الناس اصحاب الخبرة ارجو المساعده

[pcaccess]

السلام عليكم
انا معايا بى واى دى من 2008
ولمبة الكشاف العالى اتحرقت وقلتلهم فى التوكيل غيروها (كانت الصيانة فى فرع العباسية) واتغيرت وتمام
بعد حوالى 9 شهور بدأت الاحظ ان الكشاف اللى اتغيرت فيه اللمبة بدأ يبقى غامق وجواه تراب
قعدت افكر واقارن بين الكشافين
اكتشفت انهم فى التوكيل (الله يجازيهم على قدر عملهم وحرقة اعصابى)
اكتشفت ان فيه كاوتشة المفروض تركب بعد اللمبة بحيث تمنع التراب انه يدخل جوه الكشاف وهما بسلامتهم شايفين ان الكاوتشة دى مالهاش اهمية وماركبوهاش

انا دلوقتى مش عارف اعمل ايه....افك الكشاف وانضفه من جوه؟؟ طب انضفه بإيه وازاى؟؟ طبعا التوكيل ممكن يقولى غير الكشاف كله

افيدونى افادكم الله

[bassem.naguib]

أعتقد أن البولش بتاع تلميع السيارات بيجيب نتيجة كويسة لأنه مرة أتعمل في الكشافات عندي .. بس أسأل الكهربائي اللي حتروح ليه الأول .. بس لازم تشوف الكاوتشة دي وتركبها بعد ما تلمع الكشاف .

وده موضوع عن تلميع الكشافات :

http://www.nilemotors.net/Nile/191947-a.html

[kokyjoon]

سلام عليكم

الأول لازم تعرف التراب دخل منين
أكشف على كوتشة التراب الخلفية اللى على اللمبة
علشان لما تنظف الكشاف مايتربش تانى

[kokyjoon]

سلام عليكم

أنا قريت طريقة التلميع اللى فى اللينك ممتازة بس دى لتلميع الكشاف من الخارج
لاكن مش هاتشيل التراب اللى من الدخل
لازم الفانوس يتفك وتخلع منه اللمبات وإنت وحظك أولا تجرب إنك تشطفه بماء وصابون
من مكان تركيب اللمبة الكبيرة وتكون المياه دافئة أفضل علشان تيل التراب وتشطفه
وبعد كده تنشفه ببلور هواء كويس
لاكن لو حظك وحش والتراب لازق جامد لازم تكون مجهز أنبوبة سيليكون وتفك لباغة الأمامية
خالص وتنظف أطرافها وأطراف الفانوس من السليكون وتنظف الفانوس بسفنجة بالصابون
وتنشفه بقماشة قطن كويس جدا وبعد كده ترجع تلزق الوش بالسليكون تانى وتاكد من
وضع السليكون كويس على أطراف الوش علشان مايكونش فى فراغات تدخل تراب اتانى
وثبت الفانوس تانى كويس وتأكد من وضع كوتشة التراب اللى على اللمة الكبيرة
لو إنت مش هاتعرف تعمل الموضوع ده ممكن اى بتاع كماليات يعملك الفانوس

[bassem.naguib]

سلام عليكم

أنا قريت طريقة التلميع اللى فى اللينك ممتازة بس دى لتلميع الكشاف من الخارج
لاكن مش هاتشيل التراب اللى من الدخل
لازم الفانوس يتفك وتخلع منه اللمبات وإنت وحظك أولا تجرب إنك تشطفه بماء وصابون
من مكان تركيب اللمبة الكبيرة وتكون المياه دافئة أفضل علشان تيل التراب وتشطفه
وبعد كده تنشفه ببلور هواء كويس
لاكن لو حظك وحش والتراب لازق جامد لازم تكون مجهز أنبوبة سيليكون وتفك لباغة الأمامية
خالص وتنظف أطرافها وأطراف الفانوس من السليكون وتنظف الفانوس بسفنجة بالصابون
وتنشفه بقماشة قطن كويس جدا وبعد كده ترجع تلزق الوش بالسليكون تانى وتاكد من
وضع السليكون كويس على أطراف الوش علشان مايكونش فى فراغات تدخل تراب اتانى
وثبت الفانوس تانى كويس وتأكد من وضع كوتشة التراب اللى على اللمة الكبيرة
لو إنت مش هاتعرف تعمل الموضوع ده ممكن اى بتاع كماليات يعملك الفانوس

طبيعي لازم وش الكشاف يتفك .. ويكون مجهز سيليكون للزق الوش بعد التلميع وكذلك لو فيه كاوتشات ناقصه لضمان عدم تسرب مياه أو أتربة داخل الكشاف .. زي ما حضرتك وضحت .

