواقعى او المعروف عن الموتور الميتسوبيشى وشكرا جزيلا

شكرا يا دكتور واللة بتحرجنى بزوقك-----بالنسبة للعمر الافتراضى ال250000كم دة فى اسوا ظروف التشغيل--- يعنى مع عدم تغيير الزيت بانتظام او استخدام انواع زيوت غير مناسبة ---------وزيادة عدد لفات الموتور على الغيار يعنى الحرق---------واستخدام وقود متدنى الكفاءة تحميل السيارة لحمولات تفوق طاقتها او استخدامها فى قطر وسحب سيارات ذات وزن مرتفع يعنى سا عات الواحد بيشوف لانوس ساحبة bmw عطلانة فى الصحراوى كل دة عبىء على الموتور والاسطوانة-----كل الحاجات دى بتقصر عمر الموتور على الاقل هيحتاج شمبر على 250000-------اما لو تم تلافى هذة الامور ممكن 500000كم تمشيهم العربية من غير ما تحتاج حاجة بس الشركات بتحط الرقم دة على اعتبار عدم تحقق الاستخدام الامثل====والواحد لما بيشترى عربية مستعملة بيضطر يحط رقم ال250000كم اما مة ويحسب علية لانة مش عارف الاستخدام كان ازاى------- بس انا شفت فى المنتدى هنا فى قسم الدايو عربية لانوس بسم اللة ما شاء اللة صاحبها مصور العدادعامل950000كم يعنى داخل على المليون بدون حتى طقم شمبر بس هو مالكها الاول ومراعيها-----وباالمناسبة اهم حاجة الزيت لانة روح الموتور فى ناس بتحط الزيت العادى فى حين ان المحركات الحديثة دى مصممة على استخدام الزيت التخليقى المصنع من شواش الذرة لانة يمتص درجة حرارة المحرك ولايتاثر بها كما انة لايفقد لزوجتة عكس الزيت العادى --الاستخسار فى الحتة دى بيكلف اوى واللة يا دكتور زميلى معاة فيرنا 2008 شاريها زيرو نفسة الضمان يخلص عشان يحطلها زيت عادى وبنزين 80 وفى كدة كتير مع ان احسن حاجة فى الفيرنا موتورها ماشاء اللة علية دوش 102 حصان قوى عزمة قوى جدا وربنا مايحرمنا من زوق حضرتك

[Emad Habib]

بسم الله الرحمن الرحيم

عاوزين الحق وانا عندى سيارة بقالها سنتين ونصف معايا

السيارة زى الفل مركز الخدمة هوة اللى لا يطاق وانا لسة باعت شكوى لرئيس مجلس الإدارة
بس ياريت تكون بفايدة لأنهم بيدو مكن بس تقريبا

?????????????????????????????????? المطلوب

[Emad Habib]

بسم الله الرحمن الرحيم

عاوزين الحق وانا عندى سيارة بقالها سنتين ونصف معايا

السيارة زى الفل مركز الخدمة هوة اللى لا يطاق وانا لسة باعت شكوى لرئيس مجلس الإدارة
بس ياريت تكون بفايدة لأنهم بيدو مكن بس تقريبا

?????????????????????????????????? المطلوب ايه ؟؟؟؟؟؟؟؟؟؟؟؟

[mmmmgogommmm]

?????????????????????????????????? المطلوب ايه ؟؟؟؟؟؟؟؟؟؟؟؟

استاذ سونى دايما ردود حضرتك هادية وجميلة ومطمئنة ---بس المرة دى طريقة طريقة ردك بتقول انك بدات تتخنق وصدرك ضاق ----لسة بدرى طول بالك يا صديقى---- الناس مبسوطة ان التوكيل مهتم بيهم ومكلف مسؤول من قبلة بمتابعة مشاكلهم فمعلش يمكن الشكاوى دى تظهرلك سلبيات متظهرهاش كاميرات المراقبة وربنا يوفقكم

[Mohamed Elwan]

بصراحة لما بشوف ناس بتستميت فى الدفاع عن اى سيارة بيفقدوا مصداقيتهم حتى لو العربية فعلا كويسة

[bassem.naguib]

بصراحة لما بشوف ناس بتستميت فى الدفاع عن اى سيارة بيفقدوا مصداقيتهم حتى لو العربية فعلا كويسة

