نصيحه لاخوكم بخصوص ال byd f0 افيدوني...

[x_gomgom]

انا كان معايا بولونيز و الصراحه و الحق يحق انا بهدلتها و شالتني و بهدلتني و دا طبيعي ....
منذ فتره حوالي 3 اشهر كنت بفكر في عربيه تستحملني جبت bmw m40 و الحمد لله على كل شئ كان فيها عطل بنظام الدفع الخلفي و من فتره عملت حادث و الحمد لله على كل شيء و بعتها بحالتها و خسرت حوالي 15 الف او اكثر (الكردان كان ملووح و اتكسر و انا ماشي على 120 ).....
من اسبوعين شفت ال byd f0 و الصراحه عجبتني شكلها و خصوصا انها سعرها في المتناول و زيرو و خايف اجيب مشتعمل تاني بسبب الحادث و مش عايز اركب عربيه مستعمل تاني......
يا ريت لو حد عنده معرفه عنها او جربها يفيدني عشان بجد محتاس .....
و شكراً مقدمل و معلش وجعت دماغكم

[bassem.naguib]

ألف سلامة على حضرتك .. وقدر الله وما شاء فعل .

للأسف ملقتش تعليقات عن f0 تقريباً في المنتدى .. علشان يبقى فيه تقييم ليها .

هل حضرتك شفت العربية في الشارع ولا شفتها في المعرض ؟! وأيه كان انطباعك المبدئي عنها .

[x_gomgom]

انا شفتها في المعرض اللي في شارع النزهه من بره و سألت عليها عرفت انها ب 43000 .....
دا اللي كل اعرفه زائد ان مفيهاش بور لكن كتجربه وما الي ذلك مستني الاخوه هنا تساعدني عشلن بجد محتاس....
و شكراً مقدماً

[bassem.naguib]

للحكم على أي سيارة بشكل موضوعي .. يجب رؤيتها عن قرب وتفحصها جيداً .. وبعد كدة تأتي مرحلة البحث عن ردود أفعال الناس تجاهها .. وأنصح حضرتك تعمل جولة في المنتدى هنا بصفة خاصة .. والمنتديات الأخرى بصفة عامة (إن لم تجد ما تبحث عنه هنا)

[ahmed1981]

أنا شفت ال f0 من بداية نزولها بشركة الأمل
ورحت أنا وزميلي واتفرجنا عليها كويس من الداخل والخارج

بالفعل ليس بها دركسيون باور

ورأيي الخاص أنا هناك إختيارات بنفس السعر وأفضل منها

مثلا هناك الشانا وسعرها مقارب لها مع صالون أفضل وأوسع
والجريت وول بها موديل مشابه أيضاً وكذلك الإسبرانز والليفان وغيرهم

نصيحة إنزل لف على كل هذه الأنواع واحدة واحدة وأقعد فيهم كلهم عشان تقدر تختار أفضل واحدة

[memo_p910]

أنا شفتها عند رياض عمران في وسط البلد وعجبتني جدا عربيه تحفه

[x_gomgom]

الف شكر لجميع الاخوه شاكر وقوفكم جنبي...
يا ريت لو اي حد عرف حد جربها او معلومات عنها يفيدني انا لفيت كتير في جوجل مالقيتش حد عامل review او ما شابه كله بيتكلم عن المواصفات وما الي ذلك ...
المشكله الحقيقيه انها قليله في الشارع و ملاحظ ان انتشارها بيطئ رغم سعرها و بصراحه دا قالقني جداً (زي عربيات كتير نزلت منها دفعه واحده و بعد كده اختفت).....
و شكراً جزيلاً

[x_gomgom]

يا ريت لو ملاك السياره f0 يعملوا تقرير يفيدونا عشان بجد الواحد محتار جداً.........
شكراً

[mimo4019]

بخصوص f0 هناك اخ وحيد معنا في المنتدى هو الذي يملكها (على حد علمي):
:: نــايــل مــوتــورز:: - :: NileMotors.net ::

وهذه هي المواضيع التي طرحها:

http://www.nilemotors.net/Nile/154380-f0.html

http://www.nilemotors.net/Nile/154366-a.html

http://www.nilemotors.net/Nile/155347-f0.html

وهذا موضوع به صور لها:

http://www.nilemotors.net/Nile/177194-byd-f0.html

وهذا موضوع به فيديوهات لها:

http://www.nilemotors.net/Nile/174994-byd-f0.html

وإذا تصفحت المنتدى ستجد المزيد..

ربنا يوفقك في الاختيار

[ابو ياسمين]

الأستاذ / mimo4019 .. المحترم
لك جزيل الشكر والتقديرعلى مجهودك الرائع وحرصك على مساعدة زملائك .. بارك الله فيك ..
تحياتى

[x_gomgom]

انا عاجز جداً عن الشكر بارك الله فيك....
انا والله عارف اني تعبتكم بس للاسف ظروف العمل قاسيه منعاني اني اتصفح المنتدي بس البركه في الاخوه الموجودين.....
و احب اشكر جميع الاعضاء و خصوصاً العضو driver805 على مساعدته لانه بجد طمني....
جزاكم الله كل خير

[mimo4019]

الأستاذ / mimo4019 .. المحترم
لك جزيل الشكر والتقديرعلى مجهودك الرائع وحرصك على مساعدة زملائك .. بارك الله فيك ..
تحياتى

العفو يا فندم من بعض ما عندكم، انا مهما عملت عمري ما هوصل للي حضرتك بتخدم بيه المنتدى

انا عاجز جداً عن الشكر بارك الله فيك....
انا والله عارف اني تعبتكم بس للاسف ظروف العمل قاسيه منعاني اني اتصفح المنتدي بس البركه في الاخوه الموجودين.....
و احب اشكر جميع الاعضاء و خصوصاً العضو driver805 على مساعدته لانه بجد طمني....
جزاكم الله كل خير

ربنا يخليك ويوفقك في الاختيار لأنه فعلا موضوع محير

[monyson]

بصراحة احترنا في الاختيار

[x_gomgom]

و يا ريت لو اي احد من الاخوه الاعضاء وصل لاي جديد يا ريت يضيفه في الموضوع و يبقي مرجع لكل اخ و صديق عاوز معلومات عن السياره.....
انا شخصياً لو ربنا كرمني و اشتريت اول حاجه هعملها هكتب تقرير مفصل عنها بإذن الله على الاقل الواحد يرد جميله من جمايل المنتدى الرائع ده.....
دعواتكم يا اخواني

[x_gomgom]

معلش في سؤال هو التسليم فوري ولا هيقعدوني اسبوع مستني الورق (انا اجازتي كلها اصلا 5 ايام و بيقي راكبها عفريت)
انا مستني انزل اجازه و ان شاء الله هشتري علي طول,,,,
يا ريت لو حد يفيدني في الموضوع دا