تحية كبيرة جدا لمركز اولاد صبحى سند

[abed56]

شكرا ابنا ء صبحى سند على اصلاح استهلاك البنزين الف تحية وهذة التحية تقدم للى بيفهموا
فى 4g18

[mmmmgogommmm]

بنحاول نعرف ارقام شاسيهات ومواتير العربيات اللى فيها المشكلة دى عشان الوكيل يراجع المكونات اللى استخدمت فيها فلربما اشتركت جميعها فى رسالة واحدة لذا رجاء ضع بيانات سيارتك وشكرا لحسن تعاونك

[bassem.naguib]

[mohamedsisi]

والله انا بحترم حضرتك والناس كلها بس هموت واقول قفشه بعد اذنك


هم اولاد ابو سند غير اولاد ابو اسماعيل

هههههههههههههههههههههههههههههههههههههههههههههههههه ههههههه

مع الاعتذار لفيلم بوحه

وشكرا لحضرتك على المعلومه

[abed56]

يا استاذ التوكيل لا حيراجع ولا حينيل انت من كوكب تانى ولا اية اسف متزعلش هو التوكيل ولا صاحبة فاضين للمهاترات دى

[ابو ليلى]

انا بقى حظى كان معاهم وحش جدا

اخدو منى 4000 ج والعيب زى ما هو ولو كنت كملت كان المبلغ زاد وبرضه عمرهم ما كانو هيوصلو للعيب

بينى وبينك الاسم ده بيعصبنى

وحسبى الله ونعمة الوكيل فيهم

ونصيحة لوجه الله تعالى ابعدو عن المركز ده .

[bassem.naguib]

انا بقى حظى كان معاهم وحش جدا

اخدو منى 4000 ج والعيب زى ما هو ولو كنت كملت كان المبلغ زاد وبرضه عمرهم ما كانو هيوصلو للعيب

بينى وبينك الاسم ده بيعصبنى

وحسبى الله ونعمة الوكيل فيهم

ونصيحة لوجه الله تعالى ابعدو عن المركز ده .

تقصد حضرتك أنهي مركز بالظبط .

[ابو ليلى]

تقصد حضرتك أنهي مركز بالظبط .

صبحى سند

[kokyjoon]

إستفسار

سلام عليكم

ياريت تحكيلنا حكايتك مع أولاد سند وإيه موضوع ال 4000 جنيه

[ابو ليلى]

انا اخوكم فى قسم كيا وعندى عربية سيراتو

العربية ظهر فيها مشكلة وسبق وكتبت عنها كتير فى القسم عندنا

واحد ابن حلال رشحلى مركز صبحى سند علشان مشكلة عربيتى كانت غريبة شويه

ان العيب اللى فيها بيروح وبيجى مش ثابت

رحت المركز وقبلت المهندس طارق واستلم العربية وحبيت اشرحله ايه المشكلة

العيب عندى ان العربية مكنتش بتجيب غير الغيار التالت بس من البداية الى النهايه

من قبل ما اقوله انا عملت كذا وارحت عند فلان قالى انا مش فاضى اسمع سيب العربية

ولما تخلص احنا هنكلمك ...طب ياسيدى اسمع منى ...قالى قول ...قلته انا رحت للمكان الفلانى

والمهندس اللى هناك قالى كذا كذا وكذا ..قالى ده مهندس ابن ......وحمار وسيب العربية

ماشى ياسيدى .......بعديها بيومين كلمونى العربية تمام وتعالى خدها ماشى ايه اللى فيها

قالى تعالى وهتعرف ...طب كام قالى 1200 ج ( العربية زيرو كانت عاملة حوالى 5000ك والعيب ظهر عندى وهى 1500 ك ) طيب انا جايلك

رحت لقيت العربية خلاصنة ..ايه اللى فيها ...قال كان فى مشكلة فى ضفيرة الكهربا واحنا صلحنها

ايه هى المشكلة ....فيما معانه احمد ربنا ان العربية اتعملت اصلا بدل ما كنت غيرت فتيس كامل

يعنى كده خلاص ...ايوة خلاص ...

مشيت تانى يوم العيب رجع تانى ....رحت نفس الكلام اللى فات سيب العربية واتفضل ولما تخلص
هنكلمك ...طيب محتاج افهم ...قالى ما هو انا لو قعدت افهم كل عميل يبقى مش هشتغل انت ليك العربية تكون سليمة ( بنفس الالفاظ كده بالظبط )

حوالى شهر رحت فيه المركز يجى 7 مرات وكل مرة العيب كان كذا وعملنه ويرجع نفس العيب تانى

رايح جى كل اسبوع اودى العربية واسيبها 3 او 4 ايام واروح اخدها تقعد يوم او اتنين او اسبوع وترجع تانى

لدرجه انا الناس هناك خلاص عرفتنى من صنيعية الى عامل الامن اللى المفروض بيستقبل العربيات

