تقرير مفصل جدا جدا عن الf0

[driver805]

بعد التحية على الناس الحلوة اللى فى المنتدى
بالنسبة ان العربية مفيهاش بدون كماليات اوكاملة هى نوع واحد فقط هو 2زجاج كهرباء-تكييف--كاسيت سى دى
بالنسبة لمميزات العربية
التسارع من 0 الى 100 فى اقل من 5 ثوانى
بالنسبة للفرامل كويسة جدا بما ان الجنوط 14 فالطنابير كبيرة
تقفيل كويس جدا واحسن من الماروتى والالتو
الخامات كويسة -العفشة تويوتا ايكو
البنزين لا يوجد استهلاك نهائيا الصفيحة بتعمل جوة البلد حوالى من 320 الى350 حسب الوقوف
وعلى السفر حوالى 400 الى450 متوسط السرعة 100
الشنطة صغيرة الى حدا ما والكنبة ثابتة لا تنحنى
تكفى 4 اشخاص مرتاحين
العيوب
صوت الماتور خشن وعالى الى حدا ما جوة الصالون وبرة العربية عادى جدا ولكن مع العلم ان السبارك نفس الصوت والشانا بينى والشيرى كيو كيو غالبا كل المواتير الصينى اللى اقل من 1300 كدة وعشان سير الكاتينة حديد
خفيفة على الطريق بعد ال100 بالنسبة انها 870
وللاستفسار عن اى حاجة دة رقمى واهلا باى حد فى اى وقت 0102372139

[bassem.naguib]

ربنا يبارك ليك في العربية .. ويكفيك شرها بإذن الله .

ليا ملحوظة بخصوص التسارع .. حاسس أنها ممكن تجيب سرعة 100كم في أكتر من 5 ثواني .. أحسبها تاني كدة ممكن تكون في حدود 10 أو 15 ثانية .

وهل تقصد أربعة ركاب بالسائق أم من غير السائق .

وشكراً على اهتمامك وكتابة التقرير .. ونحن في انتظار تقييمات أخرى لها .

[driver805]

اربعة بالسائق
وبالنسبة للتسارع بجد ولو تحديدا مش اكثر من 7 ثوانى
واللة الاكسنت 1500 والفيرنا والانوس بتطلع منهم اول وتانى عن تجربة

[elmanahry]

شكرا جزيلا على التقرير العملى من مالك للسيارة فعلا سيادتك حققت السبق فى التحدث عن خبرتك مع السيارة انا احب هذه السيارات ذات السعات اللترية الصغيرة لما سمعته عن استهلاك البنزين وقدرة السيارة على ان تعطى اداءا عمليا يعطى فى النهاية مايمكن ان تعطية السيارات ذات السعات اللتريه العالية ذكر لى اثنين من الاطباء الفرنسيين انهم كانوا يسافرون من ولاية تيهرت بالجزائر الى المغرب فى سيارة سيتروين تروا شيفو بصفيحة بنزين ويجدوا ان العداد لم يصل الى الزيرو وذلك عام 1982 وحكت لى مديرة مدرسة بانهم يملكون سيارة اوكا روسى يضعون فيها صفيحة بنزين اول الشهر عندما يقبضون المرتب ويقضون كل مشاويرهم داخل مدينتهم طوال الشهر ولا يضعون بنزين الا على قبض المرتب الشهر التالى كنت اتمنى ان احصل على سيارة من هذا النوع ولكن نظرا لطولى واحتاجى لسيارة اتوماتيك لم اقدم على شراء سيارة من هذا النوع شكرا جزيلا على ذكرالخبرة وبالبركة على الدوام ولكن ارجو ان تشرح لى سيادتك انطباع الناس عند رؤيتهم لهذه السيارة واطرف التعليقات عليها وشكرا جزيلا

[x_gomgom]

أولاً احب اشكرك جداً على مساعدتك لي بخصوص الشراء و جزاك الله كل خير (انا رامي يا باشا)
هي بالنسبه لاستهلاك البنزين عن تجربه القياده بسرعه تتراوح (100-120) عملت في ال 23 لتر 407.6 كيلو متر (حوالي 17,7 كيلومتر في اللتر)...
التسارع بتاعها ممتاز جدا انت و على 100 و بتدوس بنزين تحس انها عايزه تنط... امام موضوع كام ثانيه دا انا والله محسبتوش....
وكما ذكر استاذنا احمد هو صوتها خشن شويه و مسموع داخل الكابينه.....
العربيه عفشتها جميله جداً و ماسكه نفسها على الارض (انهارده واخد كام تحويله من الظراف اللي في طريق الاسكندريه الصحراوي على 70 و الحمد لله ثابته جداً)....
العربيه بجد ليها مستقبل واعد جداً بس لو اتسوقت صح , خصوصاً انها بتخاطب فئه كبيره من المستهلكين...