بس أنا كنت أقصد أنه لمزيد من الفاعليه في تنظيف الكشاف علشان المية والصابون مش حتشيل الاصفرار أو الغيامة .. يستخدم البولش (كمية صغيرة) وفوطة قطنية في التنظيف علشان لو كان فيه اصفرار من تأثير الأتربة .. وبعد البولش يغسل الكشاف بمية وينشف كويس (التأكد من جفاف الكشاف كويس) .

[memos]

طبيعي لازم وش الكشاف يتفك .. ويكون مجهز سيليكون للزق الوش بعد التلميع وكذلك لو فيه كاوتشات ناقصه لضمان عدم تسرب مياه أو أتربة داخل الكشاف .. زي ما حضرتك وضحت .

بس أنا كنت أقصد أنه لمزيد من الفاعليه في تنظيف الكشاف علشان المية والصابون مش حتشيل الاصفرار أو الغيامة .. يستخدم البولش (كمية صغيرة) وفوطة قطنية في التنظيف علشان لو كان فيه اصفرار من تأثير الأتربة .. وبعد البولش يغسل الكشاف بمية وينشف كويس (التأكد من جفاف الكشاف كويس) .

الموضوع اتفه منه مافيش هو هيروح للكهربائي وهو هيخلعه ويغسله ولو التراب لازق يجيب فرشه رفيعه وينظف بيها وان كنت اشك ان فيه تراب من الاصل هيلزق اما البولش اخالفك فيه الراي لان اللون الغامق من الداخل نتيجه التراب وبعدين هيروح التوكيل مضطر ويجيب الكاوتشه

[pcaccess]

اشكركم جدا يا جماعة على الردود والنصائح
بس انا مش برجح موضوع المية ده
هى النواكل اللى جوه دى صاج ولا بلاستيك ؟

طب يا جماعة لو حبيت افك الفانوس ده...فكه سهل ؟؟ انا ليا فى الحوارات دى بس ما عملتهاش قبل كده

وعلى فكرة موضوع التلميع من بره ده راااااااائع شكرا على اللينك

شكرا تانى يا جماعة

[mmmmgogommmm]

الفانوس لازم يطلع برة وتفكة وتشيل اللمبات وتغسلة وتحاول تمسح من الداخل بقماشة ملفوفة على اى حاجة رفيعة وطويلة وتنشفة كويس ولوعندك مصدر هوا للتجفيف زى السيشوار يبقى تمام وبعد كدة تركب وترجع كل حاجة زى الاول وتستخدم السيلكون الشمعة اللى باالمسدس الكهربى مش السيلكون الانبوبة بتاع الزجاج وهتلا قى الامور 100/100

[lonedoctor]

والله اخى الكريم انا لى راى مختلف تماما وهو انه لو حضرتك بتمشى بالسيارة كتير بالليل وبالذات طرق سفر يبقى غير الكشافين الاتنين بجديد وريح دماغك احسن بس اتاكد من انهم راكبين كويس والكوتشات فى مكانها وسعرهم الان موش غالى فى التوكيل بدل ما تفك وتركب وتلحم وتكلف نفسك بلا فائدة
تقبل تحياتى

[kokyjoon]

سلام عليكم
بس لو الكشافات بحالتها والعواكس بتاعتها كويسة يبقة خسارة تغييرها

[monyson]

تقريبا كل المشاكل خلصت و بقينا نختلف هنضف الكشاف ازاي؟؟؟؟؟؟؟؟؟؟؟؟؟؟؟؟؟؟؟؟