Byd f3 ولا سيارة حديثة إستعمال خفيف ؟؟

[gad_fcis]

السلام عليكم و رحمة الله و بركاته
اخوتي الأفاضل أنا في حيرة و عايز أخد رأيكم لما عهدته منكم من أمانة في النصح بكل حيادية


أن كنت نويت اني اشتري BYD F3 زيرو بالتقسيط
بس الحمدلله ربنا كرمني بجمعية في الشغل فإنشاء الله المبلغ هيبقى معايا كاش و أبعد عن وجع دماغ التقسيط و حظر البيع و التأمين و الكلام دة


المهم حصل حاجة من 3 أيام كدا خلتني ابتدي أفكر بطريقة مختلفة ، واحد صاحبي كان عايز عربية بس كان مقتنع أوي باوبل استرا خصوصاً انها مع واحد صاحبنا و مشاء الله عليها ، المهم ربنا كرمه باوبل استرا موديل 2006 فبريقة برة و جوة عاملة 38 ألف كيلو أوتوماتيك ABS و airbags جبناها ب-65000 جنيه


دلوقتي أنا في حيرة ، هل أجيب BYD F3 زيرو و للعلم أنا مقتنع بها تماماً بس أنا بفكر في ال-resell ؟ ولا أجيب حاجة حديثة إستعمال خفيف زي مثلاً لانسر بومة أو اوبل استرا زي صاحبي مع تحفظي على مصاريف صيانتها اللي إلى حد ما مرتفعة ؟؟


المشكلة اني لو جبت مستعمل و طلع فيها حاجة عايزة تتغير مش هيبقى معايا ميزانية كبيرة للتصليح خصوصاً اني هابقى بسد في فلوس الجمعية



ياريت اللي يرجح أي إختيار يقول إيه الأسباب


و أنا أسف اني طولت عليكم

[adel418]

بص حضرتك من ناحية الأستعمال انا لا احبذة ولا افضلة ولكن لو العربية حالتها كويسة اوكى بس خلى بالك ان اللى بيبيع عربية يبقا فيها حاجة مش شرط انها وحشة ولكن اقصد انا عليها صيانات بمصاريف كتير
بالنسبة للf3 احسبها عند الله انها فعلا من خيرة السيارات اللى نزلت مصر انا عندى اللانسر بتاعة اخويا وصدقنى انا حاسس ان ال f3 ما تفرقش عنها اى حاجة بالعكس f3 تتفوق فى حاجات
عموما استخير الله اكتر من مرة وربنا هيوفقك ان شاء الله للأحسن والأفضل

[memos]

السلام عليكم و رحمة الله و بركاته
اخوتي الأفاضل أنا في حيرة و عايز أخد رأيكم لما عهدته منكم من أمانة في النصح بكل حيادية


أن كنت نويت اني اشتري BYD F3 زيرو بالتقسيط
بس الحمدلله ربنا كرمني بجمعية في الشغل فإنشاء الله المبلغ هيبقى معايا كاش و أبعد عن وجع دماغ التقسيط و حظر البيع و التأمين و الكلام دة


المهم حصل حاجة من 3 أيام كدا خلتني ابتدي أفكر بطريقة مختلفة ، واحد صاحبي كان عايز عربية بس كان مقتنع أوي باوبل استرا خصوصاً انها مع واحد صاحبنا و مشاء الله عليها ، المهم ربنا كرمه باوبل استرا موديل 2006 فبريقة برة و جوة عاملة 38 ألف كيلو أوتوماتيك ABS و airbags جبناها ب-65000 جنيه


دلوقتي أنا في حيرة ، هل أجيب BYD F3 زيرو و للعلم أنا مقتنع بها تماماً بس أنا بفكر في ال-resell ؟ ولا أجيب حاجة حديثة إستعمال خفيف زي مثلاً لانسر بومة أو اوبل استرا زي صاحبي مع تحفظي على مصاريف صيانتها اللي إلى حد ما مرتفعة ؟؟


المشكلة اني لو جبت مستعمل و طلع فيها حاجة عايزة تتغير مش هيبقى معايا ميزانية كبيرة للتصليح خصوصاً اني هابقى بسد في فلوس الجمعية



