23 يناير يوم غريب في حياتي

[zizomizo]

في الحيققة فكرت كثيرا قبل أن أكتب هل هو أسوء يوم أم أغرب يوم في حياتي سأترك الحكم لكم مع علمي التام على أن ألأمر يختلف من فرد لإخر الموضوع بمنتهى البساطة توجهت إلى عملي صباح يوم أمس وأنا أعمل بإحدى شركات الصلب بمدينة السادات وهي مدينه لا يوجد بها مرور بمعنى أصح لا يوجد بها إشارات وليس بها عدد كبير من لسيارات ولكن أثناء توجهي للعمل وفي أحد الميادين الصغيرة وأنا في طريقي إذا بسيارة تقطع على الطريق فجاءة وبدون سابق إنذار وفي الحقيقة أنا كنت أراه ولكني لم أتخيل للحظة واحدة أن سوف يمر لأن هذا دوران وكان يجب أن ينظر قبل أن يمر وينتظر حتي يخلو الطريق المهم لضيق المسافة لم أستطع التوقف في الوقت المناسب وحدث إصتضدام نتج عنه كسر بالناحية اليسرى من الإكصدام وخروجه من مكانه أما السيارة الأخرى فكانت نيو أكسنت تقريبا معلقة نمر قبلها بيوم الرفرف اليمين كل سنه وأنتم طيبين راح في داهية بس اللي زعلني أنه نزل يزعق المهم الناس أتجمعت وكل واحد بكلمة وكله أجمع أنه هو الغلطان وأن ده طريقي مش طربقة وخلص الموضوع وكل واحد راح لحاله لكن الموضوع لم ينتهي بعد فبعد العمل أحد الأصدقاء كان راكب معايا وطلب مني أقف عشان ينزل يشتري حاجة المهم وقفت وكان فيه قدامي على بعد متر ونص تقريبا سيارة لانوس واقفة وفجأه وبدون سابق إنذار العربية رجعت للخلف وخبطت نفس المكان تاني حاجة كدة عاملة زي فيلم final destination وكأن كان في كلبس لسه مفكش وكان لازم يتفك المهم طلع صاحب العربية اللانوس صحبي ومعايا في الشغل طبعا في الأول خضيته ونزلت من العربية على أنه هوه إللي كسر الأكصدام بس بصراحة صعب عليا لأن وشه أتغير وجاب ألون تفتكروا الموضوع كده خلص وبكده يكون أسوء يوم لأ طبعا لسه توكلت على الله وقلت أروح بقى كفاية وقبل البيت بشوية وأنا ماشي تقريبا على 60 بصيت لقيت بنت صغيرة طلعتلي من على اليمين من وسط السيارات اللي راكنة وبتعدي الشارع جري من غير متبص لا يمين ولا شمال قضاء الله وحده هوه اللي أنقذ البنت وأنقذني طبعا أنا فرملت تقريبا على بعد شعرة من البنت والناس كلها وأصحاب المحلات شايفين الل بيحصل ولسه باخد نفسي لقيت اللي بيخبط فيه من الخلف بصراحة كنت خايف أنزل من العربية بس الناس طمنوني ونزلت وبصيت والحمد لله ملقيتش حاجة خربوش صغير طبعا كانت ميكروباص والراجل قعد يقول ويحلف والله هو اللي وقف فجأه طبعا الناس برده كلها شافت اللي حصل وبرده قلتله (أتوكل على الله ربنا يسهلك) جمله كررتها في يوم واحد 3 مرات وكان همي الأوحد أن أذهب إلى البيت لأني فعلا كنت خائف مش عارف فيه أيه وأيه اللي بيحصل بالظبط ولكن لا يسعني إلا أن أقول قدر الله ماشاء فعل.

[adel418]

قدر الله وما شاء فعل وان شاء الله خير قضاء احسن من قضاء

[TAMERHASSAN]

اخرج صدقه لله وربنا يكفينا ويكفيك شر العين

[golfawyzz]

لا حول ولا قوة الا بالله
قدر الله ماشاء فعل

[tifalol]

اليوم ده برصه غريب بس انا بقه
خبط في توك توك مره واحده اخد القرار و دخل شمال
فرملت بس العربيه موقفتش و عربيتي جابت كابوت و اكصدام و رفرف
يلا قدر الله و ما شاء فعل
الحمد لله على سلامتك :)

[pharonicking]

الحمد لله على كل شىء قدر الله وماشاء فعل

[Khaled_Nowaihy]

أهم حاجة نسيت تقولها فى كل اللى حصل :الحمد لله

[aamn]

لا حول ولا قوه الا بالله ايه يا جماعه الحكايه انا عربيتى خبطت فى تاكسى بس الحمد لله ربنا ستر لانى كنت نازله وحاطه ايدى على قلبى لزجاج الشنطه يتخبط والمشكله ان العربيه مفيهاش جزء صاج كله زجاج بس ربنا وحده عالم بالحال وسترها معايا بس اهم حاجه ان حضرتك سليم واهل بيتك سليم ممكن ربنا يفاديك انت او اهل بيتك بالخبطه ده وربنا يعوض عليكو يا رب

[BAssAMAmR]

الحمد لله وقدر الله وماشاء فعل والحمد لله انك سليم وربنا يسترها معاك ومعانا جميعا

[JUVENTUS]

الحمد لله الذي لا يحمد على مكروه سواه

[semmsem]

الحمد لله

[dolly13]

الف سلامة على حضرتك
وفعلا بيبقى فيه ايام غريبة فى حياتنا
الحمد لله انها جت على كدة

[memos]

فيه ايام بيبقي الخروج فيها غلط وبتبقي نوياها من اولها انا بعرفها من مجرد ما انزل والاقي فرده نايمه اقوم مدور مارشيدير علي البيت علي طول

[ozama22]

الحمد لله

[elmanahry]

عزيزى الفاضل قلبى معاك يمكن بقالى من شهر ديسمبر الماضى وانا على نفس المنوال مع السيارة ومع ظروف اخرى حتى اشعر انى كل يوم اصحو من النوم وانظرتحت المخدة وكان اجندة مهام مجهزة لى ولكن ربنا عظيم ومعوض الشيطان شغال لاكن لطف الله يتدخل ففى يوم من الايام كان يسكن معى وانا فى الكلية طالب طب من امريكا كانت تحدث معه احيانا ظروف مشابهة فكان يقول لى لن اخرج اليوم ويقول تعبير this is not my day ولكن تعودت فى هذه الظروف التى تحدث فى السيارة وعملى وعلاقاتى مع الاخرين ان اضع راسى بين راحتى واصلى الى الله بحرقة طالبا المعونة والحماية انصح لاى احد يتعرض لمثل هذه الظروف ان يركن سيارته على جانب الطريق ويصلى الى الله ويصرخ له طالبا المعونة والحماية لان حسد الناس يتمنى زوال نعمة الاخرين سواء سيارة او ملابس او اظهار مهارة فى العمل او المنطق او الثقافة فى الكلام ويصير الحاسد وكيل عدو الخير لتدمير وزعزعة ايمان الانسان وسلامة والحل الوحيد طلب معونة الله وشكر الله ويتاكد الانسان ان المعونة والحماية سوف تاتى من رب السماء لان بطلب الله فى مثل هذه الظروف سوف يكون الذين معنا اقوى من الذين علينا