وعلى النقيض برضه لما ناس بتفتري على عربية من غير أي دليل بتفقد مصداقيتهم برضه

[mmmmgogommmm]

استاذى لو انا شكرت فى الانسر مش ممكن حد هيلومنى ---ولوشكرت فى النوكيا برضة محدش هيلومنى----ولو استمت فى الدفاع عن البروتون او الهيونداى او الانوس مفيش حد هيشكك فى نوايايا--------------طيب لية لما اشكر وادافع عن الbydاللى انا مقتنع بيها بعد ما عرفت امكانيات الموتور واتاكدت انة لانسر واتاكدت ان الشاسية والعفشة هما نفسهم بتوع الكرولا يعنى لما ينتهى عمر قطعة هغيرها باليابانى والتوكيل شايفة بيطور نفسة -لية لما اشكر فيها ابقى عميل للتوكيل او مبفهمش --------لية سيادتك بتبص للامور من الزاوية دى (زاوية التخوين وانعدام الثقة فى الاخر) يعنى لما سيادتك تقابل شخص مشى باالعربية 110000كم وبيشكر فيها جدا وبعد كدة عمل حادثة فظيعة غير فيها سقف العربية بسقف كرولا استعمال بقوايمة ----وغير الموتور بموتور لانسر 1600 --اشترى الموتور من بور سعيد موديل 2009 من عربية متقطعة ب4500جنية===ارجوك راجع موضوع اخبار سعيدة هتتاكد ان كمان قطع الغيار الجديدة رخصت واصبحت ارخص من بعض موديلات الكورى-------يبقى ازاى ما اشكرش وادافع ---------ولا حضرتك من الناس اللى مبتحبش تقول شكرا بس النبى صلى اللة علية وسلم بيقول(من لم يشكر الناس لم يشكر اللة)---ارجوك راجع نظرتك للحياة انا كل يوم براجع اكبر قدر ممكن من افكارى وبحاول احلل كل المواقف اللى مريت بيها على مدار اليوم وبعملها تقييم قدر استطاعتى وانا بقول لحضرتك انا بعمل كدة عشان متفتكرش انى بقول لحضرتك شىء مستحيل او يحمل اى معنى للاهانة ولك عميق شكرى وامتنانى

[samcar]

العربيه دى - ليه مش منتشره خارج القاهره او اسكندريه - ؟؟؟

من الكلام عنها حاسس انها كويسه - بس التوكيل بتاعها - اللى هو توكيل لادا برضه واضح انه مشاكله كتير

الغريبه انه واضح انها بتتباع فى الغالب من التوكيل - يعنى ما شفتهاش فى معارض - هل هامش الربح فيها ضعيف ؟

اعتقد لو سعرها نزل شويه ممكن تبقى اختيار مناسب لكتير من الناس وممكن تنافس اللوجان بقوه

[mostafa123]

العربيه دى - ليه مش منتشره خارج القاهره او اسكندريه - ؟؟؟

من الكلام عنها حاسس انها كويسه - بس التوكيل بتاعها - اللى هو توكيل لادا برضه واضح انه مشاكله كتير

الغريبه انه واضح انها بتتباع فى الغالب من التوكيل - يعنى ما شفتهاش فى معارض - هل هامش الربح فيها ضعيف ؟

اعتقد لو سعرها نزل شويه ممكن تبقى اختيار مناسب لكتير من الناس وممكن تنافس اللوجان بقوه

الصراحة.. أنا شوفت اللوجان مع واحد زميلى.. لا وجه للمقارنة... فرق كبير أوى بين اللوجان والبى واى دى.. طبعا للبى واى دى حتى لو أخدنا فى الإعتبار مشاكل التجميع المصرى... يا ريت تجرب الإثنين وتقول لنا رأيك..