ياريت اللي يرجح أي إختيار يقول إيه الأسباب


و أنا أسف اني طولت عليكم

اخي العزيز انا ها أرد عليك بمنتهي الموضوعيه والامانه اولا الاوبل من العربيات الجميله والتي تتجسد فيها الروح الالمانيه بحق فهي عربيه قويه قطع غيار معمره ولكن ما هو سوقها في مصر بتقول 2006 اشتراها صاحبك ب65000 عارف صاحبها اشتراها من 4 سنين بكام فوق 100000 بمراحل يعني خسر حوالي 60000 في 4 سنين ان مكانش اكتر ثانيا المتسوبيشي عربيه جميله بس ماتور 1300 تكيف ضعيف ومشاكل في العفشه وخساره 30000 علي الاقل في البيع موديل 2008 ايه الي يمنعك من شراء الجديد علي الاقل يوم ما هيقول يا ميكانيكي مش قبل 3 سنين الbyd مش بقول انها احسن عربيه ولكنها انسب عربيه بالنسبه للسعر انا مجربها بقالي شهرين والعربيه الصراحه جميله مركز الخدمه مهما يقولوا عليه الصراحه مش وحش وبالنسبه لمراكز اخري غايه في الروعه وبعدين انت هتركب عربيه جديده بماتور متسوبيشي وصالون وعفشه كرولا ب66000يا بلاش صدقني انت الكسبان لك تحياتي

[lonedoctor]

انا معلوماتى عن الاوبل ليست دقيقة ولكن معلوم انها سيارة المانى محترمة بلا جدال ولكن حسب معلوماتى انها مكلفة من حيث الصيانة وقطع غيارها غالية جدا وكذلك معقدة فى التكنولوجيا والمكونات
فى المقابل مبدا السيارة الزيرو هو الافضل من حيث الاختيار ومعاك عدة سنوات مع الصيانة بلا مشاكل ووجع دماغ بالاضافة انه السيارة byd سيارة محترمة جدا وذو اعتمادية خطيرة اذا ما قورنت بغيرها من السيارات وعن تجربة وانا رايي جرب تركب السيارتين وتقارن بشكل عملى على ارض الواقع وانا سيدى الفاضل عندى كورولا 2010 وعندى byd وموش حاسس بينهم بفارق جوهرى عمليا بل فى قوة التسارع تتفوق بصراحة والقدرة على المناورة فى السرعات العالية وفرامل افضل
توكل على الله واشترى زيرو افضل من المستعمل ولن تندم بغض النظر عن شرائك ل byd او غيرها
وتقبل تحياتى

[ehabpopo]

اخي العزيز انا ها أرد عليك بمنتهي الموضوعيه والامانه اولا الاوبل من العربيات الجميله والتي تتجسد فيها الروح الالمانيه بحق فهي عربيه قويه قطع غيار معمره ولكن ما هو سوقها في مصر بتقول 2006 اشتراها صاحبك ب65000 عارف صاحبها اشتراها من 4 سنين بكام فوق 100000 بمراحل يعني خسر حوالي 60000 في 4 سنين ان مكانش اكتر ثانيا المتسوبيشي عربيه جميله بس ماتور 1300 تكيف ضعيف ومشاكل في العفشه وخساره 30000 علي الاقل في البيع موديل 2008 ايه الي يمنعك من شراء الجديد علي الاقل يوم ما هيقول يا ميكانيكي مش قبل 3 سنين الbyd مش بقول انها احسن عربيه ولكنها انسب عربيه بالنسبه للسعر انا مجربها بقالي شهرين والعربيه الصراحه جميله مركز الخدمه مهما يقولوا عليه الصراحه مش وحش وبالنسبه لمراكز اخري غايه في الروعه وبعدين انت هتركب عربيه جديده بماتور متسوبيشي وصالون وعفشه كرولا ب66000يا بلاش صدقني انت الكسبان لك تحياتي

اؤايد كلام الاستاذ/memos ونظرا لظروف حضرتك المادية اللى حضرتك حكيت عنها بسبب الجمعية ال byd تناسبك اكتر ... قطع غيارها متوفرة وسعرها معقول .. ولما تتحسن الظروف ممكن تستبدل القطعة اللى تستهلك بغيرها تويوتا كورولا ...
وعلى فكرة انا ظروفى مشابهة لحضرتك تماما ... ولاكنى بعد التفكير ومتابعة اراء اصدقائى فى هذا القسم ...اتوكلت على الله وصليت صلاة استخارة وحجزت ال byd
المهم انك تستخير ربنا ... وان شاء الله يهديك الى الافضل

[mmmmgogommmm]