اخر مرة قلى سيب العربية لمدة اسبوع ونشوف ايه هى القصه

( جملته المشهورة اللى كان على طول يقولها انت جيبالنا مصيبة وعاوزنا نعملها يبقى استحمل )

المهم اخر مرة العربية اتعملت وقال الاتى ( تصليح كمبيوتر العربية - وتغير فالف بادى حساس + تغير زيت فتيس 400ج لوحده + مش فاكر ) كام ياعم 3200 ج طب ازاى ....؟ واللى دفعته المرة اللى فاتت كان ايه
قال كان عندك قافلة فى الضفيرو وصلحنها ( طبعا كلام فاضى ) طيب ما انتو اخدو منى حق مصنعية وطالما العيب مش منها يبقى نخصم حق المصنعية ......قال لا انت كان عندك العيب وصلحنه ودى حاجات تانية

المهم وصلنا انى هدفع 2800 ج وكان اول مرة 1200 يبقى اجمالى 4000ج

اخدت العربية وقلت الحمد لله مش مهم بعد شهر وبالظبط العيب ظهر تانى تقريبا قبل العيد الصغير
بيومين ( يوم ليلة القدر ) وطبعا اتصلت قالى تعالى بعد العيد علشان الناس اخدت الاجازة

رحت بعد العيد واختصار الكلام ان العربية محتاجه تغير كمبيوتر العربية ( كنترول يونت ) بالكامل
قلت وماله غيره بس مش هدفع ولا مليم تانى .....قالى لا طبعا ...قلته واللى فات قلى اللى فات احنا صلحنا بيه الحاجات اللى كانت بايظه والعيب عندك كبير ...

للعلم انا قبل ما اروحله كنت رحت لحاولى 5 مراكز خدمة قبل كده وعملو كل شى هو عملو ويعلم الله
انى لم ادفع غير حوالى 200 ج فى مركز من المراكز لان العيب كان بيرجع تانى

المهم ...حولت اعمل اى حاجه ...مافيش فايده لو غيرنا الكنترول هتدفع حقه .....

مشيت من هناك وانا كل اللى بقوله حسبى الله ونعمة الوكيل فيكم

ده اللى حصل باختصار شديد ( معايا كل الفواتير وايصالات استلام النقدية )

المهم بقى ان العربية والحمد لله اتصحلت عارفين كان العيب فين

العيب ان الفيشة اللى وصلة للكنترول يونت واسعه وبالتالى كانت بتفصل فى جزء معين اللى هو الخاص بالفتيس والحل بكل بساطة ضيقنا الفيشة والعيب راح بس .

انا بقول اللى حصل بناء على الرسائل اللى جتلى على الخاص عاوز تعرف المركز ده عمل ايه معايا وانا بقول اللى حصل بامانة وماليش دعوة بموضوع عربياتكم تماما لان اللى شدنى ادخل الموضوع هو اسمه فقط ....

[memos]

الحمد لله انك عرفت الناس ان فيه مراكز بتنصب علي النس بجهل وليس بعلم انا متأكد انك كان عندك استعداد تدفع الي دفعته بنفس راضيه لو كان العيب اتصلح لكن للاسف بعد كل الاموال دي وطلعت العمليه جهل بالصنعه ياريت بلاش تصدعونا بولاد سند او اسماعيل دول

[M7amD_7amDy]

أعتقد بعد اللى حصل لأبوليلى ده

يبقى ده مركز محترم؟؟

أو حد يفكر يروحله أصلا؟؟

[adel418]

الأخ الفاضل اللى حكى مشكلتة حكى عن عربية كيا سيراتو وطلع فيها عيب - مش ال f3 يعنى اى عربية ممكن يكون فيها عيب ولو بسيط
الأهم ان مركز اولا سند كدة اتفضح مش عشان معرفش يصلح العيب بس لا دا عشان الغشومية فى الردود على عملاؤة


ربنا يكون فى عون اولاد سند بعد حملة الدعاية الممتازة اللى اتعملت ليهم دى ههههههههههه

[memos]

المشكله ان الاخ الفاضل الي عامل الموضوع بعتلي علي الخاص اكتر من مره عشان يقولي علي المركز ده عرفت مين الي بيبقي عميل لمركز او توكيل

[bassem.naguib]

أنا كنت متابع المشكلة بتاعة حضرتك يا أستاذ/ أبو ليلي .. وربنا وحده يعلم رغم أني مشفتكش ولا أعرف حضرتك شخصياً .. إلا أني كنت متفاعل جداً معاها .. وكنت بدعي أن ربنا يخلصك من المشكلة الخبيثة دي واللي خلتك تدفع دم قلبك في عيب تافه .. والحمد لله أنها اتصلحت وربنا يباركلك فيها ويبعد عنك شرها .

وشكراً على نقلك للتجربة مع مركز أولاد سند .