[mostafa123]

بصراحة لما بشوف ناس بتستميت فى الدفاع عن اى سيارة بيفقدوا مصداقيتهم حتى لو العربية فعلا كويسة

لما تشوف ناس مالهاش أى هم إلا تشويه الصورة بشكل كوميدى فطبيعى جدا إنك هتشوف اللى بيحسن الصورة على النقيض تماما.. أنا عمرى ما دخلت فى حوار مع الأخ صاحب المعرفات المتعددة والموقوف دائما.. إنما المسألة بالنسبة لى لا تتعدى إحتمال من إثنين.. أولهما إن الشخص ده ليه فعلا مشكلة جامدة مع التوكيل وإتعامل معاملة وحشة ودايما ماشية معاه عكسى بالنسبة للعربية بالإضافة لوجود خلفيات لا نعلمها بينه وبين شخص أو أشخاص فى التوكيل مما يدفعه دائما للكلام بشكل غير عقلانى وغير موضوعى مما يضيع عليه حقه إذا كان فعلا معاه حق.. وهنا أحب أن أعزيه فى كياسته وفطنته وذكاءه لإنه بالحسنى واللين وبرضه بالكلام الناشف والخشن بس بالأدب ممكن ياخد برضه حقه وماحدش هيعرف يجى جنبه ولا يوقفه.. الإحتمال التانى وهو يخضع لنظرية المؤامرة.. أن هذا الشخص من داخل التوكيل نفسه وهو اللى بيعمل كل المسرحيات دى .. مش بالضرورة أمسك طبلة وأهلل علشان أعمل دعاية للتوكيل.. لا .. فى بعض الأحيان ممكن أعمل دعاية بطريقة عكسية.. إزاى.. أعمل فيها أهبل وعبيط وأشتم هنا واسب هنا وأتوقف كل شوية وكلام لا مؤاخذة كله فى الهجايص ولا له أى معنى ولا دليل ولا منطق فبالتالى لا يمكن حد يصدقه وكلامه وشهادته مجروحين وأى كلمة منه فى حق الشركة هى بشكل لا إرادى تصب فى صالح الشركة وسيارتها.. هى دعاية خبيثة شوية ولكنها موجودة وإن كنت لا أظن أن الشركة تلجأ لها لآن العربية بتاعتها عربية محترمة وكويسة .. مش زاستافا يعنى ولا توك توك.. وبالتالى أحب أقول للأخ إياه.. من فضلك أهدى شوية وراجع تفكيرك لأن كل اللى بتعمله ده دعاية مجانية للشركة دون أن تدرى وطبعا هذا ضد ما تريد.. وبعد ما تهدى كده ياريت تيجى لنا بإسم جديد ونتناقش بهدوء حتى نستفيد جميعا دون تجريح..
كلمة أخيرة.. أرجو فعلا أن نلتزم جميعا بالموضوعية بالنسبة للسيارة دون إفراط أو تفريط.. لأنه فعلا اللى يقول إن العربية مافيهاش مشاكل فده مستحيل حتى فى المرسيدس والبى إم أو حتى الرولز.. وعلى النقيض .. اللى عمال يقول العربية فيها كيت وكيت ومافيهاش ولا ميزة أقول له إتق الله .. دى التوكتوك نفسه له مزايا فما بالك بعربية عفشة كورولا وموتور متسوبيشى؟؟
شكرا لسعة صدركم والسلام عليكم

[mmmmgogommmm]

استاذ مصطفى /كل سنة وسيادتك طيب وجميع الزملاء الافاضل فى المنتدى -----انا معجب جدا بتحليل سيادتك لتصرفات هذا الشخص والاحتمالات الخاصة بدوافع سلوكة -----------وياريت سيادتك تحكى لينا فى موضوع مستقل عن الصيانة الاخيرة فى فرع اسكندرية وشكرا

[hefz]

اتمنى من الاخ الكريم صاحب المشكلة يتكرم ويتنازل ويتصل بيا علشان اعمل له حجز ويجى ويطلع للمكتب وهاحاول باذن الله انى احاول اكون معك واحل لك المشكلة دى باذن الله ولالالالالالالالالالاتزعل نفسك ياسيدى

[kokyjoon]

سلام عليكم

ياريت تشرحلنا هوة بيدخن وألا بيبخر

لأن الدخان كمان أنواع وممكن يكون حاجة بسيطة وتتظبط

[kokyjoon]

سلام عليكم

أولا الموتور بيدخن وألا يبخر

ثانيا لون الدخنة إيه وهل ليها أى أعراض مصاحبة مثلا سخونة عدم سحب

ممكن يكون حاجة تافهة وتتظبط بسهولة

بس وضحلنا الموقف