صدمة

[zizomizo]

بالأمس في يوم الأجازة وكل عام وأنتم بخير جلست وأتكأت للخلف وفي يدي الريموت وأخذت البحث عن شيئ أشاهده إلى أن وقعت أمامي أحدى القنوات المتخصصة في السيارات وهنا كانت الصدمة الحقيقية نعم صدمة لأن ما رأيته وسمعته لا يصدق نعم لا يصدق وكان المشهد كالتالي صورة للسيارة الـf3 ومكتوب عليها الأتي أتصال تليفوني للفائز بالمزاد سيارة f3 موديل 2011 بمبلغ !!!!!!!!!!!!!!!!!!!!!!!! لن يصدق أحد 31500 جنيه
صدقوني منذ أمس وأنا متضايق جدا ومش مبسوط فإذا كان هذا تقييم للسيارة الجديدة وانا أعرف جيدا أن هذا ليس تقييم فعلي وأنما هو مزاد قد لا يراه كل الناس وقد يكون المشتركون به لا يعرفون شيئا عن السيارة غير أنها صيني ولكن هذا شيئ محزن فإذا كان هذا هو المفهوم فما بال سعر إعادة البيع حقيقة لا أريد أن أعرف يكفيني أنها ترضيني تماما ولن أفكر في بيعها لأن هذة السيارة تستحق أكثر من هذا بكثير.

[memos]

بالأمس في يوم الأجازة وكل عام وأنتم بخير جلست وأتكأت للخلف وفي يدي الريموت وأخذت البحث عن شيئ أشاهده إلى أن وقعت أمامي أحدى القنوات المتخصصة في السيارات وهنا كانت الصدمة الحقيقية نعم صدمة لأن ما رأيته وسمعته لا يصدق نعم لا يصدق وكان المشهد كالتالي صورة للسيارة الـf3 ومكتوب عليها الأتي أتصال تليفوني للفائز بالمزاد سيارة f3 موديل 2011 بمبلغ !!!!!!!!!!!!!!!!!!!!!!!! لن يصدق أحد 31500 جنيه
صدقوني منذ أمس وأنا متضايق جدا ومش مبسوط فإذا كان هذا تقييم للسيارة الجديدة وانا أعرف جيدا أن هذا ليس تقييم فعلي وأنما هو مزاد قد لا يراه كل الناس وقد يكون المشتركون به لا يعرفون شيئا عن السيارة غير أنها صيني ولكن هذا شيئ محزن فإذا كان هذا هو المفهوم فما بال سعر إعادة البيع حقيقة لا أريد أن أعرف يكفيني أنها ترضيني تماما ولن أفكر في بيعها لأن هذة السيارة تستحق أكثر من هذا بكثير.

الاستاذ الفاضل زيزو لا يرضي احد ما رايته او سمعته ومع احترامي ليس كل ما تراه او تسمعه في الاعلام تصدقه اكثر هذه البرامج تهدف الي الربحيه وزياده رقعه المشاهدين عن طريق الاثاره العينيه او السمعيه وخلينا واقعيين ده فيه ناس حاجزه للبي واي دي ومش لاقياها يقوم واحد يبيع عربيته عن طريق المزاد ده لو نزل بيها السوق هاتجيبله اعلي من السعر ده بكتير وبعدين مين الي بيبيع 2011 ده لسه مجربهاش ومعقوله مش حرقاه الفلوس دي اتصالات انت بتشفها عشان تتصل وتدفع تمن المكالمه 5 ج وفي الاخر بيبقوا مظبطينها دي الاسبرانزا 2007 بتتباع ب50000 دي هتتباع كده لك تحياتي

[bassem.naguib]

31.5 ... عربية زيرو .. بجد الكلام ده أن واحد بيبيع عربيته بالسعر ده ولا تهريج

أنا مستعد أدفع 35 وأشيلها .. يلا ويبقى عليه العوض ... ههههههههه

قناة أيه دي يا باشا اللي عليها اللقط دي .

[mohamedsisi]

انا اعتقد ان ده نوع من الدعايا للقناه وفى ظل عدم وجود على الرقابه

على تلك القنوات يجعلهم يقولو اى شىء بدون حساب

وهنروح بعيد ليه السوق موجود ويشهد

[أشرف العدوي]

لاء هو مش واحد بيبع
انا شوفت البرنامج ده على قناه اوتو موتو
هو فكرته زي جايزة مدفوعة التمن
ان البرنامج بيقدم عربية زيرو معلقتش نمر من المعرض و بيقول هنفتح المزاد بكذا
لو معاك فلوس خش المزاد
لو معاك جزء من الفلوس خش المزاد و لو رسي عليك القناه هتقوم بتقسيط باقي المبلغ
لو ما ممعكش فلوس خلص خش المزاد بردو و لو كسبت القناه هتدفعلك الفرق بين السعر الي رسي بيه المزاذ و السعر السوقي
يعني لو عربية بـ 60000 و انت المزاذ رسي عليك بـ 45000 و انت مش معاك الـ 45000 القناه تدفعلك 15000 جنيه
و اي خدمة
و طبعاً الاشتراك في المزاد عن طريق رسائل و أتصلات 0900 و اتصالات محمول

اي خدمة

[Mo3taz Selim]

يا جماعه أسمحوا لى ان أوضح لكم الموضوع
القناه دى بتعمل مزاد على عربيات زيرو الكلام ده من أسبوعين بالظبط (يعنى مش واحد بيبيع عربيته أو حاجه) الأسبوع قبل الماضى كان على سياره سيراتو هاى لاين و أعتقد المزاد خلص على حدود ال 100000 على ما أتذكر ...
إن كان المزاد ده صحيح و بيتم فعلا تسليم السياره لأحد الفائزين ... فبالتأكيد القناه دى بتكسب على الأقل ثمن السياره خمسة مرات من الإتصالات و الرسائل الخاصه بالمزاد فقط... يعنى نقول مثلا متوسط 75000 إلى 100000 مكالمه فى 5 جنيه أحسبوا أنتم يقى

[goingonlovingu]

اللي ما يعرفش يقول.....

