خبر سار لملاك ومحبي الجميلة byd

[sv065]

السلام عليكم ورحمة الله وبركاته



السادة الأعزاء...




أثناء وجودي بمركز صيانة الأمل فرع الإسكندرية لعمل صيانة 40000 للجميلة BYD - f3 تشرفت بلقاء:-

السيد الأستاذ/ أحمد محسن مدير المركز

والسيد المهندس/ أسامة مبروك مدير الصيانة بالمركز




وعلمت بالخبر السار وهو تخفيضات كبيرة جدا دائمة وشاملة علي جميع أسعار قطع الغيار بالمركز وتصل لأكثر من 50% علي بعض القطع علي سبيل المثال:

وفي الواقع هذا أكبر دليل علي حرص الشركة علي رضاء عملائها ويعكس مفهوم الإدارة العليا للوصول لجودة الخدمة



فشكرا مرة أخري شركة الأمل وأتمني للسادة الأفاضل أن ينتفعوا بخطط الأسعار الجديدة التي أصبحت معتدلة جدا جدا مع الأخذ في الإعتبار أنها أصلية وبضمان الوكيل بالإضافة للسعر الجيد طبعا كما ذكرنا



وترقبوا قريبا جدا جدا مفاجأة سارة جديدة نعد لها منذ فترة بالنسيق مع الشركة رأسا؟؟؟




تقبلوا خالص مودتي

[ozama22]

اية الحلاوة دي والله اشتقنا لمفاجأتك اشتغل يا حبيبي اشتغل كنت فين من زمااااااااااااااااااااااااااااااااااان

[ehabpopo]

حمدالله على السلامة .... نورت بيتك يا باشا ... وحشتنا والله ... ودايما بتيجى ومعاك اخبار حلوة وجديده
منتظريين المفاجأة ... يا ريت بسرعة والله

[kamalsalem]

عارفين ايه اكتر حاجة عجباني في العربية دي مع اني عمري ما ركبتها؟ انها مع انها صيني وبتحاول تثبت نفسها في السوق لكن هادية... مفيش فراقيع كلام... مفيش زغاريط ع الفاضي... العربية بتتباع والدنيا ماشية ومفيش طنطنة ع الفاضي زي بعض الماركات الصيني التانية. ولو مكونات العربية دي بتيجي من الصين فرز أول زي اللي شفتها هناك.. يبقى برافو بجد

[mohamedsisi]

وحشتنا ووحشتنا مفاجاتك الجميله

الف شكر ياباشا

[tifa_1979]

ممكن تقلى سعر الاكصدام الامامى بقه كام دلوقتى

[abaza2107]

جزاك الله خير و في انتظار المفاجأه

[Emad Habib]

ممكن تقلى سعر الاكصدام الامامى بقه كام دلوقتى

اضغط هنا لمشاهدة الصورة بالحجك الطبيعي.

[sv065]

ممكن تقلى سعر الاكصدام الامامى بقه كام دلوقتى

السلام عليكم

مكتوب يا فندم فالأسعار كان ب 560 جم بقي ب 240 جم يعني السقر قل لأكتر من النص

ومبروك علينا كلنا

[sv065]

اية الحلاوة دي والله اشتقنا لمفاجأتك اشتغل يا حبيبي اشتغل كنت فين من زمااااااااااااااااااااااااااااااااااان

يافندم الله يبارك في حضرتك

معلش ظروف العمل صعبة شوية ومش بالاقي وقت خالص

[sv065]

حمدالله على السلامة .... نورت بيتك يا باشا ... وحشتنا والله ... ودايما بتيجى ومعاك اخبار حلوة وجديده :s_thum1[1]:
منتظريين المفاجأة ...:u_thin1[1]::u_thin1[1]::u_thin1[1]: يا ريت بسرعة والله

سلمك الله من كل سوء إيهاب باشا

والمنتدي اللي هو بيتنا منور بيكم والله وبذوقكم الرفيع دائما..... أشكركم جدا دائما تسألوا عني

وبالمناسبة كنا بنسأل علي أخونا معروف نعمة من سوريا أين هو؟..

أنا بعت له أكتر من مرة ولا رد....
عاوزين نطمئن عليه

[sv065]

عارفين ايه اكتر حاجة عجباني في العربية دي مع اني عمري ما ركبتها؟ انها مع انها صيني وبتحاول تثبت نفسها في السوق لكن هادية... مفيش فراقيع كلام... مفيش زغاريط ع الفاضي... العربية بتتباع والدنيا ماشية ومفيش طنطنة ع الفاضي زي بعض الماركات الصيني التانية. ولو مكونات العربية دي بتيجي من الصين فرز أول زي اللي شفتها هناك.. يبقى برافو بجد

بالظبط كلام حضرتك وده فعلا خلاها تنتشر إنتشار هاديء لكن كثيف لأن الوكيل بتاعها مؤمن بأنها وحدها بتعمل دعاية لنفسها ومش محتاج يعنل دعاية لها وده تحقق بالفعل

[sv065]

وحشتنا ووحشتنا مفاجاتك الجميله

الف شكر ياباشا

يا سيدي الله يبارك فيك وأشكرك جدا

.. إنت اللي وحشتنا فعلا وكل الإسماعلية

أخبار عربيتك إيه يارب تكون تمام بإذن الله

ربنا يوفققك دائما

تقبل خالص تحياتي

[sv065]

جزاك الله خير و في انتظار المفاجأه

جزانا الله وإياكم

والماجأة إن شاء الله حتعجب الجميع لكونها جديدة من نوعها في هذا القسم

ونرجو دعواتكم علشان نبدأ نعلن عنها

[ehabpopo]

فين المفاجئة يا استاذ وليد ... منتظرين ....