عربيتي اتجننت!!!!!!

[x_gomgom]

انا كنت اشتريت f0 شهر 12/2010 و العربيه الحمد لله ماشيه تمام ما عدا موضوع التيل (صفاره و قلبت بحشرجه) والحمد لله على ذلك.....
اللي هيطير دماغي ازاي عربيه 1000 سى.سى و تلاته سلندر اللتر فيها يعمل 13 كيلو فقط؟؟؟؟
انا جربتها على السريع كانت بتعمل 17.5 كيلو في اللتر و من اسبوعين انخفضت ل14 و حالياً 13 (مع العلم اني مش بقرص نهائي و مريح العربيه جداً و متوسك سرعه 100 ك/س)....
العربيه لما بدورها الصبح فيها ريحه بنزين في العادم و في صوت فلاقعه مكتومه في الشكمان لما بهدي (يعني مثلاً معشق الغيار الثالث و ماشي على 50 ك/س و شلت رجلي من على الاكسراتير الاقي صوت طرقعه مكتومه في الشكمان زي ما تكون بترمي بنزين في الشكمان)......
يا ريت حد يفيدني في الموضوع دا و هل دا خلل في البوجيهات ولا ايه (انا اللي اعرفه ان العربيات القديمه ده عيب اسبراتير يا اما عايز يتقدم او يتأخر يا اما ابلاتين و كونددنسر و طبعاً الاموره انجكشن الوضع يبقي ايه؟؟)
برجاء سرعه الرد

[khalidawad]

أسلام عليكم
كانو بيقولوا مشكله البنزين دى لل f3 أيضا
وأعتقد إنهم وجدو لها حل
ماتروح التوكيل

[khalidawad]

ملحوظة : بعد الأراء التى سوف تجدها أن رنج 13 أو 14 ك / لتر
لا توجد به اى مشاكل وهو مناسب كداخلى
وعلى فكر إن شاء الله انا ناوى أقدم عليها قريبا
وربنا يهديهالك

[x_gomgom]

بس دي موتورها صغير جداً و 13 كيلو في اللتر بالنسبه لعربيه 1000 سى سى مش كتير ولا ايه؟!
انا غيرت طقم البوجيهات اللي فيها بطفم دينسو ياباني من توكيل تويوتا و نفس المقاس العربيه اتغيرت و بقت بتسحب و ربنا يسهل بالنسبه لصوت الفرقعه و الاستهلاك العالي.....
انا حاليا خارج القاهره و اول ما ارجع هروح التوكيل.....
ربنا يهديها

[x_gomgom]

الرقم دا (13 كيلو لكل لتر) ممكن لعربيه 1600 من دون تكيف و سواقه هادئه.....
لكن 1000 سى سى و كمان 3 سلندر اعتقد دا كبير شويه

[memos]

الرقم دا (13 كيلو لكل لتر) ممكن لعربيه 1600 من دون تكيف و سواقه هادئه.....
لكن 1000 سى سى و كمان 3 سلندر اعتقد دا كبير شويه

اخي العزيز من قال لك ان ال1600 بتعمل 13 ك في اللتر انا معايا 1600 وبتعمل من 9-11 في اللتر حسب مزاجها وحسب الاشارات وبعدين 14ك في اللتر مش وحش ابدا وعامع لما تروح الصيانه قولهم يبصوا علي السنسور بتاع البنزين لك تحياتي

[x_gomgom]

يا مسهل انا مستني اروح التوكيل.....
ربنا يهديها

[gad_fcis]

أستاذي الفاضل
أنا معايا سوزوكي التو 800 cc ، و بتعمل في اللتر من 13-14 كم و لو على السريع ممكن تزيد لحد 15-16 كم
دة تبعي في عربيت حضرتك متقلقش

[mmmmgogommmm]

يوجد حد ادنى للاستهلاك فمش معنى انها 1000ccيبقى الاستهلاك 17 كيلو فى اللتر يعنى مثلا فى عربيات 1300 ميتسوبيشى بتعمل 13 كيلو لللتر داخل المدينة-------------------والا كانت الماروتى هتعمل 20 كيلو لللتر

[x_gomgom]

انا كنت بقنع نفسي لحد كام ساعه فاتوا.....
انا كنت جاي من مشوار و لسه بركن و هوووب الموتور فضل معلق و عالي (زي متكون مثبت رجلك على الدواسه بتاعت البنزين) رحت نزلت و فتحت الكبوت بصيت على بكره البوابه (قلت يمكن سلك الاكسرانير علق ولا حاجه) وجدته في وضعه الطبيعي بطلت العربيه و اتصلت ب صديق الاول قالي شيل فيشه البطاريه و ركبها تاني...
قلت استني الاول اتصل بالتوكيل اتصلت بيهم (كانت حوالي 6 المغرب) قالي هاتها السبت فقلت ماشي و رحت توكلت على الله و شيلت الكابل شويه و ركبته تاني (عشان عايز اروح بقي ).....
والحمد لله العربيه اتظبطت و لاحظت حاجه (صوت الفرقعه المكتومه اختفي تقريباً) و لسه بجرب و يا مسهل الى أن يحين موعدي مع التوكيل.....
الاخ gad_fcis جزاك الله كل خير على ردك اللي ريحني قليلاً لان عربيتي اخر مره كان عامله 13.4 كيلو متر في كل لتر على الطريق السريع (وانا شخصياً شايف انه كبير) متوسط سرعه 100 ك/س بدون تكييف (و ياريت تقولوا رأيكم)...

[x_gomgom]

انا قولت اكمل الموضوع عشان الواحد يقول اللي ليه و اللي عليه (شخصياً انا جاي بالعربيه كنت هولع فيها راجع من السفر سفاحه بنزين 30 لتر ما عملوش 360 كيلو على السريع و كمان ماشي 100-120 ).....
زي ما ذكرت قبل كده انا كنت كلمت التوكيل و بالفعل رحت النهارده الصبح و مهندس الاستقبال عمل job قالي ايه المشكله قلتله على موضوع التعليقه اللي حصل (انا اكتشفت بعد ما رحت ان السيد مدير المركز هو اللي رد عليا و الصراحه هو شخصيه محترمه جداً وانا تصلت فعلاً بعد ساعات العمل و فضل فاكر المكالمه من يوم الخميس ليوم السبت).....
واستلم السياره و طلعت الاستراحه و بعد شويه طلع مهندس الاستقبال و سألني على الضمان و قالي ان العربيه حساس idle بايظ و غالباً هيتغير و قد تم بالفعل و غيروه في الضمان.....
واحب اشكر كل العاملين بالمركز على المجهود المبذول و يا ريت يفضلوا في تطور دائماً.....