انا فى نفس موقف حضرتك باالظبط بس انا حسبتها فوجدت الbydزيرو افضل----اولا /احتمال ضعيف تلاقى حد بيبيع عشان يغير او محتاج الفلوس فى موضوع تانى---على الاغلب الكل بيبيع عشان عربيتة بدات تطلب قطع غياروصيانة او لان نوع عربيتة او موديلها بدا فى الانقراض وكمان سنة ولا سنتين محدش هيشترية بسعر مقبول ----او لانها لما بدات تحتاج قطع غيار اكتشف انها غالية جدا والنقطة دى بتنطبق على الالمانى تحديدا والاوروبى عامة-ميتركبوش غير زيرو--ودة سبب انخفاض سعر اعادة بيعهم---=ثانيا/لو فكرت فى الbydهتلاقى الزيرو بتاعها بسعر المستعمل---ومش محتاجة تامين لان اسعار هيكل العربية (كبوت-باب-اكصدام-رفرف)كلها اسعار بسيطة ومعقولة ---حتى اسعار جدول الصيانة معقولة جدا جدا جدا---- مش هتلاقى اى عبىء مادى ناتج عن العربية يمنعك تكمل التزماتك فى الجمعية----اى مشكلة ميكانيكية او كهربية او فى العفشة الوكيل مسؤول عنها وبيغطيها الضمان لمدة 3 سنين موضوع انها لاقدر اللة تتخبط فدة قضاء وقدر ومن لطف اللة ان اسعار جسم العربية اقل من اسعار جسم العربيات الكورى--------انا نفس ظروفك وقررت اشتريها---هدفع حوالى 80/ من تمنها مقدم والباقى قسط بس تقسيط اسلامى100/100 عند الشركة العالمية وكيل دايهاتسو فى مصر ووكيل تويوتا فى السعودية-نظام اسلامى معتمد من مجمع البحوث الاسلامية فى السعودية--- وراجع اسعار قطع غيار الانواع الاخرى فى المنتدى وربنا يوفقك

[dodedode]

معلش ياجماعه انا اسف لحد الالمانى ونتريث الf3 عربية جميله وانا معجب بيها لاكن الاوبل اصل بردووووو يعنييييييي

الاوبل حلوة بس لو عرت تكسر فالسعر شويه يبقااااااا لوووووززززز العـــــــنـــب

[elmkaneeki]

الجديد جديد

[gad_fcis]

متشكر جداً لكل الاعضاء الكرام لحرصهم على تقديم النصيحة بكل أمانة و حيادية كالمعتاد
أنا كدا كدا إنشاء الله هستخير و قدامي وقت أفكر فيه بس بيني و بينكم أنا ميال أكتر ل-BYD F3


و طلب خاص من أستاذ mmmmgogommmm
ياريت يقول ازاي أوصل لحد تبع عبد اللطيف جميل أو يدني كونتاكت أي حد هناك يكون كلمه عشان تقسط العربية ، معلش أنا بتقل عليك

[ozama22]

حضرتك في حالة شراء الbyd بتحصل على قيمة اعلى من المدفوع وطبعا الاوبل لا يعلى عليها ولكن تكلفة الصيانة وقطع الغيارة عالية بعكس الbyd وربنا يوفقك لما فية الخير

[opelawy]

ال byd حلوة يا استاذ جاد بس هيا مقارنة ركوية عربية الماني و اللي مجرب الالماني يحكم ولا ركوب عربية- الصينين جمعوا فيها مواصفات العربيات المعمرة الاخري بهدف الوصول لاكثر اعتمادية و سهولة صيانة و قطع غيار و الخ الخ

عربية من بلد بتصنع عربيات من 100 سنة + قوة و ثبات و اسم

ولا عربية من بلد مجتهتده جديد في مجال الصناعة ( زي كوريا زمان )+ اعتمادية نوعا ما ( نسبة لفترة تواجدها في مصر 3 سننين مثلا - الي الحكم عليها الحكم النهائي بعد ما تكون زي الهيونداي كده 10 - 15 سنة )

انتا صاحب قرارك يا باشا اركب دي و اركب دي و اسال علي قطع الغيار بالتفصيل للاثنين و قارن و استخير و ربنا معاك

[opelawy]

اقولك

http://www.nilemotors.net/Nile/191326-byd.html

جرب المقابلة دي و سوقها و ربنا يسهلك ان شاء الله للخير ( سواء دي او دي )

[gad_fcis]

متشكر يا باشا و انشاء الله هاخد بنصيحتك (اركب دي و اركب دي و اسال علي قطع الغيار بالتفصيل للاثنين و قارن) و ربنا يقدم اللى فيه الخير

[ahmed1981]

الزيرو لا يعلى عليه
حتى لو مرسيدس مستعمل برضه ليها مشاكل

حاول تعدد في اٌختيارات في الزيرو عشان تختار حاجة مميزة

ونصيحة مني رغم إنها خارجة عن الإختيارات

عليك بالرينو لوجان الزيرو
وبإذن الله هتدعيلي