عذرا

ده برنامج دعائي على قناة اوتوموتو وبيعملوا مزاد على العربيه كاسلوب دعائي للقناه واللي بيرسى عليه المزاد بياخد العربيه

والسيراتو خلصت بواحد وستين الفا لمتسلبق في العريش
ديه دعايه للقناه مش للعربيه بيكسبوا الناس عربيات زيرو بتصف تمنها علشان يعملوا اعلانات للقناه

[tifa_1979]

احب اوضح لحضرتك ان مفيش byd f3 سواء 2008 او 2009 او2010 او 2011 معروضة فى البيع ولو مش مصدق ادخل على
Contactcars او موقع مصراوى ابحث مش هتلقى اى عربية
اما موضوع السعر فان اعتقد كمالك للسيارة انى مش هبيع السيارة ديه فيها جميع الكماليات وكمان قوية وقطع غياره رخيصه يعنى مفيش سبب واضح ابيع علشانه وكمان سعر العربية 2011 اصبح 66000 جينها فكيف هتبع بسعر 31500
انسى يا جميل

[elmanahry]

الصدمة من الواقع حدثت لمعارف شافوا سيارة مع تاجر فلاتر مياه الناس فسالوا السيارة الجميلة دى منين وبكام وادينا العنوان وذهبوا لمعارض الامل ومعهم التمن كاش والرد لاتوجد عربيات كله فى التصنيع احجز طيب هاستلم بعد قد ايه الرد معاك من شهر لستة شهور يااما تشتريها من معرض وذهبوا لمعرض طلب 8 الاف جنيه زيادة واحدهم طلب يشترى سيارتى بنفس التمن الذى اشتريت به مع انى شارى السيارة من سنه وطبعا رفضت لانى محتاج السيارة الاوتوماتيك كل هذه مواقف فى الحياة ماتجده فى برنامج على التليفزيون لنهب الناس واخذ فلوسهم عن طريق المكلامات غير الواقع

[أشرف العدوي]

احب اوضح لحضرتك ان مفيش byd f3 سواء 2008 او 2009 او2010 او 2011 معروضة فى البيع ولو مش مصدق ادخل على
contactcars او موقع مصراوى ابحث مش هتلقى اى عربية
اما موضوع السعر فان اعتقد كمالك للسيارة انى مش هبيع السيارة ديه فيها جميع الكماليات وكمان قوية وقطع غياره رخيصه يعنى مفيش سبب واضح ابيع علشانه وكمان سعر العربية 2011 اصبح 66000 جينها فكيف هتبع بسعر 31500
انسى يا جميل

حضرتك دي مش عربية حد عامل عليها مزاد
دي عربية زيرو فعلاً مش معلقة نمر
يعني دعاية للمحطة مش حد بيبع عربيته
زي مسابقة كرومبو كدة بس دي الجايزة عربية بأقل من تمنها
ده تبسيط للفكرة

[mmmmgogommmm]

العربية دى زيرو القناة شارياها ب66000 عملت عليها مزاد لمدة ساعتين صاحب اكتر رسايل ومكالمات واخر واحد فى الساعتين هيحط اخر سعر هيرسى علية المزاد الدقيقة بجنية ونص والرسالة ب5 جنية عشان المكالمة مش هتبقى دقيقة والمزاد اعتقد بيبتدى ب10000جنية ----فى خلال ساعتين المحطة هتعمل بحوالى 100000/150000جنية مكالمات ورسايل لو باعتها ببلاش هتبقى كسبانة (الحداية مبتحدفش كتاكيت)

[Emad Habib]

هى دى الحقيقه ان مندوب قناه اوتو موتو قال لى ان صاحب القناه راجل ذكى وبيعمل اعلانات للسيارات بطريقه مختلفه وممكن نسبه مشاهده عاليه وفعلا كان له تقرير من شركه الاتصالات انه تم تسجيل اكثر من عشرون الف مكالمه حتى التى لم يرد عليها وهذا كلام مندوب القناه واعتقد ان القناه تعمل دعايه لها وتاخذ فرق ثمن السياره من شركه الاتصالات التى دفع ثمنها كل الناس اللى اتصلوا بالرقم

عارفين مين دفع تمن السياره بالكامل واضعاف ثمنها ؟؟؟؟؟؟؟ هذه اساليب جديده للدعايه ويما ها نشوف

[sv065]

كل هذا قمـــــــار العصر الحديث

ولا حول ولا قوة إلا بالله

[goingonlovingu]

قمار ايه يا عم؟؟
ده مزاد
هوه اي كلام وخلاص؟؟

[M.Elsheikh]

كل هذا قمـــــــار العصر الحديث

ولا حول ولا قوة إلا بالله

+111111111111111111111111111