[driver805]

مبروك يا رامى باشا وبالنسبة الافراج حضرتك عملت فية اية وربنا يديك خيرها ويكفيك شرها

[mazagngi2010]

ممكن صور لعربيتك؟ وايه اخبار قطع الغيار والصيانه

[Karim_Monir]

حاول تكتب تفاصيل اكتر واذكر العيوب اهم من المميزات ونزل صور لعربيتك وابعتلي لينك واثبتلك الموضوع

[moody1]

بعد التحية على الناس الحلوة اللى فى المنتدى
بالنسبة ان العربية مفيهاش بدون كماليات اوكاملة هى نوع واحد فقط هو 2زجاج كهرباء-تكييف--كاسيت سى دى
بالنسبة لمميزات العربية
التسارع من 0 الى 100 فى اقل من 5 ثوانى
بالنسبة للفرامل كويسة جدا بما ان الجنوط 14 فالطنابير كبيرة
تقفيل كويس جدا واحسن من الماروتى والالتو
الخامات كويسة -العفشة تويوتا ايكو
البنزين لا يوجد استهلاك نهائيا الصفيحة بتعمل جوة البلد حوالى من 320 الى350 حسب الوقوف
وعلى السفر حوالى 400 الى450 متوسط السرعة 100
الشنطة صغيرة الى حدا ما والكنبة ثابتة لا تنحنى
تكفى 4 اشخاص مرتاحين
العيوب
صوت الماتور خشن وعالى الى حدا ما جوة الصالون وبرة العربية عادى جدا ولكن مع العلم ان السبارك نفس الصوت والشانا بينى والشيرى كيو كيو غالبا كل المواتير الصينى اللى اقل من 1300 كدة وعشان سير الكاتينة حديد
خفيفة على الطريق بعد ال100 بالنسبة انها 870
وللاستفسار عن اى حاجة دة رقمى واهلا باى حد فى اى وقت 0102372139

العربيات ال3000 سى سى هى الى تسارعها 7 ثوانى

واسرع عربية 1600 سى سى هى الهوندا سيفيك تسارعها من0ل100 ف10.4 ثانية

يبقى تيجى ازاى؟؟؟؟؟

حاول تتاكد لان فيه ناس ممكن تصدق

[elsherif_2000]

التسارع من 0 الى 100 فى اقل من 5 ثوانى

?????????????????????????????

[x_gomgom]

مبروك يا رامى باشا وبالنسبة الافراج حضرتك عملت فية اية وربنا يديك خيرها ويكفيك شرها

انا خلصته من مرور مدينه نصر بالظبط في 10 دقايق بس ملحقتش ارخص الا تاني يوم....
الحمد لله و شكراً جداً لمساعدتك

[ابو ياسمين]

ليا ملحوظة بخصوص التسارع .. حاسس أنها ممكن تجيب سرعة 100كم في أكتر من 5 ثواني .. أحسبها تاني كدة ممكن تكون في حدود 10 أو 15 ثانية .

ملحوظة سليمة .. واعتقد أنة حدث خطأ فى حساب التسارع
لأن تسارع السيارة BYD F0 هو بالضبط
seconds. 12.8 من سرعة 0 : 100 KM/H

رابط إلى تسارع السيارة
http://en.wikipedia.org/wiki/BYD_F0

[monyson]

يعني العربية حلوة و لا ايه و متنسوس الرسول صلى الله عليه و سلم فال : المستشار مؤتمن يعني الرد بأمانة و جزيتم الجنة

[bassem.naguib]

يعني العربية حلوة و لا ايه و متنسوس الرسول صلى الله عليه و سلم فال : المستشار مؤتمن يعني الرد بأمانة و جزيتم الجنة

عاوز أوضح لحضرتك نقطة مهمة جداً .. اللي ممكن يعجبني ممكن ميعجبش حضرتك .. فالعملية نسبية بحته .

والمثل يقول لولا اختلاف الأذواق لبارات السلع .

علشان تاخد النصيحة الصح من الأخرين وتكون مقتنع بيها .. لازم تكون من شخص أنت واثق أن ذوقه يتناسب مع ذوقك .. أو تنزل تشوفها بنفسك وساعتها تقرر أنت مرتاح ليها ولا لآ .. وبعد كدة تسأل عن الأداء بتاعها من ملاكها .. أنا بقول الكلام ده من منطلق أننا منظلمش صاحب التقرير ونرجع ونقول هو اللي دبسني في حالة لو العربية معجبتكش .

[monyson]

عاوز أوضح لحضرتك نقطة مهمة جداً .. اللي ممكن يعجبني ممكن ميعجبش حضرتك .. فالعملية نسبية بحته .

والمثل يقول لولا اختلاف الأذواق لبارات السلع .

علشان تاخد النصيحة الصح من الأخرين وتكون مقتنع بيها .. لازم تكون من شخص أنت واثق أن ذوقه يتناسب مع ذوقك .. أو تنزل تشوفها بنفسك وساعتها تقرر أنت مرتاح ليها ولا لآ .. وبعد كدة تسأل عن الأداء بتاعها من ملاكها .. أنا بقول الكلام ده من منطلق أننا منظلمش صاحب التقرير ونرجع ونقول هو اللي دبسنيفي حالة لو العربية معجبتكش .

السلام عليكم استاذ باسم انا متشكر على اهتمام حضرتك و الرد عليا و لكن احب اوضح نقطة هي اني مش بدور على الاذواق اللي اكيد بتختلف من واحد للتاني زي ما حضرتك بتقول لكن أنا بقول لو فيه عيب معين مثلا و أصبح منتشر و معروف بين ملاك العربية مثلا يبقى عاوز أعرفه مش مسألة أذواق بس مسألة تبادل خبرات ياريت يكون قصدي واضح و لحضرتك كل الشكر و في الآخر أنا معجب بالعربية جدا كذوق لكن :b4_007::b4_007:معرفش أيه الوضع كأداء